Երիտասարդ բժիշկների ասոցիացիայի և Կարմիր խաչի նախաձեռնությամբ կայացավ հերթական բարեգործական հանդիպումը։ 

Այս անգամ հանդիպումը նախատեսված էր Մասիս քաղաքի բնակիչների համար։ Խոսվեց կնոջ առողջության, մասնավորապես՝ վերարտադրողական առողջության, հղիության, հղիության պլանավորման, բարդությունների, ինչպես նաև մեծ տարիքում հաճախակի հանդիպող հիվանդությունների (արգանդի իջեցում, միոմա և այլն), էնդոկրինոլոգիական խնդիրների (հիպոթիրեոզ, աուտոիմուն թիրեոդիտ, շաքարային դիաբետ) մասին։ Անդրադարձ եղավ նաև այնպիսի տարածված հիվանդությունների, ինչպիսիք են հիպերտոնիան՝ զարկերակային ճնշման բարձրացում, հիպոտոնիան՝ զարկերակային ճնշման իջեցում, հեպատիտներ և այլն։