Բեղմնականխիչ ո՞ր միջոցներն ընտրել ծննդաբերությունից հետո

Բեղմնականխիչ ո՞ր միջոցներն ընտրել ծննդաբերությունից հետո

Ծննդաբերությունից հետո մայրիկի օգանիզմը պետք է վերականգնի դաշտանային ցիկլը, վերսկսի ձվազատումը, որպեսզի տեղի ունենա բեղմնավորում: Դաշտանային ցիկլի վերականգնման ժամանակահատվածը շատ անհատական է և պայմանավորված է տարատեսակ գործոններով՝ ծննդաբերական բարդություններ, կրծքով կերակրում, հորմոնային համակարգի ակտիվություն:

Սովորաբար ծննդաբերությանը հաջորդող 8 շաբաթների ընթացքում առաջացած արյունային արտադրությունը համարվում է հետծննդաբերական նորմա և չի համարվում դաշտան: Կրծքով չկերակրելու դեպքում ցիկլը կարող է սկսվել ավելի վաղ, քան նշված 8 շաբաթները: Այդ նկատառումներից ելնելով խորհուրդ է տրվում պաշտպանվել սկսել ծննդաբերությունից 3 շաբաթ անց՝ ինչի դեպքում հղիանալու հավանակնությունը նվազագույն է:

Կարդացեք՝ Արնահոսությու՞ն, թե՞ դաշտան. ինչպե՞ս տարբերել: 

Կրծքով կերակրումը հետաձգում է ձվազատման և դաշտանային ցիկլի վերսկսումը, սակայն այն չի կարելի համարել բացարձակ պաշտպանություն հղիությունից, ուստի հարկավոր է կիրառել բեղմնականխման այլ մեթոդներ:

Կրծքով կերակրման դեպքում նպատակահարմար չեն հետևյալ բեղմնականխման մեթոդները.

Համակցված օրալ բեղմնականխիչներ

Այս հաբերը պարունակում են էստրոգեն և պրոգեստերոն հորմոններ, որոնք ապահովում են բարձր արդյունավետություն, սակայն կարող են նվազեցնել կաթնարտադրությունը, հետևաբար նպատակահարմար են այն դեպքում, երբ երեխան ստանում է միայն հավելյալ սնունդ: Հաբերի ընդունումը պետք է սկսել ոչ վաղ, քան ծննդաբերությունից 2-4 շաբաթ անց և պարտադիր գինեկոլոգի ցուցումից հետո:

Կարդացեք՝ Հորմոնային հակաբեղմնավորիչներ

Օրացուցային մեթոդ

Այս մեթոդն արդյունավետ չէ, քանի որ ծնդաբերությունից հետո ցիկլը դեռ կարգավորված չէ, իսկ ձվազատում կարող է սկսվել ցանկացած ժամանակ:

Սեռական ակտի դադարեցում

Այս տարածված մեթոդը ոչ միայն չի պաշտպանում հղիությունից, այլև վնասակար է: Նախ, ակտիվ սերմնաբջիջները կարող են ներթափանցել նախքան սերմնաժայթքումը, և հետո, դադարեցնելու մեթոդը բացասական ազդեցություն է ունենում կնոջ և ամուսնու հոգեկան վիճակի վրա, քանի որ խանգարում է սեռական ակտի նորմալ ընթացքը՝ առաջացնելով անբավարարվածություն, նյարդայնություն:

Կրծքով կերակրման շրջանում հղիությունից պաշտպանվելու ամենանպատակահարմար մեթոդներն են պահպանակի օգտագործումը, սերմնաբջիջները ոչնչացնող մոմիկները, ներարգանդային պարույրը, ինչը կարելի է տեղադրել ծննդաբերությունից 6 շաբաթ անց: Մեկ այլ մեթոդ է ամլացումը՝ արգանդափողերի կապումը, սակայն համապատասխանում է միայն այն կանանց դեպքում, ովքեր այլևս հղիություն չեն պլանավորում:

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար