Արյուն սեռական հարաբերությունից հետո
Արյուն սեռական հարաբերությունից հետո
Սեռական հարաբերությունից հետո նկատվող արյունը արտադրություն է սեռական ուղուց, որը կապված չէ ինտիմ շփման ընթացքում կամ դրանից հետո տեղի ունեցող դաշտանի հետ: Արյան ծավալը կարող է լինել թույլ քսվող տիպի կամ ավելի առատ, որի դեպքում պահանջվում է ինտիմ հիգիենայի միջոցների օգտագործում։
Հիմնական պատճառներն են՝
• արգանդի վզիկի էկտոպիա,
• արգանդի վզիկի պոլիպ,
• հեշտոցի և / կամ արգանդի վզիկի բորբոքային գործընթաց (մասնավորապես՝ սեռական ճանապարհով առաջացած վարակների հետևանքով)։ Անոթները բորբոքման հետևանքով դառնում են փխրուն և կարող են արյունահոսել,
• ինտիմ հատվածի չորություն (կարող է առաջանալ էստրոգենի անբավարարության / անբավարար գրգռվածության / քսուքի պակասի պատճառով)
• արգանդի պարանոցի քաղցկեղ և նախաքաղցկեղային գործընթացներ. լորձաթաղանթի բնականոն կառուցվածքի խախտման պատճառով կարող են առաջանալ արյունահոսող բշտիկներ,
• վնասվածք, հեշտոցի կամ վզիկի մեխանիկական վնասվածք, կոպիտ սեռական ակտ։
Եթե սեքսից հետո նկատում եք արյուն, անհրաժեշտ է խորհրդակցել բժշկի հետ:
Արյունահոսության պատճառը պարզելու համար կարող է պահանջվել.
• հայելիներով զննում,
• քսուք՝ ֆլորայի և սեռավարակների համար,
• օնկոցիտոլոգիական քսուք՝ նախաքաղցկեղային վիճակը բացառելու համար,
• փոքր կոնքի օրգանների ՈՒՁՀ:
Ինչին պետք է ուշադրություն դարձնել
• Որքա՞ն ժամանակ է, ինչ կա այս ախտանիշը,
• Արյունահոսությունը տեղի է ունենում միայն սեռական հարաբերությունից հետո՞, թե՞ դա տեղի է ունենում նաև առանց շփումների,
• Կա՞ն արդյոք այլ պաթոլոգիական ախտանիշներ.
• Սեռական ուղուց առատ արտադրություն՝ անսովոր գույնով և հոտով,
• Մարմնի բարձր ջերմաստիճան,
• Օրգանիզմում այնպիսի երևույթներ, ինչպիսիք են՝ թուլությունը, հոդացավերը և մկանային ցավերը,
• Սեռական հարաբերության ընթացքում առաջացող ցավ հեշտոցում և որովայնի ստորին հատվածում,
• Կապված է արդյոք արյունահոսությունը նոր զուգընկեր ունենալու հետ։
Աղբյուրը
Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին