Ինչու՞ երբեմն բեղմնավորում տեղի չի ունենում

Ինչու՞ երբեմն բեղմնավորում տեղի չի ունենում

Լինում են դեպքեր, երբ բեղմնավորումից հետո սաղմի իմպլանտացիայի գործընթացը տեղի չի ունենում: Եթե սաղմը չի իմպլանտավորվում, այլ կերպ ասած՝ չի ամրանում արգանդի պատին, ապա հղիություն չի զարգանում: Որո՞նք են այս խանգարման պատճառները:

Մի հետազոտության ընթացքում մասնագետները պարզել են, որ սաղմն արտադրում է հատուկ քիմիական նյութ՝ տրիպսին, որն ազդանշան է ուղարկում արգանդին, որպեսզի այն պատրաստվի սաղմի իմպլանտացիային:

Երբեմն սաղմերն ունենում են գենետիկական որոշակի խանգարումներ, ինչի պատճառով այդ քիմիական նյութի ազդանշանը ճիշտ չի փոխանցվում, և արգանդում առաջանում է սթրեսային պատասխան, իսկ իմպլանտացիան անհնար է դառում: Այդպիսով, արգանդի պատին ամրանալու համար սաղմը կարծես թե ստիպված է քննություն անցնել: Որոշ դեպքերում այն շատ դժվար է լինում, և անգամ առողջ սաղմերը չեն կարողանում իմպլանտավորվել կամ եթե նույնիսկ ամրանում են արգանդի պատին, հետագայում առաջանում են դրանց զարգացման խնդիրներ:

Այս ամենի պատճառը գտնելով՝ հետազոտողները լուրջ խնդիր կլուծեն, քանի որ արտամարմնային բեղմնավորման ձախողման գլխավոր պատճառը հենց սաղմի իմպլանտավորման խանգարումն է: Այդ անհաջող իմպլանտավորման պատճառը բացահայտելով՝ հնարավոր կլինի կանխորոշել վիժման կամ հղիության այլ բարդությունների վտանգները: Այդ պատճառով խորհուրդ է տրվում լիարժեք հետազոտվել, եթե ոչինչ չի ստացվում։

Այս հարցերով զբաղվող մասնագետները նշում են, որ այժմ իրենց խնդիրն է այնպես փոփոխել արգանդի ներքին շերտը, որ այն ճիշտ պայմաններ ստեղծի սաղմի իմպլանտավորման համար, և այդպիսով հղիության ձախողումը կամ հետագա վիժումը կբացառվի:

Ե՞րբ պլանավորել հղիությունը վիժումից հետո

Ե՞րբ պլանավորել հղիությունը վիժումից հետո

Հաճախ է պատահում, որ կանայք, որոնց դեպքում վիժումը եղել է հղիության վաղ ժամկետում, ցանկանում են հղինալ վիժումից անմիջապես հետո․․․․

Դիսեմինացված ներանոթային մակարդման համախտանիշ (ԴՆՄ)

Դիսեմինացված ներանոթային մակարդման համախտանիշ (ԴՆՄ)

Դիսեմինացված ներանոթային մակարդման համախտանիշը (ռուս․՝ ДВС-синдром ) հաճախ հանդիպող և ծանր, կյանքին սպառնացող խախտում է...

Տամպոններ․ ի՞նչ է պետք իմանալ

Տամպոններ․ ի՞նչ է պետք իմանալ

Նախկինում կանայք տարբեր նյութեր են օգտագործել միջադիրներ և տամպոններ պատրաստելու համար, օրինակ՝ եգիպտացի կանայք փափուկ պապիրուս են օգտագործել, հռոմեացիները՝ բրդե տամպոններ․․․

Ուռուցքանման գոյացություններ փոքր կոնքում

Ուռուցքանման գոյացություններ փոքր կոնքում

Փոքր կոնքում առկա գոյացությունը հաճախ հայտնաբերվում է գինեկոլոգիական սովորական զննման ընթացքում․․․