Ներարգանդային կպումների վերացում
4000
Ներարգանդային կպումները՝ սինեխիաները, արգանդի խոռոչում ի հայտ եկող սերտաճումներ են։ Ամենատարածված պատճառը էնդոմետրիումի բորբոքային պրոցեսներն են և վիրաբուժական միջամտությունները։
Այդ սինեխիաները կարող են անպտղության, հղիության կրելախախտի և արտարգանդային հղիության, ընկերքի սխալ ձևավորման, դաշտանային ցիկլի խանգարման, ձևախեղումների, բորբոքումների և լուրջ այլ բարդությունների պատճառ դառնալ։ Սինեխիաների բուժման դեղորայքային կամ կոնսերվատիվ այլ մեթոդներով բուժում չկա, հարկավոր է վիրաբուժական եղանակով լուծել հարցը։
Ներարգանդային կպումների հատման ցուցումները
- Ցավ՝ պայմանավորված կպումներով, օրինակ սեռական հարաբերության ընթացքում։
- Դաշտանային ցիկլի խանգարումներ:
- Անպտղություն և այլն:
Նախապատրաստումը վիրահատության
Առավելագույնս արդյունավետ բուժման հասնելու և անվտանգ վիրահատության նպատակով իմ բոլոր բուժառուները համալիր հետազոտություն են անցնում՝ ներառյալ լաբորատոր հետազոտություններ, ապարատային ախտորոշում, անեսթեզիոլոգի և սրտաբանի խորհրդատվություն։
Անհատական ցուցումների դեպքում հնարավոր է, որ հավելյալ հետազոտություններ և այլ մասնագետների խորհրդատվություն նշանակվի։
Վիրահատության տակտիկան
Վիրահատության տակտիկան որոշվում է՝ կախված բուժառուի անհատական առանձնահատկություններից։
Հիստերոռեզեկտոսկոպիա՝ ներարգանդային կպումների հատում հեշտոցային ճանապարհով: Վիրահատությունը կատարվում է ընդհանուր կամ սպինալ անզգայացմամբ:
