Ինչպես բացահայտել հեմոգլոբինի պակասը և լրացնել այն 

Օրգանիզմում կան նյութեր, առանց որոնց անհնար է: Դրանցից մեկը հեմոգլոբինն է, որը արյան մեջ առկա սպիտակուցն է: Դրա հիմնական գործառույթն է՝ կապվել թթվածնի մոլեկուլների հետ, որոնք մենք ստանում ենք շնչառության ընթացքում, այնուհետև արյան հետ միասին դրանք տեղափոխում և տալիս ենք օրգաններին ու հյուսվածքներին: Հեմոգլոբինի երկրորդ, բայց ոչ պակաս կարևոր խնդիրը թթվածնի փոխանցումն է․ այն տանում է ածխածնի երկօքսիդը հյուսվածքներից և տեղափոխում է դեպի թոքեր: Մենք շնչում ենք, և մեր օրգանները ստանում են կյանքի համար անհրաժեշտ թթվածին: Մենք շնչում ենք և մաքրում հյուսվածքները դրանցում առաջացած ածխածնի երկօքսիդից: Առանց հեմոգլոբինի լիարժեք ներշնչում և արտաշնչում անհնար կլիներ: 

 

Ինչպես բացահայտել հեմոգլոբինի ցածր մակարդակը 

Եթե այս սպիտակուցը բավարար չէ, օրգանիզմը քիչ թթվածին է ստանում: Սիրտը, ուղեղը և այլ օրգանները սկսում են տառապել հիպոքսիայից, ինչը ազդում է դրանց աշխատանքի և առհասարակ մեր բարեկեցության վրա: Կան սակավարյունության բնորոշ ախտանիշներ (այսպես կոչված հեմոգլոբինի պակաս): 

• Դուք թույլ եք զգում: Թվում է, թե  այլևս բավարար ուժ չունեք նույնիսկ սովորական գործողությունների համար: 

Եթե ինչ-որ բան եք անում, արագ հոգնում եք 

• Թվում է, թե սկսել եք ավելի վատ մտածել 

• Առաջացել է գլխապտույտ 

• Չափազանց գունատ եք թվում 

•Լնդերն ունեն բաց վարդագույն, սպիտակավուն երանգ 

•Հեշտ ու արագ շնչարգելություն է առաջանում։ 

•Սիրտն արագ է բաբախում: Կամ թվում է, թե երբեմն սիրտը հարվածում է: 

 Եթե կասկածում եք, որ հեմոգլոբինի ցածր մակարդակ ունեք, պետք է անպայման դիմեք բժշկի։ 

Ինչպես բարձրացնել հեմոգլոբինը  

Հեմոգլոբինի մակարդակը բարձրացնելու համար բավական է միայն սննդակարգը փոքր-ինչ կարգավորել:  

Ահա մի քանի խորհուրդ: 

1. Կերեք երկաթով հարուստ սնունդ 

Հեմոգլոբին արտադրելու համար մարմինը երկաթի կարիք ունի: Այս տարրի բացակայության դեպքում զարգանում է սակավարյունության ամենատարածված տեսակներից մեկը` երկաթի պակասությունը: Հետևաբար, առաջին բանը, որ պետք է անել, երբ հեմոգլոբինի մակարդակը ցածր է, երկաթով հարուստ սնունդ ուտելն է. 

• միս և ձուկ 

• լյարդ և այլ ենթամթերքներ 

• սպանախ, կաղամբ և այլ կանաչեղեն 

• բանջարեղեն 

• բրոկկոլի 

•լ ոբի և ոսպ 

• հավի ձու 

• ընկուզեղեն և սերմեր 

• չիր 

2. Ճաշացանկին ավելացրեք ֆոլաթթվով հարուստ սնունդ 

Ֆոլաթթուն B խմբի վիտամիններից մեկն է: Այն՝ օրգանիզմում հեմոգլոբինի արտադրության հիմնական բաղադրիչն է: Եթե ձեր սննդակարգից բավարար քանակությամբ այս նյութը չեք ստանում, ֆոլաթթվի պակասությունից կարող է առաջանալ սակավարյունություն: 

Ֆոլաթթվի հարուստ աղբյուրներ են՝  

• կանաչիներ (սպանախ, հազար) 

• հատիկաընդեղեն՝ լոբի, ոլոռ, ոսպ 

• ծնեբեկ 

• հավի ձու 

3 Մի մոռացեք վիտամին C-ի մասին 

Սննդամթերքից կամ լրացումներից բավարար քանակությամբ երկաթ ստանալը անհրաժեշտ է: Բայց նույնիսկ ավելի կարևոր է համոզվել, որ այս տարրը կլանվում է: Վիտամին C-ն թույլ է տալիս օրգանիզմին ավելի շատ երկաթ ստանալ սննդից: Փնտրեք այն այնպիսի մթերքների մեջ, ինչպիսիք են. 

• ցիտրուսային մրգեր՝ նարինջ, մանդարին, թուրինջ 

• ելակ 

• սև հաղարջ 

• կանաչեղեն, բանջարեղեն` սպանախ, կաղամբ: 

4. Հիշեք նաև վիտամին A-ի մասին 

Վիտամին A- ն և բետա-կարոտինը (դրա ձևը՝ բուսական սննդի մեջ) նույնպես կարևոր տարրեր են, որոնք օրգանիզմին թույլ են տալիս ավելի արդյունավետ կլանել երկաթը սննդից:  

Մթերքներ, որոնք հարուստ են վիտամին A-ով՝ 

• տավարի միս, լյարդ, ներառյալ երշիկեղեն  

• տրեսկա ձկան լյարդի յուղ 

• բատատ՝ քաղցր կարտոֆիլ  

• սպանախ 

• դդում 

5. Մի՛ օգտագործեք չափազանց շատ սննդամթերքներ, որոնք խանգարում են երկաթի կլանմանը 

Մասնավորապես կալցիում պարունակող մթերքները պետք չէ չարաշահել: Կալցիումի լրացումն ազդում է երկաթի կլանման վրա. 

• թթվեցրած կաթ, յոգուրտ, կեֆիր, կաթնաշոռ 

• սոյա և դրա վրա հիմնված սննդամթերքներ. սոյայի միս, տոֆու և այլն 

• թուզ 

Այստեղ մի նրբություն կա. կալցիումն ընդհանրապես չպետք է բացառվի, քանի որ այն նաև անհրաժեշտ է օրգանիզմին: Կարևոր է միայն չչարաշահել այն: Մի բաժակ կեֆիրը կամ մի քանի թուզը չեն վնասի։ 

Բացի այդ,  թեյը և սուրճը խանգարում են երկաթի կլանմանը: 

6. Ընդունե՛ք երկաթի հավելումներ

Ամենակարևորը՝ ոչ մի դեպքում ինքնաբուժությամբ չզբաղվել. պատրաստուկներ  (պրեպարատներ) ընդունեք միմիայն բժշկի ցուցմամբ, քանի որ  բացի երկաթից, դեղատների հավելումները պարունակում են այլ նյութեր  և վիտամիններ: 

Եթե այս դեղերն ընդունեք սխալ չափաբաժնով, կարող եք գերազանցել անվտանգ դեղաչափը: Արդյունքում կառաջանա  հիպերվիտամինոզ A, որն ուղեկցվում է գլխացավերով, մազաթափությամբ, տեսողության խանգարումով և այլ կողմնակի բարդություններով: Երկաթի ավելցուկը նույնպես կարող է վտանգավոր լինել: Դա կարող է առաջացնել հեմոխրոմատոզ կոչվող վիճակ, որը մեծացնում է լյարդի, լեղապարկի, վահանագեղձի, սրտանոթային հիվանդությունների ռիսկը: