Ինչու է առաջանում փորափքանքը և ինչպես ազատվել դրանից

Ինչու է առաջանում փորափքանքը և ինչպես ազատվել դրանից

Երբ է անհրաժեշտ անմիջապես դիմել բժշկի
Հրատապ այցելեք գաստրոէնտերոլոգի կամ թերապևտի, եթե փորափքանքը ձեզ պարբերաբար անհանգստացնում է՝ գրեթե ամեն օր: Եվ հատկապես, եթե նկատվում են լրացուցիչ ախտանիշներ.


• Արյուն կղանքում
• Երկարատև փորկապություն կամ փորլուծություն
• Քաշի կորուստ չնայած այն հանգամանքին, որ դուք սննդակարգը կամ ֆիզիկական ծանրաբեռնվածությունը չեք փոխել
• Մշտական կամ պարբերական սրտխառնոց և փսխում
Անմիջապես շտապօգնություն զանգահարեք կամ դիմեք մոտակա հիվանդանոց, եթե փորափքանքն ուղեկցվում է.
• որովայնի ցավով
• կրծքավանդակում այրող ցավով


Այս ամենը կարող է լինել մահացու վտանգավոր ախտանիշներից, օրինակ՝ աղիքի ուռուցք կամ ինֆարկտ:
Այնուամենայնիվ, որովայնի փքանքի իսկապես վտանգավոր պատճառներ հազվադեպ են հայտնաբերվում: Եթե վտանգավոր ախտանիշներ չկան, ամենայն հավանականությամբ, ձեզ մոտ ամեն ինչ կարգին է:
Եվ այսպես, որպեսզի այս զգացողությունը չուղեկցի ձեզ, բավական է զբաղվել դրա պատճառներով և մի փոքր փոխել սննդակարգն ու ապրելակերպը:


Ինչու է առաջանում փորափքանքը և ինչպես ազատվել դրանից
Ահա ամենատարածված պատճառները
1. Դուք չափից շատ եք ուտում
Ստամոքսը բավականին փոքր օրգան է: Մարդկային ստամոքսի տարբեր տվյալների բազայի համաձայն՝ ձգված վիճակում այն կարողանում է տեղավորել 1-4 լիտր սնունդ և խմիչք: Եթե դուք չափից շատ եք ուտում, ստամոքսի պատերը ձգվում են, և դուք զգում եք ծանրությունը։
Ինչ անել
Փորձեք կրճատել սննդի քանակը: Եթե շատ չեք ուտում, ավելի հաճախ կերեք` օրական մինչև 5-6 անգամ, բայց ստամոքսի մեջ մի տեղավորեք ավելին, քան այն կարող է:
2. Դուք ուտելիս կամ խմելիս օդ եք կուլ տալիս
Սրանով հաճախ տառապում են ուտելու ժամանակ զրույց վարելու սիրահարները: Երբ խոսում եք և միաժամանակ ուտում եք, սննդի ամեն մի կտորի հետ դուք մի չափաբաժին օդ եք կուլ տալիս։ Նույնը պատահում է, երբ մաստակ եք ծամում կամ ըմպում եք ձողիկով:
Ինչ անել
Հետևեք կանոնին՝ «երբ ես ուտում եմ, համր եմ ու խուլ»: Հրաժարվեք այն ապրանքներից ու սովորություններից, որոնց պատճառով օդ եք կուլ տալիս։
3. Դուք վատ եք ծամում կամ շատ արագ եք ուտում
Սա հանգեցնում է այն փաստին, որ դուք կուլ եք տալիս մեծ կտորներ: Նրանք ընդլայնում են էզոֆագը, և օդը թափանցում է ստամոքս:
Ինչ անել
Համոզվեք, որ սնունդը լավ է ծամված: Ի դեպ, շատերը արագ են ուտում և մեծ կտորներով, երբ ունենում են սթրես: Փորձե՛ք կառավարել հույզերը:
4. Դուք ուտում եք ճարպոտ սնունդ
Ճարպը մարսվում է ավելի երկար, քան սպիտակուցները կամ ածխաջրերը: Հետևաբար, ստամոքսը երկար ժամանակ դատարկ չի լինում:
Ինչ անել
Փորձեք սահմանափակել ճարպերի օգտագործումը սննդակարգում
5. Դուք ունեք սննդային ալերգիա կամ որոշ մթերքների հանդեպ անհանդուրժողականություն
Այս երկու իրավիճակները երբեմն նման են, բայց ունեն զարգացման տարբեր մեխանիզմներ: Ալերգիան հզոր իմունային համակարգի արձագանք է՝ ցանկացած գրգռիչ ալերգենի նկատմամբ: Սննդային անհանդուրժողականությունը ունի գենետիկ պատճառներ. օրգանիզմը պարզապես չի ընդունում այս կամ այն մթերքը և արձագանքում է քրոնիկ բորբոքման զարգացման միջոցով:


Այնուամենայնիվ, օրգանիզմի արձագանքները իրեն ոչ համապատասխան մթերքներին՝ նույնն են. դրանք կարող են աղիքներում ավելորդ գազակալում առաջացնել:
Ահա թե որ մթերքները և դրանց բաղադրիչները կարող են վտանգավոր լինել
• Լակտոզա
Սա կաթնամթերքի հիմնական ածխաջրերից է:
• Ֆրուկտոզա
Սա այն շաքարն է, որով հարուստ են քաղցր մրգերը (բանան, խաղող) և մեղրը:
• Ձու
Գազակալումը և փորափքանքը ձվի հանդեպ ալերգիայի հիմնական ախտանիշներն են:
• Գլյուտեն
Սա սպիտակուց է, որը պարունակվում է շիլաների սերմերի մեջ, հատկապես ցորենի, տարեկանի, գարու: Դրա չափազանց մեծ օգտագործումը կարող է հանգեցնել ստամոքս-աղիքային խանգարումների՝ ներառյալ փորափքանքը։
Ինչ անել
Փորձեք հետևել, թե ինչ եք կերել, նախքան ստամոքսի և աղիքների տարածքում ծանրության զգացողություն ունենալը: Գուցե դա իսկապես սննդային անհանդուրժողականություն է:
6. Դուք օգտագործում եք մթերքներ, որոնք առաջացնում են ավելորդ գազակալում
Այդ մթերքների թվին են պատկանում՝
• Գազավորված ըմպելիքներ՝ ներառյալ գարեջուրը,
• Ապրանքներ, որոնք ներառում են արհեստական քաղցրացուցիչներ` Aspartam, Sukraloz, Sorbitol, Xylitis
• Որոշ բանջարեղեններ և մրգեր, որոնք մեծ թվով մանրաթելեր են պարունակում՝ հատիկավորներ (լոբի, ոլոռ, ոսպ), կաղամբ (սպիտակ, բրյուսելյան, գունավոր), գազար, խնձոր, ծիրան, սալորաչիր 
• Մանրաթելեր պարունակող սննդային հավելումներ
Ինչ անել
Փորձեք հրաժարվել այն սնունդից, որը խթանում է գազի ձևավորումը և փորափքանք է առաջացնում: Եթե հաջողվում է հայտնաբերել մթերքը, որը հրահրում է փորափքանք, պետք չէ հրաժարվել դրանից, պարզապես սահմանափակեք դրա օգտագործումը:
Կարող եք նաև օգտագործել մթերքներ, որոնք նվազեցնում են գազերի առաջացումը։
7. Դուք փորկապություն ունեք
Սովորաբար մարսողական համակարգում կան գազեր: Երբ նրանք շատանում են, դուրս են գալիս հետանցքով, սակայն փորկապության դեպքում այս գործընթացը դժվարանում է: Գազերը կուտակվում են աղիքներում և հրահրում փորափքանք:
Ինչ անել
Փորկապության պատճառները փորձեք վերացնել: Երբ դուք կարգավորում եք փորկապության խնդիրը, փորափքանքն անցնում է ինքնուրույն:
8. Դուք ծխում եք
Ծխելը ազդում է ստամոքս-աղիքային գործունեության վրա և կարող է առաջացնել գազի ձևավորում:
Ինչ անել
Թողեք ծխելը կամ գոնե քիչ օգտագործեք ծխախոտ
9. Դուք խնդիրներ ունեք մարսողական համակարգի հետ
Հաճախ գազի ձևավորումը մեծանում է աղիքային հիվանդությունների պատճառով` օրինակ, դիվերտիկուլիտ, խոցային հովանդություն կամ կրոնի հիվանդություն:


Ինչ անել
Եթե փորափքանքը հաճախ է ձեզ տանջվում, դիմե՛ք գաստրոէնտերոլոգի, նույնիսկ եթե այլ ախտանիշներ չկան: Անհրաժեշտ է վերացնել ստամոքս-աղիքային տրակտի հնարավոր հիվանդությունները:

Աղբյուրը
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին
 
 


 
 

Ինչպես են սթրեսը և ապրումները ֆիզիկապես փոխում մեր ուղեղը

Ինչպես են սթրեսը և ապրումները ֆիզիկապես փոխում մեր ուղեղը

Լուրջ ցնցումներն ու քրոնիկ սթրեսը ազդում են կյանքի շատ ասպեկտների վրա. ախորժակն անհետանում է, քունը՝ խանգարվում, ընդհանուր առմամբ հոգեկան առողջությունը տուժում է:

Ինչու են ոտքերը և ձեռքերը սառչում, ինչպես լուծել այս խնդիրը 

Ինչու են ոտքերը և ձեռքերը սառչում, ինչպես լուծել այս խնդիրը 

Հաճախ սառած վերջույթները նորմալ են: Ոտքերն ու ձեռքերն առաջինն են սառչում և վերջինը տաքանում: Սա գոյատևման մեխանիզմի անհրաժեշտ տարրն է: 

Ինչու է քաշը դադարել նվազել և ինչպես նորից սկսել նիհարել

Ինչու է քաշը դադարել նվազել և ինչպես նորից սկսել նիհարել

Կա քաշի կանգի երկու տարբերակ. երբ շարունակում եք ճարպը կորցնել, բայց մարմնի զանգվածը չի փոխվում, և երբ նիհարելու գործընթացն ամբողջությամբ դադարեցված է:

Աուտիստիկ սպեկտրի խանգարում, ինչ է պետք իմանալ աուտիզմի մասին

Աուտիստիկ սպեկտրի խանգարում, ինչ է պետք իմանալ աուտիզմի մասին

ԱՍԽ-ն՝ հիվանդություն չէ, այլ զարգացման խանգարում: Հիմնական տարբերությունն այն է, որ հիվանդությունն ունի սկիզբ, ընթացք և ավարտ: ԱՍԽ-ն վարակիչ չէ. աուտիզմով հնարավոր չէ «հիվանդանալ», այն ի ծնե է: