7 փաստ կուսաթաղանթի մասին

7 փաստ կուսաթաղանթի մասին

«Կինը հարցրեց իմաստունին, թե ինչու իր կյանքում շատ կանայք ունեցող
տղամարդը լավն է համարվում, իսկ կինը, ով իր կյանքում ունի շատ
տղամարդիկ՝ վատը։ Իմաստունը պատասխանեց, որ շատ փականներ բացող բանալին
լավն է համարվում, իսկ փականը, որը հնարավոր է բացել ցանկացած բանալիով,
վատն է համարվում։»

Մոտավորապես այսպես են մեր երկրում վերաբերվում սեռական հարաբերությանը․
տղամարդն իր բանալիով բացում է կնոջ փականը, և եթե նրա մեջ արդեն եղել է
այլ բանալի, տղամարդն այդ մասին անպայման կռահում է, քանի որ փականից
արյուն չի ծորում։

Ոմանք կուսաթաղանթը դիտում են որպես իրական պատնեշ՝ հեշտոց առնանդամով
մուտք գործելու համար, որը պետք է անպայման պատռել առաջին հարաբերության
ժամանակ։ Տրամաբանական է, որ սերնդեսերունդ փոխանցված տեղեկատվությունը՝
առաջին սեռական հարաբերության ժամանակ պատռվածքի, արյան, ցավի և սարսափի
մասին, էապես բարդացնում է սեռական հարաբերություն կոչվածը։

1․ 1927 թվականին արդեն երազում էին անցավ կուսազրկման մասին

Կուսազրկումից առաջ վախը դեռևս վաղ անցյալից անհանգստացնում է
հայուհիներին, քանի որ 1927 թվականից արդեն մամուլում գրվում էր, թե
որքան լավ է վիրաբուժական միջամտությամբ հեռացնել կուսաթաղանթը՝ ցավից
խուսաբելու համար, ինչպես անում են եվրոպացի կանայք։ Եվրոպական երկրների
կանայք, կյանքի այդպիսի նշանակալի պահին ցավից և տառապանքներից
խուսափելու համար, բժշկի կողմից կատարված փոքր վիրահատությամբ կատարում
են կուսաթաղանթի հեռացում՝ նախքան ամունությունը: Մեր երկրի համար սա
ապագայի խնդիր է: Բայց կարծում եմ՝ ժամանակակից կինը այս հարցում հետ չի
մնա եվրոպացի կնոջից։ Նա արդեն անցյալում է թողել  սեռական կյանքի
բնագավառում ժամանակին առկա  մի շարք վայրի սովորույթներ և
նախապաշարմունքներ: Կատարված վիրահատության մասին բժշկի կողմից տրված
ապացույցները միշտ կվերացնեն այն կոնֆլիկտը, որը կարող է առաջանալ:
Այնպես որ, « պետք է պատռել» և «կուսաթաղանթն անմեղության ցուցանիշ է»
միֆերը արդեն շատ հին են, և հեշտ է դրանք մոռանալ։ Կարևորը՝ պետք է
հիշել, որ դրանք այնքան էլ ճիշտ չեն։ Հիմա մանրամասն վերլուծենք, թե ինչ
է այն իրենից ներկայացնում և ինչու է անհրաժեշտ։

2․Կուսաթաղանթն անհրաժեշտ է հեշտոցի պաշտպանության համար (սակայն սա հստակ չէ)

Գիտնականները դեռևս հստակ չեն կողմնորոշվել, թե ինչի համար է նախատեսված
կուսաթաղանթը։ Ոմանք կարծում են, որ սա ռուդիմենտալ ձևավորումներից մեկն
է, կոնկիկոքսային ձևավորման նման, որն անհրաժեշտ է եղել քարե
դարաշրջանում և կարիքը ժամանակի ընթացքում վերացել է։ Մի մասն էլ կարծում
է, որ այն անհրաժեշտ է՝ հեշտոցը միկրոբներից պաշտպանելու համար։
Երեխաների օրգանիզմն ավելի դժվար է հարմարվում շրջակա միջավայրին, իսկ
կուսաթաղանթը հանդես է գալիս որպես բնական պատնեշ։ Բայց տարիքի հետ
օրգանիզմն ուժեղանում է, հեշտոցում ձևավորվում է միկրոֆլորա, որն արդեն
ինքն է պաշտպանվում և պատնեշի կարիք այլևս չկա։ Բացի այդ, կուսաթաղանթն
ամեն տարի ձգվում է մի միլիմետր, այն պահից սկսած, երբ մարդն սկսում է
քայլել, նստել զուգարանակոնքին և ուսումնասիրել իր մարմինը։ Բայց դա բնավ
չի նշանակում, որ 50 տարեկան հասակում կուսաթաղանթը 50 միլիմետր կդառնա,
պարզապես սա ապացույց է, որ կուսաթաղանթը շատ էլաստիկ է։

3․Կուսաթաղանթը կամար է, ոչ թե ցանկապատ

Կուսաթաղանթը իսկապես կարող է լիովին փակ լինել, բայց սա հազվադեպ
բացառություն է, որը պահանջում է բժշկական միջամտություն: Կուսաթաղանթի
անցքն անհրաժեշտ է դաշտանի և հեշտոցային արտադրությունների համար։ Մարդիկ
կուսաթաղանթը պատկերացնում են որպես սպորտային խաղերի թղթե դրոշ ,որը
ծածկում է հեշտոցը և բացվում է առաջին  սեռական հարաբերության ժամանակ։
Իրականում այն հեշտոցի շուրջը գտնվող բարակ, առաձգական թաղանթ է։

4․Հնարավոր է զբաղվել սեքսով՝ առանց կուսաթաղանթը վնասելու

Եթե դուք պատկանում եք ոչ լիովին փակ կուսաթաղանթ ունեցող կանանց
մեծամասնությանը, ապա, ամենայն հավանականությամբ, ունեք առնվազն մեկ
բացվածք, գուցե երկու, երեք, կամ ավելին։ Կուսաթաղանթը կարող է նաև
ընդհանրապես գոյություն չունենալ կամ ունենալ փոքրիկ կամարի տեսք՝
հեշտոցի մուտքից վերև կամ ներքև։ Կուսաթաղանթի այս խոռոչներն ու
առաձգականությունը  թույլ են տալիս երիտասարդ աղջիկներին օգտագործել
տամպոն, զբաղվել ձեռնաշարժությամբ և նույնիսկ սեռական հարաբերություն
ունենալ (առնանդամի ներթափանցմամբ) ՝ առանց կուսաթաղանթը վնասելու։ 2004
թ.-ին հրապարակվեց մի ուսումնասիրություն, որը ցույց տվեց. սեռական ակտիվ
կյանք վարող կանանց 52% -ն ունեն անվնաս կուսաթաղանթ։ Սակայն այն կարող է
վնասվել  շպագատ նստելու, զուգարանակոնքին նստելու ժամանակ կամ առօրյա
կյանքում ՝ շատ պատահական։

5․Արյունը սեքսից հետո դրական նշան չէ

Շատ մշակույթներում առաջին սեռական հարաբերությունից հետո կարմիր սավանը
հարսնացուի անմեղության ապացույցն է, և այդ աղջիկների կյանքը կախված է
արյան առկայությունից: Այո՛, առաջին սեռական հարաբերությունից հետո և ոչ
միայն, կարող են լինել արյան հետքեր․ բայց մի բան է արյան հետքը, մեկ այլ
բան՝ արյունահոսությունը, երբ ծածկում է ամբողջ սավանը։ Արյունը՝ սեռական
հարաբերությունից հետո կարող է կապ չունենալ կուսաթաղանթի հետ, և պետք չէ
սպասել դրան կամ համարել նորմալ երևույթ։ Օրինակ, 2002 թ.-ին անցկացված
ուսումնասիրության արդյունքում երկու աղջկա մոտ (սահում էին
անվաչմուշկով) առկա են եղել սեռական օրգանների (սեռական շուրթերի և
հեշտոցամուտքի) վնասվածքներ և արյունահոսություն և աղջիկներից ոչ մեկի
մոտ առկա չեն եղել կուսաթաղանթի զգալի վնասվածքներ։ Ընդհանուր առմամբ,
բժիշկները խորհուրդ են տալիս դիմել հետազոտության, եթե սեքսից հետո
արյուն կա:

6․Կուսաթաղանթը չի անհետանում առաջին սեռական հարաբերությունից հետո

Անմեղության «կորստի» կարծրատիպը աղջիկներին ստիպում է ամոթ և
թերարժեքության զգացողություն ունենալ, քանի որ զուգընկերը սեքսից հետո
ասես ինչ-որ բան է ձեռք բերել, «վերցրել», մինչդեռ ինքը կորցրել է մի
բան, որն այլևս անհնար է վերականգնել։ Աղջիկը ոչինչ չի կորցնում առաջին
ներթափանցումից հետո։ Կուսաթաղանթը ոչ մի տեղ չի անհետանում, այն
պարզապես պատռվում է կամ ձգվում։ Պետք է հիշել, որ այն գտնվում է
հեշտոցամուտքի շուրջը, ոչ թե ամբողջությամբ ծածկում է այն։ Նաև հիմա շատ
տարածված է կուսաթաղանթի վերականգնումը՝ հիմենոպլաստիկան։ Այս կոսմետիկ
պրոցեդուրան կատարվում է ցավազրկմամբ։ Լինում է երկու տեսակ՝ կարճաժամկետ
և երկարաժամկետ։ Առաջինի ժամանակ կարվում են կուսաթաղանթի թաղանթները,
արդյունքը պահպանվում է մինջև 7 օր։ Երկրորդ դեպքում կուսաթաղանթի
վերականգնման հիմք են հանդիսանում հեշտոցի պատերի հատվածները, արդյունքը
պահպանվում է անժամկետ:

7․Կուսաթաղանթը կարող է վերականգնվել

Խոսքը չի գնում միայն երիտասարդ աղջիկների կամ մասնակի վերականգնման
մասին։ Կան 2004 թվականի հետազոտություններ, որոնք հրապարակվել են
«Pediatric Adolescent Medicine»-ի  արխիվներում, որոնք ցույց են տալիս,
որ չնայած սեռական շփման վերջնական արդյունքի (հղիության)՝ 36
դեռահասներից միայն 2-ն են ունեցել սեռական օրգանների փոփոխություններ։
Կանանց և աղջիկների կուսաթաղանթի վերաբերյալ ուսումնասիրությունները կապ
ունեն վնասվածքների և բռնաբարությունների հետ, ուստի «նորմալ» վիճակում
գտնվելու ժամանակ նրա մասին քիչ տեղեկություններ կան, սակայն հայտնի է,
որ այն վնասվելու դեպքում կարող է վերականգնվել։ Վնասված կուսաթաղանթ
ունեցող աղջիկների մասին արված ուսումնասիրությունները  ցույց են տվել,
որ պատռվածքի ժամանակ առաջացած վնասվածքները շատ արագ վերականգնվել են և
հաճախ շատ թույլ հետք են թողել կամ առհասարակ վերացել են և չեն փաստել
նախկինում եղած վնասվածքների մասին։

Ինչ անել, եթե առաջին սեքսը վախեցնում է

Նախ, մի սպասեք ցավի և արյան առկայությանը, դրանք չպետք է լինեն։
Հնարավոր է անհարմարություն, քանի որ կուսաթաղանթը՝ շատ առաձգական
լորձաթաղանթ է: Եվ երկրորդ՝ առաջին անգամը պարտադիր չէ իրականանա
առնանդամի ներթափանցում հեշտոցի մեջ։ Ուսումնասիրելով մարմինը՝ կարելի է
նախապատրաստվել դրան, իսկ զուգընկերը կօգնի այդ հարցում։

Աղբյուրը

Առաջին դաշտան․ ի՞նչ, որտե՞ղ, ե՞րբ, ինչպե՞ս․․․

Առաջին դաշտան․ ի՞նչ, որտե՞ղ, ե՞րբ, ինչպե՞ս․․․

Քո առաջին դաշտանը․ի՞նչ է անհրաժեշտ իմանալ

Հեշտոցի ատրեզիա

Հեշտոցի ատրեզիա

Հեշտոցի ատրեզիան հեշտոցի պատերի բնածին կամ ձեռքբերովի սերտաճումն է։ Ատրեզիայի դեպքում արգանդը, արգանդի պարանոցը, արգանդափողերը, ձվարանները և արտաքին սեռական օրգանները ճիշտ են գործում....

Ճարպոտ մաշկի խնամքը

Ճարպոտ մաշկի խնամքը

Խնդրի ի հայտ գալուն պես հարկավոր է դիմել բժշկի և ստուգել նյարդային համակարգի, ստամոքսաղիքային տրակտի, ներզատական գեղձերի վիճակն ու...

Հիգիենան դաշտանի ընթացքում

Հիգիենան դաշտանի ընթացքում

Օճառը և քլորացված ջուրը քայքայում են հեշտոցի բնական միկրոֆլորան և զրկում բակտերիաներից պաշտպանվելու...