Հիվանդություններ, որոնց դեպքում արնահոսություն է դիտվում՝

• աբորտ, 
• արտարգանդային արնահոսություն, 
• էնդոմետրիոզ, 
• հիպոթիրեոզ, 
• լեյկեմիա, 
• դիսմենորեա, 
• ձվարանների քաղցկեղ, 
• կոնքի օրգանների բորբոքային հիվանդություններ, 
• սեռավարակներ, 
• արգանդի քաղցկեղ, 
• արգանդի միոմա, 
• արգանդի պոլիպ, 
• վագինիտ, 
• անզգուշորեն արված ցնցուղում և այլն։

Արգանդային արնահոսության առաջացման պատճառները

• Արգանդի պարանոցի հիվանդություններ՝ ցերվիցիտ, արգանդի պարանոցի պոլիպ։ 
• Արյան մակարդելիության խանգարում, հիպերպրոլակտինեմիա, երիկամների հիվանդություն, լեյկեմիա, լյարդի հիվանդություններ, վահանաձև գեղձի և մակերիկամների դիսֆունկցիա։ 
• Որոշ դեղամիջոցների օգտագործում։ 
• Ձվարանների և արգանդափողերի հիվանդություններ (էնդոմետրիոզ, արտարգանդային հղիություն, ձվարանների ուռուցք, սալպինգոօֆորիտ)։ 
• Արգանդի հիվանդություններ (ադենոմիոզ, էնդոմետրիումի հիպերպլազիա, էնդոմետրիտ, միոմա, ներարգանդային պարույր, հղիություն, քաղցկեղ)։ 
• Հեշտոցի հիվանդություններ (ուռուցքներ, վագինիտ, վուլվիտ և այլն)։

Ժողովրդական միջոցների վնասակարությունը

Արգանդային արնահոսությունից ժողովրդական որևէ միջոցով ազատվելով հիմնական հիվանդությունը չի բուժվում և անցնում է քրոնիկական ձևի։

Արտարգանդային հղիության դեպքում ժողովրդական միջոցների կիրառումը հանգեցնում է արգանդափողի պատռման, ինչը կարող է սպառնալ կյանքին և վիրաբուժական անհետաձգելի միջամտություն պահանջել։

Ցանկացած միջոց կիրառելուց առաջ հարկավոր է դիմել բժշկի (գինեկոլոգ, գինեկոլոգ-էնդոկրինոլոգ, օնկոլոգ) և հետազոտություն անցնել։