Արգանդի զարկերակների էմբոլիզացիա
5991
Արգանդի միոման գինեկոլոգիական ամենատարածված հիվանդություններից մեկն է։ Բուժման բացակայությունը, խնդիրը բարձիթողի վիճակի մատնելը կարող է հանգեցնել արգանդային արյունահոսության և սակավարյունության զարգացման, անպտղության, գոյացության ակտիվ աճի և արդյունքում արգանդի հեռացման։ Արգանդի զարկերակների էմբոլիզացիան արգանդի միոմայի բուժման արդյունավետ և ապահով մեթոդներից մեկն է։
Ցուցումները
Արգանդի զարկերակների էմբոլիզացիան կատարվում է հետևյալ դեպքերում՝
- միոմայի արագընթաց աճ,
- բազմակի միոմաներ,
- օրգանը պահպանելու ցանկություն,
- հակացուցումների բացակայություն,
- միոմայի ռեցիդիվներ։
Նախապատրաստում միջամտությանը
Միջամտությունից առաջ բուժառուն ստանում է գինեկոլոգի խոհրդատվություն և մի շարք հետազոտություններ կատարում՝ արյան ընդհանուր և կենսաքիմիական հետազոտություն, հորմոնային ֆոնի հետազոտություն, կոագուլոգրամա, վարակների հայտնաբերման հետազոտություն։ Կատարվում է նաև փոքր կոնքի օրգանների ՈւՁՀ և մի շարք այլ հետազոտություններ՝ ըստ ցուցման։
Առավելությունները և առանձնահատկությունները
- Ստացիոնարում անցկացնելու ժամանակահատվածը՝ առավելագույնը երկու օր։ Բուժառուն սովորաբար դուրս է գրվում հիվանդանոցից միջամտության հաջորդ օրը։
- Հետվիրահատական բարդությունների առաջացման ռիդկը շատ փոքր է․ մի քանիօր անց հնարավոր է վերադառնալ առօրյա կյանքին։
- Միջամտությունից հետո սպի չի մնում։
- Արգանդի զարկերակների էմբոլիզացիան հետագա երկարատև հորմոնային թերապիա չի պահանջում։
Վերականգնումը
Վերականգման շրջանը կարճատև է։ Խորհուրդ է տրվում միջամտությունից հետո առաջին 7-8 ժամն անցկացնել անկողնում։ Դուրսգրումից հետո համապատասխան դեղորայք է նշանակվում՝ ըստ անհրաժեշտության։ Հնարավոր է, որ ջերմության բարձրացում և որովայնի ստորին հատվածի ցավ դիտվի։
