Ցիստիտը հղիության ընթացքում

Ցիստիտը հղիության ընթացքում

Ցիստիտը միզապարկի բորբոքումն է, որի պատճառ հաճախ դառնում են վարակները։ Այսուհանդերձ կա նաև ոչ վարակային ցիստիտ, օրինակ՝ ալերգիկ, տոքսիկ և այլն։ Առավել հաճախ ցիստիտով հիվանդանում են կանայք․ միկրոօրգանիզմներն ավելի հեշտորեն են թափանցում կնոջ օրգանիզմ, քան տղամարդու, ինչը կապված է միզապսեռական համակարգի առանձնահատկությունների հետ։

Առաջին հայացքից ցիստիտը բավականին անվնաս է թվում։ Միաժամանակ այն շատ տհաճ է իր ախտանշաններով, իսկ երբեմն էլ հնարավոր են նաև բարդություններ։ Հղիության ընթացքում հիվանդության անբարենպաստ ընթացքը հատկապես վտանգավոր է։

Հղի կանանցից յուրաքանչյուր տասներորդը ցիստիտ է ունենում, ընդ որում, եթե կինը մինչև հղիությունն արդեն ունեցել է ցիստիտ, ապա հիվանդության զարգացման վտանգը կտրուկ աճում է։


Ինչո՞ւ է հղիության ընթացքում ցիստիտն առավել հաճախ զարգանում


Ամենայն հավանականությամբ պատճառը մեզի նորմալ արտահոսքի խանգարումն է: Մեծացող արգանդը ճնշում է միզապարկը և միզուղիները, ինչի արդյունքում մեզը լճանում է միզապարկում: Դա հանգեցնում է միզապարկի պատերի գրգռման, ինչն էլ հենց բարձրացնում է վարակների զարգացման հավանականությունը։ Բացի այդ, ավելանում է մեզի հակառակ արտահոսքի հավանականությունը դեպի երիկամներ, ինչը կարող է հանգեցնել պիելոնեֆրիտի զարգացման։ 

Ցիստիտի ախտանշանները


Հիմնական ախտանիշներն են ՝ որովայնի ստորին հատվածում ցավը, հաճախակի և ցավոտ միզումը: Հաճախ այն ուղեկցվում է մարմնի բարձր ջերմաստիճանով։ Սովորաբար բժիշկը հեշտությամբ է ախտորոշում այս հիվանդությունը։ Այս հիվանդության աննշան կասկածի դեպքում բժիշկը պետք է հղի կնոջն ուղղորդի հանձնել մեզի ընդհանուր անալիզ։ 

Եթե հղի կնոջ մեզում հայտնաբերվել են լեյկոցիտներ և պաթոգեն միկրոօրգանիզմներ, ապա կատարվում է նախնական ախտորոշում `ցիստիտ: Սակայն ախտորոշման հաստատման համար պահանջվում են հավելյալ հետազոտություններ։ Առաջարկվում է սեռական օրգանների ուլտրաձայնային հետազոտություն, ցիստոսկոպիա և այլն:
Այդ անհրաժեշտ է միզասեռական համակարգի համակցված հիվանդությունները բացառելու (կամ հայտնաբերելու) համար: Հնարավոր է, որ միզապարկում քարեր կամ գոյացություն լինի։ Հաճախ հղի կանանց մոտ ցիստիտն ընթանում է առանց ախտանշանների։ Այդ պատճառով անհրաժեշտ է, որպեսզի յուրաքանչյուր այցելության ժամանակ հղի կինը հանձնի նաև մեզի անալիզ։

Հղիության ընթացքում ցիստիտի դեպքում դեղամիջոցների և անգամ որոշ խոտաբույսերի ընդունումն արգելվում է, քանի որ ոչ բոլորն են բարենպաստ ազդեցություն թողնում երեխայի առողջության վրա։

 

Աղբյուրը

 

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Կարո՞ղ է արդյոք պայթել միզապարկը, եթե երկար ժամանակ զսպեք ձեզ ու չմիզեք

Միզապարկն ունի առաձգական պատեր, որոնք որոշակի արտաքին ազդեցությամբ իսկապես կարող են պայթել, սակայն ոչ մեզի մեծ ծավալի պատճառով

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Տղամարդն ուրոլոգիական առաջին զննումն անցնում է կյանքի առաջին ամիսներին, երբ մանկաբույժը զննում է իրականացնում՝ ամորձապարկի զարգացման պաթոլոգիաները բացառելու նպատակով։