Ուտրոժեստանը հղիության պլանավորման փուլում

Ուտրոժեստանը հղիության պլանավորման փուլում

Այս դեղամիջոցն իրենից ներկայացնում է պրոգեստերոն հորմոն: Հղիության բնականոն ընթացքի համար կարևոր է պրոգեստերոնի բավարար քանակությունն օրգանիզմում: Դա է պատճառը, որ ուտրոժեստանը լայն կիրառություն ունի հղիության դեպքում:

Կնոջ օրգանիզմում պրոգեստերոնն արտադրվոմ է երեք օրգանների կողմից՝ մակերիկամներ, դեղին մարմին և ընկերք: Պրոգեստերոնը հաճախ անվանում են հղիության հորմոն, քանի որ դրա բավարար քանակությունն ապահովում է արդյունավետ ձվազատում, ինչից էլ կախված է բեղմնավորումը, իսկ հղիության ընթացքում հորմոնի մակարդակը բարձրանում է՝ ի նշան դրա լավ ընթացքի:

Կարդացեք՝ Պրոգեստերոն, մայրական բնազդի հորմոն:

Ուտրոժեստանի ընդունման ցուցումները

Հղիության պլանավորման փուլում և դրա ընթացքում ուտրոժեստանի գլխավոր ցուցումը պրոգեստերոնի անբավարարությունն է: Կլինիկորեն այն կարող է տարատեսակ արտահայտություն ունենալ՝ սկսած կիստայի աջացումից և էնդոմետրիումի հիպերպլազիայից մինչև հիպերանդրոգենիայի, արտահայտված ակնեի և մազակալման առաջացում:

Հղիության պլանավորման փուլում ուտրոժեստանը նշանակվում է երեք հիմնական դեպքերում.

  • Պրոգեստերոնի անբավարարությունով պայմանավորված անպտղություն դեպքում:
  •  Նախկինում, պրոգեստերոնի ցածր մակարդակով պայմանավորված վիժումների դեպքում: 
  • Արյան մեջ պրոգեստերոնի առանց ախտանշանների նվազման դեպքում:

Պրոգեստերոնի մակարդակը ստուգելու համար անհրաժեշտ է արյան լաբորատոր հետազոտության հանձնել ցիկլի երկրորդ կեսին:

Հակացուցումներ և կողմնակի ազդեցություներ

Ուտրոժեստանն օգտագործվում է բացառապես բժշկի նշանակմամբ: Այս դեղամիջոցի հակացուցում են՝

  • երակների արտահայտված և բարդացած վարիկոզ լայնացումը, 
  • տրոմբոֆլեբիտը, 
  • լյարդի հիվանդությունները, 
  • որոշակի տեղակայման չարորակ ուռուցքները:

Անհրաժեշտ է զգուշությամբ կիրառել սիրտ-անոթային հիվանդությունների, ասթմայի և շաքարային դիաբետի դեպքում: Հնարավոր է դեղամիջոցն առաջացնի քնկոտություն և թույլ գլխապտույտ:

Ուտրոժեստանի ընդունման կարգը

Ուտրոժեստանը վաճառվում է հաբերի տեսքով: Մինիմալ դեղաքանակը կազմում է օրական 200 մգ: Հաբի հեշտոցային կիրառումն ավելի արդյունավետ է, քանի որ այդպես դեղամիջոցն ավելի լավ է ներծծվում:

Ուտրոժեստանի ընդունման դեղաչափը և ժամկետները տարբեր են՝ կախված անհատական դեպքից: Անհրաժեշտ է հետևել բժշկի ցուցումներին: Դեղամիջոցի ընդունման կտրուկ դադարեցում չի թույլատրվում: Դա կատարվում է աստիճանաբար՝ բժշկի հսկողության ներքո:

Ձվաբջիջների սառեցում

Ձվաբջիջների սառեցում

Ձվաբջիջների սառեցման (կրիոկոնսերվացիա) տեխնոլոգիաները հայտնի են ավելի քան 30 տարի և օգտագործվում են կնոջ պտղաբերության պահպանման համար

Երիտասարդության գաղտնիքը հորմոնների ներդաշնակությունն է

Երիտասարդության գաղտնիքը հորմոնների ներդաշնակությունն է

Երբ հորմոնալ համակարգի հետ կապված խնդիրներ են առաջանում, չափազանց դժվար է դառնում վերլուծել և վերահսկել սեփական զգացմունքներն ու հույզերը

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Ինչպե՞ս կարող է հոդատապն (պոդագրա) ազդել ձեր կյանքի որակի վրա, և ինչպե՞ս խուսափել դրանից

Հոդատապը հիվանդություն է, որը զարգանում է պուրինի նյութափոխանակության խանգարման հետևանքով, ինչի արդյունքում հիմնականում հոդերում առաջանում են միզաթթվի բյուրեղներ

Ինչպե՞ս սովորել կենտրոնանալ սեքսի վրա

Ինչպե՞ս սովորել կենտրոնանալ սեքսի վրա

Ժամանակակից աշխարհում կան չափազանց շեղող գործոններ՝ երկար ժամանակ ինչ-որ բանի վրա կենտրոնանալու համար, այդ թվում նաև սեքսի