Ինչո՞ւ են սևանում ատամները, ի՞նչ անել ...

Ինչո՞ւ են սևանում ատամները, ի՞նչ անել ...

Առողջ ժպիտը կարող է լինել սպիտակ կամ դեղնավուն, բայց ոչ մուգ մոխրագույն կամ սև... Եթե ատամների վրա առկա են մոխրագույն կամ սև հետքեր, որոնցից չեք կարող ազատվել սովորական ատամի խոզանակի և մածուկի օգնությամբ, ուրեմն հարկավոր է դիմել ատամնաբույժի։

 

Ինչո՞ւ են մեծահասակաների ատամները սևանում

Երբեմն հեշտ է շտկել իրավիճակը, բայց կան նաև դժվարություններ:

Կարիես

Կարիոզային խոռոչները կարող են ունենալ տարբեր գույներ՝ դեղին շագանակագույն, մոխրագույն և նույնիսկ սև:

 

Ի՞նչ անել

Բուժել կարիեսը: Բուժման տևողությունը կախված է նրանից, թե որքան խորն է գործընթացը:

Երկաթի բարձր պարունակությամբ ջուր

Սովորաբար, ատամնափառն ունի դեղնավուն երանգ, բայց որոշ դեպքերում ավելի շատ նման է սև հետքերի:

 

Ի՞նչ անել

Ամենայն հավանականությամբ, հարկավոր կլինի ատամների մասնագիտական մաքրում և սպիտակեցում:

Սնունդ, որը ներկում է էմալը

Դասական օրինակներ են հապալասը, բազուկը, պահածոյացված կեռասը: Իրականում, նրանք ներկում են ոչ թե էմալը, այլ ատամնափառը, որն ունի ծակոտկեն կառուցվածք և հեշտությամբ ներծծում է պիգմենտները:

 

Ի՞նչ անել

Սովորաբար ատամների սպիտակ գույնը վերադարձնելու համար բավարար է մանրակրկիտ մաքրել դրանք և ողողել բերանի խոռոչը հատուկ միջոցներով:

Երկաթի բիոհավելումներ

Դրանք մեծացնում են երկաթի քանակը թքի մեջ, ինչը կարող է նպաստել սև ատամնափառի ձևավորմանը:

 

Ի՞նչ անել

Անպայման տեղեկացրեք ատամնաբույժին, որ ընդունում եք երկաթ պարունակող դեղամիջոցներ: Բժիշկը նշանակումներ կանի, որոնք թույլ կտան դադարեցնել գունային փոփոխությունը:

Մարսողության հետ կապված խնդիրներ

Սև ատամնափառի առաջացման հավանականությունն առավել մեծ է այն մարդկանց մոտ, ում թուքն ունի բարձր PH-գործոն. այսինքն, ունի բարձր թթվայնություն:

 

Ի՞նչ անել

Ատամնաբույժը կօգնի հեռացնել սև ատամնափառը, այնուհետ խորհուրդ կտա դիմելու գաստրոէնտերոլոգի:

Ծխախոտ

Ծխողների ատամներին ամենից հաճախ բնորոշ է դեղին և շագանակագույն պիգմենտացիան:

 

Ի՞նչ անել

Առողջ գույնը վերադարձնելու համար հարկավոր է իրականացնել մասնագիտական մաքրում և սպիտակեցում:

Արծաթե սուլֆիդով ատամի շապիկ կամ ատամնալիցք

Նրանք կարող են ատամի էմալին պողպատե երանգ հաղորդել:

 

Ի՞նչ անել

Հարկավոր է փոխել ատամնալիցքը

 

Գենետիկա

Կան ժառանգական որոշ հիվանդություններ, որոնք կարող են ազդել գույնի վրա. օրինակ՝ անկատար դենտինոգենեզ, որի դեպքում խանգարվում է էմալի ձևավորման գործընթացը: Այս անոմալիայի զարգացման պատճառով ատամները կարող են ունենալ դեղին, շագանակագույն կամ մոխրագույն երանգ:

Ի՞նչ անել

Նախ հարկավոր է ճիշտ ախտորոշում իրականացնել: Այնուհետ ատամնաբույժը կիրականացնի պրոֆեսիոնալ սպիտակեցում կամ այլ ընթացակարգեր:

Ատամի վնասվածք

Ատամների խորշերում արյան անոթները կարող են պայթել՝ առաջացնելով հեմատոմաներ, որոնք էլ կարող են տեսանելի լինել։

Ի՞նչ անել

Այս դեպքում սպիտակեցնողներն ու ինտենսիվ մաքրումը չեն օգնի:

Ոչ որակյալ էնդոդոնտիկ բուժում

Եթե արմատի ուղիները բուժում է ոչ այնքան արհեստավարժ մասնագետ, ապա դրանք կարող են սևանալ և էմալի միջոցով ամբողջ ատամին տալ մոխրագույն և սև երանգ։

Ի՞նչ անել

Նախկինում պարզապես տեղադրում էին ատամի սպիտակ շապիկ, սակայն այսօր ժամանակակից ստոմատոլոգիան առաջարկում է այլընտրանք, որը կառաջարկի ձեզ ատամնաբույժը։

Ինչո՞ւ են երեխաների ատամները սևանում

Պատճառները սովորաբար նույնն են, ինչ մեծահասակների մոտ:

Բայց կան նաև այլ պատճառներ.

Կարիես

Երեխաների մոտ կարիոզային խոռոչներն առավել արագ են զարգանում, քան մեծահասակների մոտ:

Ի՞նչ անել

Նկատելուն պես՝ դիմեք մանկական ատամնաբույժի:

Սև ատամնափառ

Սև հետքերը երեխաների մոտ ավելի հաճախ են առաջանում, քան մեծահասակների: Դա կարող է պայմանավորված լինել բերանի խոռոչում առկա տարիքին համապատասխան բակտերիաների կազմով, ինչպես նաև մարսողական համակարգի տարիքային անկատարությամբ:

Ի՞նչ անել

Սև ատամնափառը հեռացնելու համար ատամնաբույժը կիրականացնի մասնագիտական մաքրում: Հաճախ սա միակ ելքն է, քանի որ ատամնափառը դժվար է հեռացնել տնային պայմաններում։

Հղիության կամ կրծքով կերակրման ընթացքում մոր կողմից հակաբիոտիկների ընդունում

Հիմնականում այսպիսի ազդեցություն ունենում են տետրացիկլինի շարքին պատկանող դեղամիջոցները:

Գունային փոփոխությունները կարող են դրսևորվել կաթնատամների վրա և անհետանալ, երբ դրանք փոխարինվեն հիմնական ատամներով։ Սակայն երբեմն սև երանգը պահպանվում է նաև մեծ տարիքում:

Ի՞նչ անել

Բուժումը կախված է նրանից, թե որքան են արտահայտված գունային փոփոխությունները, և ինչ վիճակում են գտնվում ատամները:

 

Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին