Գինեկոմաստիա

Գինեկոմաստիա

Գինեկոմաստիան տղամարդու կաթնագեղձերի մեծացումն է ճարպային հյուսվածքի հիպերտրոֆիայի պատճառով։ Հիվանդությունն արտահայտվում է կաթնագեղձերի մեծացմամբ (2-10 սմ տրամագծով) և պնդացմամբ, ծանրության և ցավի զգացմամբ։ Այն կարող է ինքնուրույն ռեգրես ապրել։

Առաջացման պատճառները

Հիվանդությունն առաջանում է հորմոնային խանգարումների պատճառով, երբ էստրոգենների մակարդակն ավելի բարձր է լինում, քան անդրոգեններինը։ Գինեկոմաստիան կարող է զարգանալ նորածնության շրջանում, հասունացման տարիքում կամ ծերության շրջանում։ Այդպիսի գինեկոմաստիան կոչվում է ֆիզիոլոգիական։ Մի շարք դեպքերում առաջանում է որոշ դեղամիջոցների ընդունման հետևանքով, ինչպես նաև որոշ հիվանդությունների պատճառով։

Դրանցից են բնածին խանգարումները՝ Կլայնֆելտերի համախտանիշ, անորխիա, տեստոստերոնի սինթեզի խախտում, կամ ձեռքբերովի հիվանդությունները՝ էպիդեմիկ պարոտիտ, օրխիտ, ամորձիների քաղցկեղ և այլն։

Ախտանշանները

Գինեկոմաստիայի հիմնական ախտանշանը կաթնագեղձերի մեծացումն է, հիմնականում երկկողմանի։ Որոշ դեպքերում կրծքից արտադրություն է նկատվում կաթնախեժի տեսքով, ցավ չի դիտվում, սակայն հնարավոր է բարձրանա կաթնագեղձերի զգայունակությունը։

Ախտորոշումը

Նախանական ախտորոշումը կատարվում է կաթնագեղձերի և թևատակի լիմֆատիկ հանգույցների պալպացիայի՝ շոշափման միջոցով։ Ճշգրտման նպատակով կաթնագեղձի ՈւՁՀ է կատարվում։ Լաբորատոր հետազոտություններն ուղղված են տեստոստերոնի, էստրադիոլի, լյուտեինիզացնող հորմոնի, թիրեոտրոպ հորմոնի, խորիոնային գոնադոտրոպինի և պրոլակտինի մակարդակի որոշմանը։

Տեսակները

Տարբերում են իսկական և կեղծ գինեկոմաստիա։ Իսկական առաջանում է գեղձային հյուսվածքի հիպերտրոֆիայի պատճառով, իսկ կեղծը զարգանում է կաթնագեղձերի հատվածում ճարպային հյուսվածքի կուտակմամբ։ Իսկական գինեկոմաստիան լինում է երեք տեսակի՝ նորածինների, հասունացման շրջանի և ծերունական տարիքի։

Բուժումը

Ֆիզիոլոգիական գինեկոմաստիան նորածինների և դեռահասների դեպքում հաճախ ինքնուրույն է անցնում։ Եթե վեց ամսվա ընթացքում դրական տեղաշարժ չի նկատվում, թերապիա է նշանակվում։ Դեղորայքային թերապիան ենթադրում է արական սեռական հորմոնների և հակաէստրոգենների նշանակում։ Եթե գինեկոմաստիայի պատճառը որոշ դեղամիջոցների ընդունումն է, ապա դադարեցվում է կամ նվազեցվում է դեղաչափը։

Ինչ անել սրտխառնոցից ազատվելու համար. 8 պարզ խորհուրդ

Ինչ անել սրտխառնոցից ազատվելու համար. 8 պարզ խորհուրդ

Սրտխառնոցի բուժումը կախված է դրա պատճառից: Բայց ամեն դեպքում կարելի է փորձել մեղմել վիճակը պարզ մեթոդներով

Յոթ անսպասելի պատճառ, թե ինչու են մարդիկ գիշերը քրտնում

Յոթ անսպասելի պատճառ, թե ինչու են մարդիկ գիշերը քրտնում

Մեծահասակների մոտ առկա են 2-5 միլիոն քրտնագեղձեր

Ինչու են պարանոցի ավշային հանգույցները բորբոքվում, և ինչ է հարկավոր անել

Ինչու են պարանոցի ավշային հանգույցները բորբոքվում, և ինչ է հարկավոր անել

Ավշային հանգույցները փոքր գոյացություններ են պարանոցի, թևատակերի, աճուկի շրջանի և կենսական օրգաններին մոտ գտնվող այլ հատվածներում

Ինչպես հեռացնել միլիումները՝ դեմքի սպիտակ կետերը

Ինչպես հեռացնել միլիումները՝ դեմքի սպիտակ կետերը

Եթե ինչ-ինչ պատճառներով դրանք մնում են, ապա որոշ ժամանակ անց կարծրանում են, և ձևավորվում է միլիում: