Արգանդի հիպոպլազիա և հղիության պլանավորում

Արգանդի հիպոպլազիա և հղիության պլանավորում

Արգանդի հիպոպլազիան մի վիճակ է, որի դեպքում արգանդի չափերն էականորեն փոքր են լինում նորմայից։ Այդ մինչև հասունացման տարիքն արգանդի թերի զարգացման հետևանք է, իսկ երբեմն էլ սեռական ինֆանտիլիզմի նշան է լինում:

Սովորաբար դրա առաջացման պատճառը հորմոնային ֆոնի փոփոխություններն են՝ մանկական, դեռահասության կամ սեռահասունության տարիքում, ինչպես նաև հորմոնային թերապիայից հետո ի հայտ եկած հորմոնային խանգարումները:

Դեռահաս աղջկա մոտ հնարավոր է դանդաղի արգանդի աճը, այդ դեպքում մենստրուացիան կսկսվի համեմատած ավելի ուշ՝ 14-16 տարեկանում: Արգանդի թերզագացման պատճառ կարող են լինել անորեքսիան, քաշի անբավարարությունը կամ գիրությունը, էնդոկրին համակարգի խանգարումները:

Արգանդի չափերի նորման.

Այս ցուցանիշները սահմանված նորման են, սակայն պետք է հիշել, որ արգանդի չափերի գնահատման վրա կարող են ազդել որոշ գործոններ, օրինակ ՈւՁՀ ապարատը: Բացի այդ, դաշտանային ցիկլի սկզբում և հորմոնային հակաբեղմնավորիչների ընդունումից հետո էնդոմետրիումը դառնում է ավելի բարակ, ինչը փոքրացնում է արգանդի չափերը: Ձվազատումից հետո, ընդհակառակը, էնդոմետրիումը հաստանում է և արգանդի չափը մեծանում է: Հետազոտման տրանսվագինալ մեթոդի դեպքում արգանդի տոնուսի ազդեցությամբ չափերը կարող են մեծ լինել, իսկ հետազոտության միջորովայնային մեթոդի դեպքում միզապարկի ճնշման ազդեցության տակ արգանդը կարող է փոքր երևալ:

Սեռական ինֆանտիլիզմի նշանները

Առաջին նշաններից մեկը սեռական հասունացման հապաղումն է: Ուշանում է դաշտանային ցիկլի սկիզբը, սկսվելու դեպքում շատ առատ կամ սակավ է լինում, հաճախ դիտվում է ալգոդիսմենորեա (ցավոտ դաշտան), կոնքի արտաքին փոքր չափեր: Արգանդի փոքր չափերին զուգահեռ հնարավոր է փոփոխված լինեն մեծ և փոքր շուրթերի չափերը: Հիպոպլազիայի դեպքում կանանց մոտ դիտվում է անօվուլյատոր դաշտանային ցիկլ, հնարավոր է նվազի ձվարանների զգայունությունը գոնադոտրոպինի նկատմամբ, ինչը բարդացնում է հղիության պլանավորումը:

Բուժումը

Հղիության պլանավորման փուլում այս ախտորոշման դեպքում հարկավոր է հետևել արգանդի չափերին փոփոխությանը ողջ ցիկլի ընթացքում, ձվազատման դինամիկային, հնարավոր է փոքր չափերը լինեն անատոմիական առանձնահատկություն և չազդեն հղիության բնականոն ընթացքի վրա: Եթե սեռական ինֆանտիլիզմն ախտորոշվել է ավելի վաղ, ապա բժիշկը կնշանակի հորմոնային թերապիա՝ էստրոգեններով և պրոգեստերոնով:

Բուժումն ուղղված է ձվազատման վերականգնմանը, էնդոմետրիումում ցիկլային փոփոխությունների կարգավորմանը և արգանդի չափերի մեծացմանը՝ մինչև նորման: Բուժումը կօգնի խուսափել հիպոպլազիայով հղիության վտանգներից (արտարգանդային հղիություն, վիժում վաղ շրջանում, հետծննդաբերական արյունահոսություն և այլն):

Հիստերոսկոպիա

Հիստերոսկոպիա

Հիստերոսկոպիան հնարավորություն է տալիս պարզել և վերացնել արգանդի խոռոչի պաթոլոգիաները՝ միջնապատերը, կպումները, պոլիպները , միոմաները....

Արգանդի պարանոցի էրոզիայի ռադիոալիքային բուժումը

Արգանդի պարանոցի էրոզիայի ռադիոալիքային բուժումը

Արգանդի պարանոցի էկտոպիայի (էրոզիայի) ռադիոալիքային դեստրուկցիան համարվում է ամենարդի, անվտանգ, էֆեկտիվ և քիչ ինվազիվ մեթոդ...

Ձվարանի դերմոիդ կիստա

Ձվարանի դերմոիդ կիստա

Ձվարանի դերմոիդ կիստան բարորակ նորգոյացություն է: Այն կազմված է հաստ պատիճից և ունի ձվարանին ոչ հատուկ հյուսվածք: Պատիճը կարող է լցված լինել...

Ցավ ամոթույքի հատվածում

Ցավ ամոթույքի հատվածում

Էպիդերմիսը, որը ծածկում է մեծ սեռաշուրթերը, բազմաթիվ քրտնագեղձեր և ճարպագեղձեր, ինչպես նաև նյարդային վերջավորություններ է պարունակում։ Սեռական գրգռման բացակայության դեպքում...