Ինչպե՞ս ավելացնել սերմնահեղուկի քանակը
Տղամարդու առողջություն
22755
Ինչպե՞ս ավելացնել սերմնահեղուկի քանակը
1 Հեղուկներ շատ խմեք:
Օրգազմի ժամանակ արտանետված սերմնահեղուկի քանակը կախված է սպառած հեղուկի քանակից: Դա պայմանավորված է նրանով, որ սերմնահեղուկն ունի ջրային հիմք, որն օգնում է խոնավացնելու սերմնաբջիջների անցման ուղին: Օրգանիզմին անհրաժեշտ է օրական երկու կամ երեք լիտր ջուր: Դրանից բխում է, որ ավելի շատ հեղուկ օգտագործելը կարող է մեծացնել սերմնահեղուկի քանակը: Եթե աշխատանքից հետո ձեզ դուր է գալիս խմիչք օգտագործելը, ինչպես նաև՝ սեքսից առաջ, ապա դուք վնասում եք ձեր օրգանիզմը, քանի որ ալկոհոլը ջրազրկում է այն: Բացի ջրազրկումից, ալկոհոլը նվազեցնում է նաև սերմնաբջիջների քանակը և ազդում սերմնահեղուկի որակի վրա:
2 Խուսափեք տաքությունից։
Ամորձիները նուրբ են այնքան, որ կարող են թառամել ջերմության ազդեցությունից: Սա կարող է օգնել պատասխանելու մի հարցի, որը հավանաբար ձեզ ևս անհանգստացրել է դեռահաս տարիքում՝ «Ինչո՞ւ են ամորձիները ձեր մարմնի արտաքին մասում»։ Իրականում, ամորձիները տեղակայված են մարմնի արտաքին մասում, այլ ոչ թե ներսում, քանի որ դրանք պետք է պահեն ջերմաստիճանը՝ 37 աստիճան ցելսիուսից ցածր: Ի՞նչ է սա նշանակում գործնական տեսանկյունից: Եթե հաճույք եք ստանում տաք նստատեղերով մեքենայով երկար ճանապարհորդություններից կամ հիդրոմերսող վաննաներից հաճախակի օգտվելուց, ապա ընդմիջեք:
3 Մի՛ հագեք սեղմող ներքնազգեստ:
Սերմնահեղուկի իդեալական ջերմաստիճանը մի փոքր ցածր է, քան մարմնի նորմալ ջերմաստիճանը: Նեղ ներքնազգեստը կբարձրացնի ջերմաստիճանը, դրանով իսկ կնվազեցնի սերմնահեղուկի քանակությունը:
4 Մի՛ նստեք խաչած ոտքերով:
Այս կեցվածքը մեծ ազդեցություն ունի սերմնահեղուկի քանակի վրա: Մարմնի այդ հատվածը սեղմելով` դուք բարձրացնում եք ջերմաստիճանը թույլատրելի մակարդակից:
5 Ձեռնպահ մնացեք օրգազմի հասնելուց (մեկից երկու օր):
Ձեր օրգանիզմն ամեն վայրկյան ավելի քան 1500 սերմնաբջիջ է արտադրում: Օրական արտադրվում է մոտավորապես 130-200 միլիոն սերմնաբջիջ: Այնուամենայնիվ, յուրաքանչյուր օրգազմի դեպքում կորցնում եք մեծ թվով սերմնաբջիջներ: Փորձեք մի որոշ ժամանակ ձեռնպահ մնալ՝ կուտակելու համար սերմնաբջիջներ: 1-2 օր ձեռնպահ մնալն այն ամենն է, ինչ անհրաժեշտ է, որպեսզի օրգանիզմը լրացնի սերմի քանակը: Այս դեպքում սերմնաբջիջները պարզապես սկսում են լճանալ և ծերանալ։
Խորհուրդներ
1 Ընդունե՛ք ցինկ և ֆոլաթթու։
Ցինկը հանքանյութ է, որը կարևոր դեր է խաղում բջջային նյութափոխանակության մի քանի ասպեկտներում: Մի ուսումնասիրություն պարզել է, որ ցինկը ֆոլաթթվի հետ միասին 74 % -ով ավելացրել է սերմնաբջիջների քանակը պտղաբերության խնդիրներ ունեցող տղամարդկանց մոտ:
2 Դադարեցրեք գազավորված ըմպելիքների օգտագործումը:
Դրանք պարունակում են բարձր ֆրուկտոզայի եգիպտացորենի օշարակ, որը վատ է ազդում ոչ միայն լյարդի, այլ նաև սերմնահեղուկի վրա: Տղամարդիկ, ովքեր օրական օգտագործում են ավելի շատ գազավորված ըմպելիքներ, ունեն 30 % ցածր սերմնաբջիջների քանակ, համեմատած գազավորված ըմպելիքներ չօգտագործող տղամարդկանց հետ։
3 Փորձեք ձեր սննդակարգում ներառել որոշակի ամինաթթուներ: Ամինաթթուները սպիտակուցների հիմնական նյութերն են: Գիտնականները կարծում են, որ ամինաթթուները դրական են ազդում սերմնաբջիջների վրա, քանի որ սերմնաբջիջները մեծ քանակությամբ ամինաթթուներ են պարունակում: Ուշադրություն դարձրեք հետևյալ ամինաթթուներին, եթե ցանկանում եք մեծացնել սերմնաբջիջների քանակը՝ L- արգինին, L- լիզին, L- կարնիտին։
4 Կերեք շատ միրգ և բանջարեղեն:
Երբեմն անհրաժեշտ է միայն հետևել ճիշտ դիետայի: Մրգերն ու բանջարեղենը հատկապես հարուստ են հակաօքսիդիչներով, որոնք կարող են օգնել բարելավելու սերմի կենսունակությունը: Սերմնաբջիջների քանակի ավելացումից բացի, հակաօքսիդիչներով հարուստ սնունդը կբարելավի նաև ձեր առողջությունը: Հակաօքսիդիչով հարուստ մթերքներից են կարմիր լոբին, վայրի հապալասը, լոռամրգին, մոշը, կոկոսի հյութը, սալորաչիրը, խնձորը (սորտեր, ինչպիսիք են Red Delicious, Granny Smith, Gala)։
Նմանատիպ նյութեր

Ճի՞շտ է, որ եթե սերմնահեղուկը թափվում է հեշտոցից, ապա նվազում է հղիանալու հավանականությունը

Տերատոզոոսպերմիան տղամարդու անպտղության պատճառ

Սերմնահեղուկային հակագեների հակամարմինները արյան մեջ

Ինչպե՞ս բուժել վաղաժամ սերմնաժայթքումը

Ի՞նչ գույն պետք է ունենա սերմնահեղուկը
