Ինչպե՞ս մեծացնել արագ հղիանալու հավանականությունը

Ինչպե՞ս մեծացնել արագ հղիանալու հավանականությունը

Կա՞ն միջոցներ, որոնց օգնությամբ հնարավոր է մեծացնել ինքնուրույն հղիանալու հավանականությունը։ Անկասկած։ Այդ բոլոր միջոցները շատ պարզ են և հեշտ իրագործելի առօրյա կյանքում։

Ֆիզիկական ծանրաբեռնվածություն։ Հարկավոր է սահմանափակել ֆիզիկական ծանրաբեռնվածությունը և մինչև հյուծման աստիճան չջանալ մարզասրահում։ Չափավոր ծանրաբեռնվածության դեպքում այդ չի խոչընդոտի հղիանալուն։

Դիետա։ Ինքնուրույն հղիանալու երաշխիքներից մեկը մարմնի զանգվածի ինդեքսն է։ Ե՛վ նորմայից ցածրի՝ նիհարության, և՛ բարձրի դեպքում հավանականությունը նվազում է։ Այդ պատճառով էլ պետք չէ հյուծիչ դիետաներ պահել։

Քուն։ Քնի քրոնիկ պակասը, ինչպես նաև ցերեկային շատ երկար քունը բացասաբար են ազդում վերադրողական ֆունկցիայի վրա։ Ութժամյա առողջ քունը արագ հղիանալու վրա ազդող կարևոր գործոններից է։

Սնունդ։ Սնունդը ևս կարևորագույն գործոններից է։ Բազմաթիվ դիետաներ կան, որոնց հեղինակները հավաստիացնում են, թե այն կօգնի արագ հղիանալ։ Հավատալ, թե ոչ, դուք եք որոշում, սակայն կան հստակ հանձնարարականներ՝ այս կամ այն դիետայից անկախ․ հարկավոր է հրաժարվել գազավորված ըմպելիքներից, ապխտած և տապակած ուտեստներից, սահմանափակել սուրճն ու քաղցրեղենը, սնվել ռեժիմով՝ հավասարակշռված, փոքր չափաբաժիններով։

Վնասակար սովորություններ։ Մայրանալ ցանկացող ամեն կին պետք է հնարավորինս շուտ հրաժարվի ծխախոտից և ալկոհոլից, որոնք ազդում են ոչ միայն վերարտադրողական կարողության, այլև պտղի վրա։

Սթրես։ Փորձեք խուսափել սթրեսային իրավիճակներից, լիարժեք հանգստանալ և սթրեսակայունություն ձեռք բերել, իսկ եթե սթրեսային աշխատանք ունեք, մտածեք որն է ավելի կարևոր երեխա՞ն, թե՞ կարիերան։

Վիտամին D։ Վիտամին D-ի պակասը նույնպես կարող է խոչընդոտել հղիանալուն։

Եթե վերոնշյալ միջոցներին հետևելու և կանոնավոր սեռական կյանքի պայմաններում չի հաջողվում հղիանալ մեկ տարվա ընթացքում, ապա հարկավոր է դիմել գինեկոլոգի, պարզել անհաջողության պատճառները և պլանավորել հաջորդ քայլերը։

Ինչպես պահպանել սովորական կենսակերպը, եթե ունեք անմիզապահություն

Ինչպես պահպանել սովորական կենսակերպը, եթե ունեք անմիզապահություն

Անմիզապահությունը դժվարացնում է առօրյա գործունեությունը, քանի որ բոլոր մտքերը կենտրոնացած են միայն այն բանի վրա, թե ինչպես չփչացնել հագուստը, որտեղ գտնել մոտակա զուգարանը և արդյոք կարելի է թույլ տալ լրացուցիչ բաժակ ջուր խմել։

Ինչ է լիպոման 

Ինչ է լիպոման 

Լիպոման ճարպային հյուսվածքի բարորակ գոյացություն է, որը տեղակայված է մաշկի և մկանների միջև

Դաշտանային ցավ․ պատճառները 

Դաշտանային ցավ․ պատճառները 

Շատ հաճախ ցավոտ դաշտանն առաջնային դիսմենորեան է, այսինքն՝ տհաճ զգացողություններ առաջանում են ոչ թե հիվանդությունների պատճառով, այլ ինքնուրույն

Ինչպես գործուն մնալ դաշտանային ցիկլի տարբեր փուլերում

Ինչպես գործուն մնալ դաշտանային ցիկլի տարբեր փուլերում

Դաշտանի ընթացքում, ինչպես նաև «սարսափելի» նախադաշտանային ժամանակահատվածում ինչ-որ բան անելը կարող է դժվար լինել, քանի որ առաջանում է ծանրության, հոգնածության զգացողություն և վատ տրամադրություն: