Գինեկոլոգիական սնկային հիվանդություններ

Գինեկոլոգիական սնկային հիվանդություններ

Իգական սեռական օրգանների սնկային վարակները տարածված են գինեկոլոգիայում։ Տհաճ ախտանշաններից բացի դրանք կարող են նաև ներքին օրգանների հիվանդություններ առաջացնել։

Սնկից արագ ազատվելու և հետագայում ախտադարձից խուսափելու նպատակով պետք է ճիշտ ժամանակին դիմել բժշկի և համապատասխան բուժում ստանալ։ Որտեղի՞ց է առաջանում սնկային վարակը։

Candida տեսակի սնկերը կնոջ օրգանիզմի միկրոֆլորայի անբաժանելի մասն են, սակայն անբարենպաստ գործոնների ազդեցությամբ, որոնք թուլացնում են իմունային համակարգը, սնկերն սկսում են անվերահսկելիորեն բազմանալ՝ ախտահարելով ստամոքսաղիքային տրակտի լորձաթաղանթները և իգական սեռական օրգանները։

Կարդացեք՝  Կանդիդոզ․ սնկային հիվանդություն

Այդպիսի անբարենպաստ գործոններից են՝

  • էնդոկրին համակարգի հիվանդություններ՝ ճարպակալում, շաքարային դիաբետ, հիպոթիրեոզ և այլն, 
  • նյութափոխանակության խանգարում, 
  • դեղորայքի օգտագործում՝ հակաբիոտիկներ, ցիտոստատիկներ, հակաբեղմնավորման հորմոնային միջոցներ և այլն, 
  • տարեց հասակ, 
  • վեներական հիվանդություններ՝ տրիխոմոնիազ, ուրեապլազմոզ, քլամիդիոզ և այլն, 
  • քրոնիկ ինֆեկցիոն հիվանդություններ, 
  • վնասվածքներ, 
  • վիրահատական միջամտություններ և այլն։ 

Որոշ դեպքերում սունկը կարող է փոխանցվել սեռական ակտի ժամանակ սեռական անդամի կանդիդոզ ունեցող տղամարդուց։ Գինեկոլոգիայում candida սունկը միզասեռական կանդիդոզ է առաջացնում։ Եթե ախտահարվում է վուլվան, առաջանում է վագինիտ կամ վուլվովագինիտ։

Ախտանշաններն են՝

  • հեշտոցի քոր և լորձաթաղանթի գրգռվածություն, 
  • սպիտակ, կաթնաշոռանման արտադրություն, 
  • այրոց միզելիս, 
  • ցավ սեռական հարաբերության ընթացքում։ 

Քրոնիկ դառնալու դեպքում դաշտանից առաջ հաճախ սրացում է դիտվում։

Կանդիդոզային վուլվիտն ու վուլվովագինիտը (առանց ախտահարելու միզուղիները) դրսևորվում են հետևյալ նշաններով՝

  • քոր, սպիտակավուն արտադրության շատացում, 
  • այրոց կամ գրգռվածություն, 
  • սեռական ակտից հետո ուժեղացող տհաճ հոտ և այլն։ 

Սնկային ինֆեկցիայի սրացում

Սնկային վարակը կարող է ներթափանցել միզասեռական համակարգի օրգաններ՝ առաջացնելով տարբեր հիվանդություններ: Վարակի օջախը կարող է տեղակայվել արգանդում, ձվարաններում, արգանդափողերում։

Սնկային հիվանդությունները կարող են դառնալ մի շարք հիվնդությունների պատճառ, օրինակ՝ կոլպիտի, էնդոմետրիտի, բարտոլինիտի, արգանդի պարանոցի էրոզիայի և այլն։ Այսինքն՝ սնկային հիվանդությունները կանանց դեպքում կարող են լրջագույն խնդիրների հանգեցնել, եթե ճիշտ ժամանակին բուժում չնշանակվի։

Բուժումը

Գինեկոլոգիական սնկային հիվանդությունների բուժումը համալիր է և ենթադրում՝

  • ըստ ցուցման` հակաբիոտիկների տեղային և համակարգային ընդունում, 
  • հակասնկային թերապիա,  
  • բնական միկրոֆլորայի վերականգնում, 
  • իմունիտետի բարձրացում և այլն։ 

Կանխարգելումը

Հարկավոր է հրաժարվել ցնցուղումից, նեղ ներքնաշոր կրելուց, հատկապես՝ կարված սինթետիկ կտորից, հազվադեպ օգտագործել հոտավետ տամպոններ ու միջադիրներ, հավասարակշռել սնունդը, երկարատև չմնալ խոնավ լողազգեստով, խուսափել պատահական սեռական կապերից, սթրեսից, գինեկոլոգի դիմել կանխարգելիչ զննման համար։

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում