Այլ նյութեր
Քրոնիկ էնդոմետրիտ․ անտեսված պատճառ, որը կարող է կապված լինել կրկնվող վիժումների և իմպլանտացիայի ձախողումների հետ
Քրոնիկ էնդոմետրիտը արգանդի լորձաթաղանթի երկարատև բորբոքային վիճակ է, որը հաճախ ընթանում է առանց արտահայտված ախտանիշների։ Հենց այդ պատճառով այն երբեմն երկար ժամանակ մնում է չախտորոշված՝ հատկապես վերարտադրողական խնդիրներ ունեցող կանանց շրջանում։
Վերջին տարիներին բազմաթիվ հետազոտություններ ուշադրություն են հրավիրում քրոնիկ էնդոմետրիտի հնարավոր դերի վրա կրկնվող վիժումների, իմպլանտացիայի ձախողումների և որոշ դեպքերում՝ անպտղության զարգացման մեջ։
Ինչպե՞ս կարող է այն ազդել հղիության վրա
Նորմալ իմպլանտացիայի համար անհրաժեշտ է, որպեսզի էնդոմետրիումը լինի ընկալունակ և ապահովի բարենպաստ միջավայր զարգացող էմբրիոնի համար։ Քրոնիկ բորբոքային գործընթացը կարող է խաթարել այս բարդ մեխանիզմները՝ նվազեցնելով հաջող իմպլանտացիայի և հղիության զարգացման հավանականությունը։
Հնարավոր ախտանիշները
Շատ կանանց մոտ հիվանդությունն ընթանում է առանց որևէ գանգատի, սակայն երբեմն կարող են հանդիպել.
- միջդաշտանային արյունային արտադրություններ,
- դաշտանային ցիկլի խանգարումներ,
- կոնքի քրոնիկ ցավեր,
- կրկնվող վիժումներ,
- արտամարմնային բեղմնավորման կրկնվող անհաջող փորձեր։
Ինչպե՞ս է հաստատվում ախտորոշումը
Ախտորոշման հիմնական մեթոդներն են.
- հիստերոսկոպիան,
- էնդոմետրիումի բիոպսիան,
- հյուսվածաբանական հետազոտությունը,
- իմունոհիստոքիմիական հետազոտությունը՝ CD138 մարկերի կիրառմամբ։
Ժամանակակից մոտեցումները
Քրոնիկ էնդոմետրիտի հայտնաբերումը և համապատասխան բուժումը կարող են նպաստել էնդոմետրիումի ֆունկցիայի բարելավմանը և որոշ դեպքերում բարձրացնել հաջող հղիության հավանականությունը։ Այդ պատճառով կրկնվող վիժումների և իմպլանտացիայի ձախողումների դեպքում անհրաժեշտ է անհատականացված մոտեցում և մանրակրկիտ գնահատում։
13
