Հիմենապլաստիկա (կուսաթաղանթի վերականգնում)

Հիմենապլաստիկա (կուսաթաղանթի վերականգնում)

Հիմենապլաստիկան առանց բժշկական ցուցումների իրականացվող միջամտություն է, որը հնարավոր է կատարել ցանկացած տարիքում՝ անկախ ծննդաբերություն ունենալու փաստից։

Ցուցումներն ու հակացուցումները

Հիմենապլաստիկան այն եզակի վիրահատություններից է, որ բժշկական ցուցում չունի և կատարվում է կրոնական կամ էթիկական նկատառումներից ելնելով, երբեմն էլ բռնաբարության հոգեբանական ծանր հետևանքները մեղմելու համար։

Հակացուցումներն այն նույն հիվանդություններն ու վիճակներն են, որոնց դեպքում նաև այլ վիրահատություններ չեն արվում՝ հղիություն, սուր կամ քրոնիկ հիվանդություններ, նորագոյացություններ, հոգեկան խանգարումներ, վեներական հիվանդություններ, արյան հիվանդություններ և այլն։

Նախապատրաստում վիրահատությանը

Միջամտությունից առաջ բժիշկը կարող է նշանակել հետևյալ հետազոտությունները՝

  • գինեկոլոգի խորհրդատվություն, 
  • մեզի, արյան հետազոտություն (կլինիկական, կենսաքիմիական, մակարդելիության, սեռավարակների հայտնաբերման), 
  • քսուքի հետազոտություն հեշտոցի միկրոֆլորայի ուսումնասիրման համար և այլն:

Տեխնիկան

Կարճաժամկետ հիմենապլաստիկա։ Ենթադրում է նախկինում պատռված կուսաթաղանթի մնացորդ հյուսվածքների կարում կամ կուսաթաղանթի վերականգնում հեշտոցի լորձաթաղանթի օգնությամբ։ Արդյունքը պահպանվում է մինչև 7 օր, այնուհետև կարերը ներծծվում են , և հյուսվածքների ամբողջականությունը խախտվում է։ Միջամտությունը տևում է 15-20 րոպե և անցկացվում է տեղային ցավազրկմամբ։

Երկարաժամկետ հիմենապլաստիկա։ Այդ դեպքում վերականգնված կուսաթաղանթը ոչնչով չի տարբերվում բնականից և չի անհետանում թելերի ներծծումից հետո։ Հիմենապլաստիկայի նշված տեսակն ավելի բարդ է․ կուսաթաղանթը ձևավորվում է հյուսվածքների երեք շերտից, և վիրահատությունն իրականացվում է ներերակային անզգայացմամբ։ Վիրահատությունից հետո պացիենտը կլինիկայում անցկացնում է 2-3 ժամ բժիշկների հսկության տակ, որից հետո կարող է գնալ տուն:

Հիստերոսկոպիա

Հիստերոսկոպիա

Հիստերոսկոպիան հնարավորություն է տալիս պարզել և վերացնել արգանդի խոռոչի պաթոլոգիաները՝ միջնապատերը, կպումները, պոլիպները , միոմաները....

Արգանդի պարանոցի էրոզիայի ռադիոալիքային բուժումը

Արգանդի պարանոցի էրոզիայի ռադիոալիքային բուժումը

Արգանդի պարանոցի էկտոպիայի (էրոզիայի) ռադիոալիքային դեստրուկցիան համարվում է ամենարդի, անվտանգ, էֆեկտիվ և քիչ ինվազիվ մեթոդ...

Ձվարանի դերմոիդ կիստա

Ձվարանի դերմոիդ կիստա

Ձվարանի դերմոիդ կիստան բարորակ նորգոյացություն է: Այն կազմված է հաստ պատիճից և ունի ձվարանին ոչ հատուկ հյուսվածք: Պատիճը կարող է լցված լինել...

Ցավ ամոթույքի հատվածում

Ցավ ամոթույքի հատվածում

Էպիդերմիսը, որը ծածկում է մեծ սեռաշուրթերը, բազմաթիվ քրտնագեղձեր և ճարպագեղձեր, ինչպես նաև նյարդային վերջավորություններ է պարունակում։ Սեռական գրգռման բացակայության դեպքում...