«Իմպլանոն» բեղմնականխիչ. ինչ է և ինչպես է տեղադրվում

«Իմպլանոն» բեղմնականխիչ. ինչ է և ինչպես է տեղադրվում

«Իմպլանոնը» երկարաժամկետ, դառնալի բեղմնականխման ժամանակակից մեթոդ է։ Պրոգեստագեն պարունակող ենթամաշկային այդ իմպլանտի տեղադրումը թույլ է տալիս երեք տարով մոռանալ այլ բեղմնականխիչների մասին և չանհանգստանալ անցանկալի հղիության համար։

Իմպլանտը 4սմ երկարությամբ և 2մմ տրամագծով ճկուն առանցք է։ Գինեկոլոգն այն տեղադրում է նախաբազկի ներքին հատվածի մաշկի տակ՝ փոքրիկ անցք բացելով։ Միջամտությունը կատարվում է տեղային անզգայացմամբ, տեղադրումից հետո իմպլանտը չի երևում, այն հնարավոր է շոշափել միայն տվյալ տեղը սեղմելով։

Իմպլանոնը երկարաժամկետ հորմոնային հակաբեղմնավորիչ է, որը հուսալիորեն ճնշում է ձվազատումը։ Ըստ կլինիկական հետազոտությունների՝ Իմպլանոնի արդյունավետությունը 99,9% է։

Ընդ որում՝ ազդեցությունը դառնալի է, այսինքն բեղմնականխիչի հեռացումից հետո հորմոնային ֆոնը վերականգնվում է 100 ժամվա ընթացքում, ձվազատումը կարգավորվում է երեք ամսվա ընթացքում։ Իմպլանոնը հնարավոր է հեռացնել ցանկացած պահի՝ դիմելով գինեկոլոգի։ Այն չի ազդում ոսկրային հյուսվածքի ամրության և լիպիդների մետաբոլիզմի վրա։ Հնարավոր է տեղադրել 18-40 տարեկանում, ծննդաբերությունից անմիջապես հետո՝ երեք տարի ժամկետով։

Հակացուցումներն են՝

  • հղիություն (հղիության կասկած), 
  • երակային թրոմբոզ, թրոմբոէմբոլիա (եթե անգամ նախկինում եղել է), 
  • կրծքագեղձի քաղցկեղ (եթե անգամ անամնեզում եղել է), 
  • լյարդի ծանր հիվանդություն (եթե անգամ անամնեզում եղել է), 
  • պրոգեստոգենակախյալ ուռուցքներ, 
  • հեշտոցի անհայտ ծագման արյունահոսություն, 
  • Իմպլանոն պրեպարատի կամ դրա բաղադրիչներից որևէ մեկի հանդեպ բարձր զգայունություն։ 

Միայն պրոգեստոգեն պարունակող բեղմնականխիչները չի կարելի օգտագործել վերոնշյալ վիճակ-հիվանդություններից ցանկացածի առկայության դեպքում։ Եթե դրանք առաջացել են Իմպլանոնի օգտագործման շրջանում, ապա պետք է անհապաղ հեռացնել այն։

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Լուծել թրոմբը (արյան մակարդուկներ)․ ո՞ր մթերքներն են բարելավում արյան որակը

Եթե ունես խնդիրներ արյան հետ կապված՝ ուրեմն առողջ չես։ Մի խոսքով՝ արյունը չափազանց կարևոր է։

7 փաստ կուսաթաղանթի մասին

7 փաստ կուսաթաղանթի մասին

Ոմանք կուսաթաղանթը դիտում են որպես իրական պատնեշ՝ հեշտոց առնանդամով մուտք գործելու համար, որը պետք է անպայման պատռել առաջին հարաբերության ժամանակ։

Առաջին դաշտան․ ի՞նչ, որտե՞ղ, ե՞րբ, ինչպե՞ս․․․

Առաջին դաշտան․ ի՞նչ, որտե՞ղ, ե՞րբ, ինչպե՞ս․․․

Քո առաջին դաշտանը․ի՞նչ է անհրաժեշտ իմանալ

Սկլերոզային քարաքոս (Склерозирующий лишай)

Սկլերոզային քարաքոս (Склерозирующий лишай)

Սկլերոզային քարաքոսը(склерозирующий лишай) քրոնիկ մաշկային հիվանդություն է