Շիզոֆրենիայի 10 վաղաժամ ախտանիշներ
42129
Շիզոֆրենիայի 10 վաղաժամ ախտանիշներ
Շիզոֆրենիայով տառապող մարդիկ միշտ վստահ են լինում, որ իրենք առողջ են և հրաժարվում են այցելել բժշկի: Միևնույն ժամանակ՝ հոգեկան խանգարումը զարգանում է և ավելի դժվար է լինում այն բուժել: Ուստի շատ կարևոր է ուշադրություն դարձնել վաղ արտահայտվող ախտանիշներին:
Շիզոֆրենիայի ախտանիշները
1. Հիգիենիկ սովորությունների փոփոխություն Օրինակ՝ նախկինում մարդը օրական երկու անգամ մաքրում էր ատամները, բայց այժմ հազվադեպ է հիշում այդ մասին:
2. Անտարբերություն այլոց կարծիքների նկատմամբ Երբ մարդուն առհասարակ չի հուզում շրջապատի կարծիքը և նրանց ներկայությամբ կարող է առանց կաշկանդվելու չափից շատ ազատ վարքագիծ դրսևորել։
3. Ինքնամեկուսացում
Մարդը, ով նախկինում շփվող էր, հանկարծ սկսում է խուսափել շփումներից, ինքնամեկուսանալ կամ հանդիպելու դեպքում հայացքը փորձում է թաքցնել:
4. Թշնամություն, կասկածանք, ագրեսիվ վարք Անձը սկսել է չվստահել ոչ ոքի, դարձել է կասկածամիտ ու ագրեսիվ պահվածք է դրսևորում։
5. Ոչ ադեկվատ հույզեր
Օրինակ՝ ուրախալի իրադարձության ժամանակ մարդը կարող է անտարբեր լինել կամ լաց լինել, իսկ ողբերգական պահերին՝ ծիծաղել։
6. Ոչինչ չարտահայտող հայացք և դեմքի արտահայտություն Այս ախտանիշը կարելի է բնութագրել մեկ արտահայտությամբ` «ոչինչ չասող դեմք»:
7. Քնի խանգարումներ
Օրինակ՝ մարդը կարող է տառապել անքնությամբ կամ, ընդհակառակը, ամբողջ օրը քնել:
8. Ուշադրության և կենտրոնացման հետ կապված խնդիրներ Մարդը դժվար է կենտրոնանում, ուշադրությունը մշտապես ցրված է։
9. Տարօրինակ համոզմունքներ
Օրինակ՝ մարդը հանկարծ սկսել է հավատալ որևէ տեսության կամ սնահավատությունների և ամբողջ օրը կենտրոնանում է դրա վրա։
10. Տարօրինակ խոսք
Օրինակ՝ անձը
• խոսում է շատ կցկտուր,
• հաճախակի է օգտագործում հորինված բառեր,
• օգտագործում է հանգավորված խոսք,
• խոսում է անհասկանալի բաների մասին և այլն։
Բոլոր վերը նշված ախտանիշները միշտ չէ, որ վկայում են շիզոֆրենիայի զարգացման մասին, բայց եթե դրանք տևական ժամանակ է նկատել եք ձեր հարազատի մոտ, ապա անպայման դիմեք հոգեթերապևտի։
Աղբյուրը
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
