Հեշտոցային և գինեկոլոգիական բորբոքային հիվանդությունների կրկնվող ընթացքը կանանց շրջանում հաճախ հանդիպող խնդիր է, որը ոչ միայն նվազեցնում է կյանքի որակը, այլև կարող է ազդել վերարտադրողական առողջության վրա։ Շատ դեպքերում խնդիրը ոչ թե մեկ անգամյա վարակն է, այլ դրա պատճառների չբացահայտումը և ոչ լիարժեք բուժումը։

 Ինչու՞ են բորբոքումները կրկնվում

Կրկնվող բորբոքումների հիմքում սովորաբար ընկած են մի քանի գործոններ՝ Վագինալ միկրոֆլորայի խանգարում

Լակտոբակտերիաների քանակի նվազումը և pH-ի փոփոխությունը ստեղծում են բարենպաստ միջավայր պաթոգեն միկրոօրգանիզմների աճի համար։

 Անբավարար կամ ոչ ճիշտ բուժում

Կիսատ բուժումը կամ ինքնաբուժումը հաճախ հանգեցնում է վարակի ժամանակավոր նվազման, բայց ոչ լիարժեք վերացման։

Կրկնակի վարակում (ռեինֆեկցիա)

Սեռական զուգընկերոջ չբուժման դեպքում հնարավոր է կրկնակի վարակում։

Իմունային համակարգի թուլացում

Սթրես, քրոնիկ հիվանդություններ, հորմոնալ խանգարումներ կարող են նպաստել բորբոքային պրոցեսների ակտիվացմանը։

Հիգիենայի և կենսակերպի գործոններ

Չափազանց հաճախակի լվացումներ, ագրեսիվ միջոցների օգտագործում, սինթետիկ ներքնազգեստ

 Ե՞րբ պետք է կասկածել քրոնիկ կամ կրկնվող գործընթաց

• Տարեկան ≥3–4 բորբոքման էպիզոդ
• Նույն ախտանշանների պարբերական վերադարձ
• Կարճ ժամանակում կրկնվող գանգատներ բուժումից հետո

Կրկնվող բորբոքումների դեպքում կարևոր է ոչ թե միայն բուժել ախտանշանները, այլ պարզել պատճառը․

• Վագինալ քսուկ և միկրոսկոպիա
• Բակտերիոլոգիական հետազոտություն (ցանք)
• Սեռավարակների PCR ախտորոշում
• Վագինալ pH-ի գնահատում
• Հորմոնալ ֆոնի ուսումնասիրություն (անհրաժեշտության դեպքում)

 Կանխարգելիչ մոտեցում

• Անհատական հիգիենայի ճիշտ պահպանում
• Ագրեսիվ միջոցներից խուսափում
• Բամբակյա ներքնազգեստ
• Իմունիտետի աջակցում

 Ի՞նչ չի կարելի անել

• Ինքնաբուժվել՝ առանց հետազոտության
• Ամեն անգամ նույն դեղամիջոցը կիրառել
• Անտեսել հաճախ կրկնվող ախտանշանները

Հաճախ կրկնվող բորբոքումները պահանջում են համալիր մոտեցում՝ պատճառների բացահայտում, ճիշտ ախտորոշում և անհատականացված բուժում։ Միայն այս դեպքում հնարավոր է խուսափել քրոնիկացմանց և վերականգնել նորմալ վագինալ միկրոֆլորան ու վերարտադրողական առողջությունը։