Հնարավո՞ր է հղիանալ տղամարդու սեռական քսուքից (նախասերմ, պրեէկուլյատ)
62225
Կանանց, ովքեր որպես բեղմնականխման միջոց ընտրում են ընդհատված սեռական ակտը, հաճախ մտահոգում է մի հարց․ հնարավո՞ր է հղիանալ տղամարդու սեռական քսուքից (նախասերմ, պրեէկուլյատ)։
Ի՞նչ է սեռական քսուքը
Սեռական քսուքը սերմնաժայթքումից առաջ նկատվող հեղուկն է, թափանցիկ լորձը, որն արտադրվում է սեռանդամում սեռական գրգռման ժամանակ։ Ֆիզիոլոգիական տեսանկյունից այդ հեղուկն օգնում է, որ սեռական անդամի ներհրումը հեշտոցում ավելի դյուրին լինի։ Այդպիսի քսուք է արտադրվում նաև հեշտոցում։
Տղամարդու քսուքը որոշակի քանակությամբ սերմնաբջիջ կարող է պարունակել կրկնակի սեռական ակտի ժամանակ կամ երբ տղամարդը չի հասցնում ճիշտ ժամանակին ընդհատել ակտը, և աննշան սերմնաժայթքում է լինում (չնայած որ հղիանալու հավանականությունը միշտ չէ որ մեծ է)։ Բեղմնավորումն արագ կլինի, եթե սերմնաբջիջները կենսունակ ու արագաշարժ լինեն: Հղիանալու հավանականությունը մեծանում է նաև ցիկլի՝ բեղմնավորման համար նպաստավոր օրերին։
Եթե սեռական ակտերի միջև տղամարդը չի լվացվում, ապա կարճ ժամանակահատվածում մի քանի ակտից հետո հնարավոր է հղիանալ սեռական քսուքի միջոցով։ Բացի այդ, միշտ չէ, որ լվացվելն օգնում է, քանի որ որոշակի քանակությամբ սերմնաբջիջիներ պահպանվում են միզուկում, իսկ տղամարդը չի կարող լիարժեք լվանալ ամբողջ միզուկը: Այդ դեպքում սերմնաբջիջները չեն հասցնում մահանալ, իսկ կնոջ սեռական օրգաններ ներթափանցելուց հետո կարող են բեղմնավորել ձվաբջջին։
Այսպիսով, հիշեք, որ միայն սեռական քսուքից հնարավոր չէ հղիանալ։ Հիմնականում տղամարդը չի հասցնում սեռանդամը դուրս հանել նախքան սերմնաժայթքումը։ Եթե այդպիսի դեպք է լինում, պետք է անհապաղ՝ 72 ժամվա ընթացքում անհետաձգելի բեղմնականխման հաբ խմել, որպեսզի խուսափեք անցանկալի հղիությունից։
Հաշվի առեք, որ սեռական քսուքը կարող է սեռավարակ և դրա հարուցիչներ պարունակել, ուստի պետք է բեղմնականխման որևէ միջոց օգտագործել, օրինակ պահպանակ։
Նմանատիպ նյութեր
Ճի՞շտ է, որ եթե սերմնահեղուկը թափվում է հեշտոցից, ապա նվազում է հղիանալու հավանականությունը
Ճի՞շտ է, որ եթե կինը հեշտոցային օրգազմ չի ապրում, ուրեմն հիվանդ է
Ցավ սեռական հարաբերության ժամանակ. ինչի մասին է վկայում
Հղիությունը մեծացնո՞ւմ է սեռական ցանկությունը
Ինչպես ճիշտ օգտագործել պահպանակը և ինչ անել, եթե պատռվել է
