Սպիտակ արտադրություն կանանց մոտ. Ի՞նչ է դա

Սպիտակ արտադրություն կանանց մոտ. Ի՞նչ է դա 
Սպիտակ խիտ արտադրությունը յուրաքանչյուր աղջկա  ծանոթ երևույթ է: Այն վտանգավոր չէ և անհանգստանալու կարիք չկա: Բայց եթե կասկածներ ունեք, կարդացեք այս հոդվածը և ազատվեք բոլոր վախերից: 
Արտադրություն կանանց մոտ. Ինչո՞ւ է այն անհրաժեշտ: 
Ընթերցեք նաև՝ Նորմալ արտադրություն. ո՞ր դեպքում չարժե անհանգստանալ
Գրեթե բոլոր աղջիկներին ծանոթ իրավիճակ է․ զգում եք, որ ունեք արտադրություն և կարծում եք՝ դաշտանը սկսվել է, սակայն միայն սպիտակ կամ դեղնավուն բծեր եք հայտնաբերում: Սա լիովին նորմալ հեշտոցային արտադրություն  է: Սովորաբար, հեշտոցային առաջին արտադրությունն աղջիկների մոտ հայտնվում է 10-12 տարեկան հասակում: Եվ սա հստակ նշան է, որ մի քանի ամիս անց ( առավելագույնը վեց ամիս) աղջկա մոտ կսկսվի առաջին դաշտանը։ Դուք, իհարկե, կարող եք գանգատվել, բայց, իրականում, արտադրությունը շատ կարևոր է։ Ձեր օրգանիզմը սպիտակ արտադրություն է առաջացնում՝ հեշտոցը մաքրելու և խոնավացնելու համար: Եվ դա շատ լավ է, քանի որ եթե ներսում չոր լիներ, վարակների զարգացման հավանականությունն ավելի մեծ կլիներ: Այսպիսով, կանանց մոտ սպիտակ արտադրությունը օրգանիզմի բացարձակ բնական և անհրաժեշտ աշխատանքն է: 
Ի՞նչ է սովորական հեշտոցային արտադրությունը 
Այսպիսով, մենք պարզեցինք, որ չպետք է վախենալ արտադրությունից։ Այն նորմալ երևույթ է: Այնուամենայնիվ, դուք պետք է միշտ ուշադիր լինեք և կարողանաք տարբերակել առողջ արտադրությունը անառողջից, որի դեպքում պետք է այցելել գինեկոլոգի։ 
Առողջ հեշտոցային արտադրություն․ հոտ չունեցող արտադրություն, թափանցիկ և միատարր․ կարող է ունենալ յուղային բնույթ, այնուհետև չորանալ։ 
Ե՞րբ է անհրաժեշտ դիմել գինեկոլոգին 
Դուք անպայման պետք է այցելեք գինեկոլոգի, եթե ձեր հեշտոցային արտադրությունը՝ 
Սկսել է առաջացնել քոր կամ գրգռում 
Ստացել է անսովոր գույն 
Տհաճ հոտ ունի 
Դարձել է տարասեռ՝ կաթնաշոռի նման 
Մի՛ անհանգստացեք, դա վտանգավոր չէ․ բժիշկը պարզապես կզննի ձեզ և հետազոտության համար կվերցնի  արտադրության նմուշը: 
Եթե  արտադրությունն անհանգստություն և որևէ անհարմարություն է առաջացնում, մի՛ սպասեք, որ այն ինքն իրեն կանցնի, բայց իզուր խուճապի մի մատնվեք, այլ պարզապես դիմեք բժշկի: 
Ինչո՞ւ է սովորականից ավելի շատ արտահոսք լինում 
Դաշտանային ցիկլի ընթացքում կանանց մոտ արտադրությունների ծավալը կարող է տարբեր լինել. 
I փուլում (դաշտանից անմիջապես հետո) դրանք քիչ են։ 
II փուլում (ցիկլի կեսին, երբ տեղի է ունենում օվուլյացիա) արտադրությունը դառնում է ավելի շատ։ 
III փուլում (դաշտանի նախօրեին) այն կրկին կնվազի, բայց կարող է լինել ավելի խիտ և պակաս թափանցիկ: 
IV փուլում սկսվում է դաշտանը:
 
Աղբյուրը
Անպտղության բուժման և հղիության բարդությունների մեծ ռիսկի միջև կապը

Անպտղության բուժման և հղիության բարդությունների մեծ ռիսկի միջև կապը

Ըստ ուսումնասիրությունների՝  կանայք, ովքեր ստացել են անպտղության բուժում, օրինակ`արտամարմնային բեղմնավորում, ավելի մեծ հավանականությամբ՝ բարդություններ են ունենում հղիության ընթացքում

Նոր սերնդի օրալ հակաբեղմնավորիչները և ձվարանների ուռուցքների նվազեցված ռիսկը  

Նոր սերնդի օրալ հակաբեղմնավորիչները և ձվարանների ուռուցքների նվազեցված ռիսկը  

Աշխարհում շուրջ 100 միլիոն կին օգտագործում է հորմոնալ հակաբեղմնավորիչներ

6 հիվանդություն, որոնք պետք է կանխել մինչև 30 տարեկան դառնալը 

6 հիվանդություն, որոնք պետք է կանխել մինչև 30 տարեկան դառնալը 

Նախկինում կարծիք կար, որ շատ հիվանդություններ հիմնականում ազդում են տարեցների վրա

Ինչպե՞ս կրճատել դաշտանի տևողությունը կամ փոփոխել ցիկլը սկսելու օրը

Ինչպե՞ս կրճատել դաշտանի տևողությունը կամ փոփոխել ցիկլը սկսելու օրը

Կանանց մեծ մասը ցանկանում է, որ դաշտանը հնարավորինս արագ ավարտվի