Արգանդի պարանոցի լազերային վապորիզացիա

Արգանդի պարանոցի լազերային վապորիզացիա

Լազերային վապորիզացիան (լազերային բուժում) արգանդի պարանոցի գինեկոլոգիական միջամտություն է, որը հանդիսանում է նվազագույն ինվազիվ, քիչ տրավմատիկ, անարյուն բուժման մեթոդ՝ արգանդի վզիկի բարորակ գոյացությունների կամ պաթոլոգիաների համար։ Տեխնիկան սկսել է կիրառվել համեմատաբար վերջերս, բայց ժամանակակից գինեկոլոգիայում այն համարվում է շատ արդյունավետ:

Գոլորշիացման տեխնիկայով բուժումը հնարավոր է, եթե օրինակ նախկինում դեղամիջոցներով իրականացրած բուժումը ցանկալի արդյունք չի ունեցել, և իրականացվել են հիվանդությունը հաստատող անհրաժեշտ հետազոտություններ։

Հեշտոցի լազերային վապորիզացիան կարող է կիրառվել կանանց բոլոր տարիքային խմբերի համար, հատկապես՝ չծննդաբերածների։

Հիմնական ցուցումներն են.

• լեյկոպլակիա

• արգանդի վզիկի պոլիպներ

• արգանդի վզիկի էկտոպիա

• արգանդի վզիկի էնդոմետրիոզ կամ կիստոզ գոյացություններ

• արգանդի վզիկի վնասվածքներ և սպիներ։

Հեշտոցի լազերային վապորիզացիայի մեթոդիկայի էությունը նրանում է, որ պաթոլոգիկ օջախի վրա ազդում են հստակ հզորությամբ լազերի ճառագայթներով։

Լազերային վապորիզացիայի տևողությունը 15-20 րոպե է։ Իսկ մանիպուլյացիայի ավարտից հետո կինը ազատ կարող է գնալ տուն։ Արգանդի վզիկի լազերային վապորիզացիան երբեք չի նշանակվում առանց նախնական հետազոտության: Հիվանդին նշանակվում են լաբորատոր թեստեր և հետազոտություններ։

ՎԵՐԱԿԱՆԳՆՈՂԱԿԱՆ ՇՐՋԱՆ

Արգանդի վզիկի լազերային բուժումն ունի վերականգնողական կարճատև շրջան, որը տևում է 1 ամիս:

Արգանդի վզիկի լորձաթաղանթի լազերային բուժումից հետո կնոջը արգելվում է.

• կրել զգալի ֆիզիկական ծանրաբեռնվածություն,

• ունենալ սեռական հարաբերություն,

• այցելել բաղնիք, շոգեբաղնիք կամ պարզապես տաքացնել մարմնի ստորին հատվածները։

Վապորիզացիայից մեկ ամիս հետո պետք է այցելել գինեկոլոգի, որպեսզի բժիշկը գնահատի հյուսվածքների վերականգնման աստիճանը և որակը։ Դրանից հետո կնոջը խորհուրդ է տրվում տարեկան երկու անգամ անցնելու գինեկոլոգիական պրոֆիլակտիկ հետազոտություն։

 Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին