Ինչու ենք անընդհատ ցանկանում քնել

Ինչու ենք անընդհատ ցանկանում քնել

Անընդհատ քնելու ցանկությո՞ւն եք ունենում: Պատճառը պարզ է. քնի պակաս: Կարծես թե հետևում եք բոլոր խորհուրդներին՝ չեք քնում համակարգչի առջև, սուրճ չեք խմում ընթրիքից հետո և գիշերն անջատում եք լուսամփոփը, սակայն ոչ մի օգուտ: Բացի այս ամենից, քնի պակասը վնասակար է առողջության համար (սրտանոթային հիվանդություններ, դիաբետ և դեպրեսիա), ինչպես նաև նպաստում է գիրացմանը: Ո՞րն է պատճառը: Ահա 8 գործոն, որոնք կարող են անքնության պատճառ լինել և որոնց մասին քչերը գիտեն:

1. Ինքնախաբեություն

Ձեզ թվում է, թե կարող եք և չքնել, սուպերմենի նման, ով ցերեկն աշխատում է, իսկ գիշերը փրկում աշխարհը: Քնից ինքնակամ հրաժարվելը խաթարում է քնի բնականոն ցիկլը՝ առույգացումը, որ ներառում է 7-9-ժամյա գիշերային հանգիստ՝ հանգեցնելով սթրեսի: Արդյունքում փոխվում են մեր բիոռիթմերը, որ կապված են ցերեկվա և գիշերվա հերթափոխի հետ: Առողջ քունը վերգտնելը դառնում է դժվար:

Ինչ անել: Բավ է հերոսություն պահանջեք ձեզնից: Թույլ տվեք ձեզ հոգնածություն զգալ և լիարժեք քնել գիշերը:

2. Իրերի խառնաշփոթ ննջասենյակում

Մեր գիտակցությունը կլանում է այն ամենը, ինչ շրջապատում է մեզ: Եթե վերջին բանը, որ տեսել եք քնելուց առաջ, աղբն ու իրերի թափթփված վիճակն է եղել, ապա ձեր երազներն էլ քաոսային և տհաճ կլինեն: Անպետք իրերը պետք է դեն նետել, իսկ դուք կարծես վերամշակում եք այդ աղբը ձեր գիտակցության մեջ՝ ամբողջ գիշեր մի կողմից մյուսը շրջվելով և անհանգսիտ քնելով:

Ինչ անել: Ննջասենյակում աղբ մի թողեք, աղբամանի փոխարեն անուշահոտ ծաղիկներ դրեք, հատկապես լավանդա կամ լավանդայի խառնուրդ: Այն հանգստացնում է անգիտակցականը և նպաստում խաղաղ քնին: Հաճախ կարգի բերեք սենյակը:

3. Քաղցած եք պառկում քնելու

Միսուրիի Քնի ինստիտուտի տնօրեն Ռոբերտ Էքսմանը կարծում է, որ քնից առաջ մի փոքր սնունդ ընդունելն օրգանիզմին ապահովում է էներգիայով, որն օգնում է քնել խորն ու հանգիստ: Ըստ նրա՝ օգտակար են հատկապես ածխաջրերը, քանի որ դրանք արյան մեջ մեծացնում են ինսուլինի քանակը և նպաստում սերոտոնին հորմոնի արտազատմանը, ինչը բարելավում է քունը:

Ինչ անել: Քնելուց 1-2 ժամ առաջ կես չափաբաժին մակարոն, ցորենի ամբողջական հատիկից պատրաստված ապուր կամ բրդուճ կերեք: Ուտելիքն այս ժամին չպետք է գերազանցի 150 կկալը:

4. Քնում եք տարբեր տեղերում և կարճատև

Ննջարանը քնելու լավագույն վայրն է: Քնելով ավտոբուսում՝ աշխատավայրից վերադառնալիս, կամ ընթրիքից հետո մեկ ժամ պառկելով բազմոցին՝ ապակողմնորոշում եք ձեր ուղեղին. այն չի կողմնորոշվում, թե երբ և որտեղ է կարելի անցնել հանգստի վիճակի:

Ինչ անել: Քնեք միայն ննջարանում: Եթե զգում եք, որ քունը տանում է, սակայն քնելու ժամանակը չէ, կանգնեք և մի լավ ձգվեք: Այդպիսով կմեծացնեք թթվածնի հոսքը դեպի հյուսվածքներ և կբարելավեք արյան շրջանառությունը:

5. Հույս չունենաք լրացնել բացթողումը

Մի շարք քնաբաններ ասում են, որ քնի հարցում չենք կարող որևէ կերպ լրացնել բացթողումը: Ավելին՝ լրացնելու փորձերը կարող են էլ ավելի խորացնել հոգնածությունը: Եթե ամբողջ շաբաթվա ընթացքում 4-5-ական ժամ եք քնել և հույս ունեք, որ մի լավ կառնեք քունը հանգստյան օրերին՝ քնելով 9-10 ժամ, ապա չարաչար սխալվում եք: Այդպիսով խախտում եք սեփական կենսաբանական ժամանակը և խանգարում եք մարմնին սահմանել քնի և արթնացման ճիշտ ցիկլը:

Ինչ անել: Անել ամեն ինչ ճիշտ ժամանակին քնելու համար: Եթե սիրում եք հանգստյան օրերին առավոտյան երկար քնել, ապա նախօրեին ուշ պառկեք քնելու, որպեսզի չփոփոխեք ձեզ համար արդեն իսկ սովորական դարձած քնի տևողությունը:

6. Անտեսում եք նախաճաշը

Միգուցե հարց առաջանա՝ ինչ կապ ունի նախաճաշը քնելու ժամի հետ: «Արթնանալուց հետո 1 ժամվա ընթացքում նախաճաշելով՝ մեր կենսաբանական ժամացույցն սկսում է աշխատել, սկսվում է ժամանակի հետհաշվարկը մինչև քելու ժամը,-բացատրում է պրոֆեսոր Էքսմանը: Սա կարծես ուրույն ժամացույց է, որ հուշում է, թե երբ է հասել անկողին մտնելու ժամանակը: Նախաճաշը նաև կարգավորում է նյութափոխանակությունը: Երբ բաց եք թողնում նախաճաշը, ձեր ուղեղը համարում է, որ մարմնին քաղց է սպառնում և սկսում է սթրեսի հորմոններ՝ կորտիզոլ և ադրենալին արտազատել, իսկ վերջիններս կարող են անքնության պատճառ դառնալ:

Ինչ անել: Հարկավոր է առավոտյան նախաճաշել՝ ուտելով սպիտակուցներով հարուստ սնունդ և օրգանիզմը չծանրաբեռնել ածխաջրերով: Յոգուրտը և մեկ բաժակ յուղազերծված կաթը ձեզ կապահովեն 20գր սպիտակուցով, և դա կօգնի առույգանալ աշխատանքային օրն սկսելուց առաջ:

7. Առավոտյան արթնանալը. ձեր գիշերային մղձաանջը

Քնում եք այն մտքով, որ առավոտյան ստիպված եք լինելու վեր կենալ անկողնուց, և այդ միտքը սարսափեցնում է ձեզ: Արդյունքում օրգանիզմում սթրեսի հորմոններ՝ կորտիզոլ և ադրենալին են արտադրվում: Դրանք ստիպում են օրգանիզմին առույգանալ, և եթե անգամ քնած եք, միևնույնն է ձեր քունը խորը չէ: Մկանները լարված են, արյան մեջ շաքարի մակարդակը բարձր է, իսկ այդ ամենը բնավ չի նպաստում հանգիստ ու առողջարար քնին:

Ինչ անել: Կենտրոնացեք սպասվող օրվա դրական իրադարձությունների վրա, եթե անգամ ստիպված եք լինելու առավոտյան վաղ արթնանալ: Մտածեք սպասվելիք հաճելի պահերի մասին՝ անուշաբույր սուրճի մեկ կում կամ գեղեցիկ հագուստ, որը կրելու եք այդ օրը:

8. Դուք կին եք

Այո, կին լինելու հանգամանքը կարող է ազդել քնի որակի վրա: «Լիարժեք քնի համար անհրաժեշտ արագ քնի փուլերը կրճատվում են դաշտանի, նախադաշտանադադարի և դաշտանադադարի ընթացքում, քանի որ արյան մեջ կտրուկ իջնում է պրոգեստերոն հորմոնի մակարդակը,- պարզաբանում է Կալիֆորնիայի Էոս քնի կենտրոնի գլխավոր բժիշկ Մեթյու Մինգրոունը: Դրա հետևանքով վատանում է ջերմակարգավորումը, շոգում եք, և քունը խանգարվում է»:

Ինչ անել: Հորմոնների կարգավորման ուղղությամբ խորհրդակցել բժշկի հետ: Ուշադրություն դարձրեք անկողնային պարագաներին: Եթե ձեր ծածկոցը հաստ է, փոխարինեք այն մի քանի բարակ ծածկոցով, որպեսզի գիշերը կարողանաք հանել կամ ավելացնել՝ կախված մարմնի ջերմաստիճանից և ինքնազգացողությունից:

Ինչպես ճիշտ հագնել սեղմող գուլպաներ

Ինչպես ճիշտ հագնել սեղմող գուլպաներ

Կոմպրեսիոն գուլպաներն առաձգական են՝ հատուկ ամուր տրիկոտաժից կարված

Կարելի՞ է արդյոք զբաղվել անալ, ապա անմիջապես հեշտոցային սեքսով

Կարելի՞ է արդյոք զբաղվել անալ, ապա անմիջապես հեշտոցային սեքսով

Անալ սեքսով զբաղվելու մեջ որևէ վատ բան չկա, պարզապես յուրաքանչյուր մարդ ունի իր նախասիրությունը

19 հետաքրքիր փաստ տղամարդու սեռական օրգանի մասին

19 հետաքրքիր փաստ տղամարդու սեռական օրգանի մասին

 1. Ամենամեծ առնանդամը աշխարհում հասնում է գրեթե 35 սմ-ի՝ գրգռված վիճակում

Օղու ազդեցությունը արյան ճնշման և անոթների վրա

Օղու ազդեցությունը արյան ճնշման և անոթների վրա

Օղու հիմնական բաղադրիչն էթիլային սպիրտն է, որը ներծծվում է արյան մեջ