Ինչպե՞ս նվազեցնել առիթմիայի զարգացման ռիսկը

Ինչպե՞ս նվազեցնել առիթմիայի զարգացման ռիսկը

Առիթմիան սրտի անկանոն աշխատանքն է: Այն խախտում է օրգանների արյան մատակարարման գործընթացը: Ախտանիշներն են.

• սրտի անկանոն բաբախում

• սրտի զարկերի դանդաղեցում

• ցավ կրծքավանդակում

• գիտակցության կորուստ

• գլխապտույտ

• գիտակցության մթագնում

Մեթոդ 1. Փոխեք կենսակերպը

1 Շաբաթը 5 օր՝ առնվազն 30 րոպե, զբաղվեք սպորտով։ Այն կարող է ազատել ավելորդ քաշից, ինչպես նաև օգնել սրտին ավելի արդյունավետ աշխատելու:

2 Դադարեցրեք ծխելը և խմելը: Ծխախոտի և ալկոհոլի օգտագործումը հանգեցնում է արյան անոթների նեղացմանը, ինչի հետևանքով սիրտը սկսում է ավելի ակտիվ աշխատել և առաջացնել առիթմիա:

3. Խուսափեք սթրեսից: Սթրեսի պատճառով օրգանիզմում բարձրանում է կորտիզոլ հորմոնի մակարդակը, որը նեղացնում է անոթները և առաջացնում առիթմիա:

4 Հնարավորինս քիչ օգտագործեք կոֆեին։ Այն արագացնում է սրտի բաբախը և կարող է հրահրել առիթմիա:

5 Դեղամիջոցներ ընդունելուց առաջ ուշադրություն դարձրեք ցուցումներին։ Որոշ դեղեր կարող են դառնալ առիթմիայի զարգացման պատճառ:

Մեթոդ 2. Ճիշտ սննդակարգ

1 Սնվեք չափավոր: Սա, թերևս ամենադյուրին միջոցն է` առիթմիայի զարգացման ռիսկը նվազեցնելու համար: Կերեք ավելի շատ միրգ և բանջարեղեն, հացահատիկեղեն, մի՛ մոռացեք սպիտակուցի աղբյուրների մասին` միս և կաթնամթերք:

2 Նախաճաշին կերեք վարսակ։ Այն հարուստ է օմեգա -3 ճարպաթթուներով, որոնք օգտակար են սրտի համար: 3. Կերեք սաղմոն ձուկ. այն հարուստ է օմեգա -3 ճարպաթթուներով, որոնք նվազեցնում եմ առիթմիայի զարգացման ռիսկը։

4 Սննդակարգում ավելացրեք ավոկադո: Այն մոնոհագեցված ճարպերի աղբյուր է, որն ավելացնում է «օգտակար» խոլեստերինի մակարդակը և նվազեցնում «վնասակար» խոլեստերինի մակարդակը:

5 Սկսեք պատրաստել ձիթայուղով: Այն նույնպես հարուստ է առողջության համար օգտակար մոնոհագեցված ճարպերով։

6. Կերեք ընկույզ: Ընկույզները հարուստ են օմեգա -3 ճարպաթթուներով, որոնք օգտակար են սրտի համար:

7 Կերեք թարմ հատապտուղներ: Հատապտուղներն ունեն հակաբորբոքային հատկություններ, որոնք նույնպես նվազեցնում են առիթմիայի զարգացման ռիսկը:

8 Ավելի շատ կերեք լոբի: Այն հարուստ է մանրաթելերով, նաև պարունակում է օմեգա -3 ճարպաթթուներ և կալցիում:

9 Կերեք բամբակի սերմեր: Այն պարունակում է շատ մանրաթելեր օմեգա -3 և օմեգա -6 ճարպաթթուներ:

Մեթոդ 3. Դիմե՛ք դեղորայքի օգնությանը։

1 Ընդունեք ձեզ նշանակած դեղամիջոցները:

2 Ընդունեք էլեկտրոթերապիա: Այս ընթացակարգի էությունը հետևյալն է. սրտի վրա ազդում են հոսանքով, որպեսզի այն ավելի լավ հաղորդի էլեկտրական ազդակներ:

3. Տեղադրեք կարդիոստիմուլյատոր՝ սրտի արհեստական ռիթմավար սարք։ Այս փոքր սարքի տեղադրումը կապահովի ձեր սրտի ճիշտ և կանոնակարգված աշխատանքը` օգտագործելով էլեկտրական ազդակներ:

4 Իրականացրեք աբլացիա Բժիշկը կարող է պարզել, թե սրտի կոնկրետ որ հատվածում է առաջանում առիթմիա։ Ալբացիան սրտի առիթմիայի պատճառ հանդիսացող վնասված հյուսվածքի հեռացումն է ռադիոհաճախականության մեթոդով։
 
 
 Աղբյուրը
 
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 
 
 
 
 
 
 
 
 
 
 
 
 
 
 
 
 
 
 
 
 
 
 
 
 

Ինչ անել, եթե երեխան ունի լեյկոզ

Ինչ անել, եթե երեխան ունի լեյկոզ

Այս հիվանդության դեպքում խաթարվում է արյան բջիջների հասունացման գործընթացը

Ապնոէի առաջացման պատճառները․ ի՞նչ անել

Ապնոէի առաջացման պատճառները․ ի՞նչ անել

Քնի ընթացքում առաջացած ապնոէն շնչառության ժամանակավոր դադարն է, որը տեղի է ունենում այն ժամանակ, երբ մարդը քնած է

Ե՞րբ է պետք այցելել պրոկտոլոգի և ինչպե՞ս նախապատրաստվել այցին

Ե՞րբ է պետք այցելել պրոկտոլոգի և ինչպե՞ս նախապատրաստվել այցին

Պրոկտոլոգը բժիշկ է, որը բուժում է մարսողական տրակտի ստորին հատվածի հետ կապված հիվանդությունները. հաստաղու և ուղիղ աղիքի, հետանցքի, կոնքի հատակի:

Լյարդի քաղցկեղի ախտանիշներ, որոնց մասին պետք է իմանալ

Լյարդի քաղցկեղի ախտանիշներ, որոնց մասին պետք է իմանալ

Լյարդի քաղցկեղը լինում է առաջնային և մետաստատիկ: Առաջին դեպքում չարորակ ուռուցք է առաջանում լյարդի բջիջներում կամ լեղուղիներում, սովորաբար ցեռոզի պատճառով։