Ինչո՞ւ է առաջանում ֆլյուս (լնդաբորբ) և ինչպե՞ս է այն բուժվում

Ինչո՞ւ է առաջանում ֆլյուս (լնդաբորբ) և ինչպե՞ս է այն բուժվում

Ի՞նչ է ֆլյուսը Ֆլյուսը լնդի բորբոքումն է, որն առաջանում է հիվանդ ատամի թարախակալման հետևանքով։

Նրա խոռոչում բազմանում են պաթոգեն բակտերիաներ, ինչի պատճառով լինդը այտուցվում է, իսկ մակերեսին առաջանում է թարախի պարկ։ Երբեմն այն պատռվում է, և թարախը հոսում է բերանի խոռոչի մեջ։ Ֆլյուսի հիմնական պատճառը չբուժված կամ լիարժեք չբուժված կարիեսն ու շատ ատամնաքարերն են։ Այս ամենը հանգեցնում է պաթոգեն բակտերիաների առաջացման, ինչի հետևանքով էլ ատամի շրջակա հյուսվածքներում առաջանում է բորբոքային գործընթաց՝ պերիօդոնտիտ։ Վերջինս կարող է տարածվել ծնոտի ոսկորի վրա, իսկ ոսկորի տակ կուտակվող թարախը կարող է առաջացնել ցավ և այտուց։

Եթե ժամանակին համապատասխան միջոցներ չձեռնարկվեն, ապա թարախը կարող է տարածվել այլ դեպի հատվածներ՝ վերածվելով աբսցեսի, այնուհետ՝ ֆլեգմոնայի։ Հետևյալ բարդացումները անհապաղ բժշկական օգնություն են պահանջում։

Որո՞նք են Ֆլյուսի ախտանշանները

Մարդիկ, որոնց մոտ նոր է զարգանում բորբոքումը, ունենում են հետևյալ գանգատները.

• հիվանդ ատամի շրջակայքում ցավ և այտուց,

• մարմնի ջերմաստիճանի բարձրացում։

Ինչպե՞ս բուժել ֆլյուսը Հարկավոր է ժամանակին դիմել ատամնաբույժի։ Նախնական շրջանում բորբոքային գործընթացը հնարավոր է դադարեցնել՝ բուժելով կամ հեռացնելով ատամը։ Սակայն, ժամանակին բժշկական օգնություն չստանալու դեպքում ամեն ինչ կբարդանա։

Եթե բորբոքումը վերածվել է աբսցեսի, ապա ատամն այլևս հնարավոր չէ պահպանել։ Հարկավոր է այն հեռացնել, այնուհետև լնդի կտրվածք կատարել և մաքրել թարախը։

Ինչպե՞ս կանխարգելել ֆլյուսի առաջացումը։ Կանոնները բավականին պարզ են.

• մաքրել ատամներն ամեն օր, օգտագործել ատամնաթել,

• պարբերաբար այցելել ատամնաբույժի, կատարել ատամնաքարերի մաքրում,

• կարիեսի առաջացման դեպքում անմիջապես բուժել ատամները,

• ցուցման դեպքում կատարել ռենտգեն-հետազոտություն, ինչն օգնում է դեռևս վաղ փուլում հայտնաբերել թարախային օջախները և իրականացնել համապատասխան բուժում։
 
 Աղբյուրը
 
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին