Կանանց ինտիմ հատվածի քոր, որը չի ուղեկցվում հեշտոցային արտադրությամբ

Կանանց ինտիմ հատվածի քոր, որը չի ուղեկցվում հեշտոցային արտադրությամբ


Կանանց ինտիմ հատվածում քորի առաջացումը բավականին տարածված երևույթ է: Այն կարող է առաջանալ մի շարք պատճառներով` ալերգիայից մինչև ուռուցքային հիվանդություններ:

Քորի առաջացման ներքին պատճառները

Հորմոնալ անհավասարակշռություն

Հորմոնալ ֆոնի փոփոխությունները կարող են առաջանալ դաշտանային ցիկլի կամ հղիության, ինչպես նաև դաշտանադադարի ընթացքում: Նման փոփոխությունները կարող են առաջացնել հեշտոցի լորձաթաղանթի չորություն: Արդյունքում առաջանում է քոր, որը միշտ չէ, որ ուղեկցվում է արտադրությամբ:

Վերարտադրողական համակարգում չարորակ նորագոյացությունների առկայություն

Որոշ դեպքերում քորի առաջացումը կարող է պայմանավորված լինել նախաքաղցկեղային իրավիճակով կամ սեռական օրգանների քաղցկեղով։ Այս իրավիճակներն ուղեկցվում են արտաքին սեռական օրգանների ատրոֆիայով, ինչը հանգեցնում է մշտական չորության և քորի:

Օրգանիզմի ընդհանուր պաթոլոգիաներ

Բորբոքման օջախների առկայությունը ենթադրում է դրա տարածումն այլ օրգանների վրա` ներառյալ սեռական օրգանները: Բացի այդ, ցանկացած պաթոլոգիա թուլացնում է դիմադրողականությունը: Հետևաբար, գինեկոլոգը կարող է նշանակել այնպիսի հետազոտություններ, որոնք առաջին հայացքից կապ չունեն վերարտադրողական համակարգի հետ: Եթե բժշկի կասկածները հաստատվեն, ապա նախքան ինտիմ հատվածում առկա քորը վերացնելը՝ պետք է բուժել առաջնային հիվանդությունը:

Ալերգիա

Հաճախ հեշտոցում քոր է առաջանում որոշակի ալերգիկ ռեակցիայի արդյունքում: Այն կարող է առաջանալ նոր լվացող միջոցի, լոգանքի հավելումների, ներքնազգեստի վրա մնացած լվացքի փոշու մնացորդների և նույնիսկ զուգարանի թղթի մնացորդների պատճառով:

Եթե լաբորատոր ուսումնասիրությունները հաստատեն իմունային համակարգի գործունեության մեջ առկա փոփոխությունները, որոնք կապված են ալերգիայի հետ, ապա անհրաժեշտ կլինի հետևել նման ռեակցիաների առաջացման օրինաչափությանը՝ ալերգենը բացահայտելու համար:

Արտաքին պատճառներ

Ինտիմ հիգիենայի կանոններին չհետևելը

Ինտիմ հիգիենայի կանոնները կարևոր են բոլորի՝ և՛ տղամարդկանց, և՛ կանանց համար:

Երբեմն այս պատճառով խախտվում է հեշտոցային միկրոֆլորայի հավասարակշռությունը. տեղաշարժվում են պաթոգեն և պայմանական պաթոգեն մանրէները, որոնք առաջացնում են բորբոքային գործընթացներ և տհաճ զգացողություններ հեշտոցում:

Էպիլյացիա և դեպիլյացիա

Երբեմն ինտիմ հատվածում քոր կարող է առաջանալ դեպիլյացիայից հետո. հատկապես հաճախ է նկատվում զգայուն մաշկ ունեցող կանանց մոտ:

Հիգիենիկ միջադիրներ

Քորի պատճառ կարող են դառնալ բուրավետ միջադիրները: Բույրի համար օգտագործվող նյութերը կարող են առաջացնել լորձաթաղանթի գրգռում: Ամենօրյա միջադիրների օգտագործումը որոշ կանանց համար ռիսկային է:

Ինտիմ հիգիենայի պարագաների սխալ ընտրություն

Քորի պատճառը կարող է թաքնված լինել նաև ինտիմ հիգիենայի համար օգտագործվող միջոցների մեջ, որոնք կա՛մ չորացնում են լորձաթաղանթը, կա՛մ քիմիական նյութերի պատճառով գրգռում և ալերգիկ ռեակցիաներ են առաջացնում:

Գերսառեցում

Քորը կարող է առաջանալ նաև գերսառեցման հետևանքով: Դրանից խուսափելու համար պետք չէ նստել սառը մակերեսին և բարակ հագուստ հագնել ցուրտ եղանակին:

Սննդակարգ

Սննդակարգի ռեժիմի խախտումը կարող է անհանգստություն առաջացնել նաև ինտիմ հատվածում: Երբեմն սուր, թթու, աղի և պահածոյացված մթերքների հաճախակի օգտագործումը կարող է առաջացնել քոր:

Ցայլքի շրջանի պեդիկուլյոզ (ոջիլ)

Ցայլքի շրջանի ոջիլները մակաբույծներ են, որոնք սնվում են արյամբ, իսկ նրանց խայթոցի տեղերն ուժգին քոր են առաջացնում:

Բուժում

Բուժումն ուղղակիորեն կախված է ախտանիշների առաջացման պատճառից: Այս դեպքում բուժման հստակ մեթոդ չկա․ նախ պետք է հայտնաբերել պատճառը, ապա իրականացնել անհրաժեշտ միջոցառումներ։

 

 Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

Հեշտոցի նեղացում հիալուրոնաթթվի օգնությամբ (ներարկման եղանակով)

Հեշտոցի նեղացում հիալուրոնաթթվի օգնությամբ (ներարկման եղանակով)

Այսօր բավականին մեծ տարածում ունեն ինտիմ երիտասարդացման համար կիրառվող հիալուրոնաթթվի հիմք ունեցող ֆիլլերները։

Օրգազմի վերականգնում. G կետի մեծացում

Օրգազմի վերականգնում. G կետի մեծացում

Ինտիմ պլաստիկան բժշկության մեջ մեծ պահանջարկ ունեցող ուղղություն է, որի նպատակն է վերացնել ֆիզիոլոգիական և էսթետիկ թերությունները:

Օրգազմի բացակայություն

Օրգազմի բացակայություն

Օրգազմի բացակայությունը սեռական հարաբերություններում առկա շատ տարածված խնդիր է, որը հանդիպում է տարբեր տարիքի կանանց մոտ: Հիմնական ախտանիշը՝ օրգազմի բացակայությունն է:

PRP թերապիա կանանց համար

PRP թերապիա կանանց համար

PRP եզրույթը ձևավորվել է «Platelet Rich Plasma» արտահայտության սկզբնատառերից, ինչը թարգմանաբար նշանակում է՝ թրոմբոցիտներով հարուստ պլազմա