Հղիության 10-րդ շաբաթ

Հղիության 10-րդ շաբաթ

Տասներորդ շաբաթով ավարտվում է հղիության զարգացման առավել բարդ և կրիտիկական շրջաններից մեկը։ Հենց առաջին 8-10 շաբաթների ընթացքում է վտանգավոր բացասական ազդեցություն թողնող ցանկացած գործոն (սթրեսները, մոր հիվանդությունները, դեղորայքի ընդունումը և այլն)։ Այդ բոլորը կարող են կործանարար ներգործություն ունենալ ապագա երեխայի ներքին օրգանների կազմավորման և զարգացման վրա։

Տասներորդ շաբաթում է ամբողջովին ձևավորվում և սկսում գործել ընկերքը, որը պատասխանատու է նյութափոխանակության և պտղին վնասակար նյութերի ազդեցությունից պաշտպանելու համար։ Այդ նշանակում է, որ զարգացման կրիտիկական փուլն անցել է, սակայն պետք չէ կորցնել զգոնությունը, առջևում դեռ ամիսներ կան։

Պտղի զարգացումը

Սաղմի երկարությունը 30-40 մմ է, զանգվածը՝ 8գ: Գլխի արտաքին ձևը, դեմքը նմանվում է մարդու: Գլուխը կլորացած է և ձգված: Կոպերն ավելի զարգացած են: Ամբողջապես ձևավորված է արտաքին ականջը: Ձևավորված է նաև վերին շրթունքը: Ի հայտ են գալիս լեզվի համային ընկալիչները (ռեցեպտորները):

Ավարտին է մոտենում սրտի զարգացման ճգնաժամային փուլը: Վերին ու ստորին վերջույթները լավ ձևավորված են: Մատները երկարում են, բոլորն առանձնացած են: Ոտնաթաթերը շարունակում են երկարությամբ աճել: Մանկիկն արդեն շարժվում է, կարող է ձեռքերը գլխին, դեմքին, բերանին մոտեցնել, բերանը բացուխուփ անել, կլլել:

Սեռական օրգանների շրջանի մաշկն սկսում է զգայուն դառնալ, աղջիկների դեպքում ձևավորվում է ծլիկը, տղաների դեպքում՝ առնանդամը: Մինչ այդ առկա պոչուկը հետ է զարգանում: Պտղի ենթաստամոքսագեղձը ձևավորվում է 3-րդ ամսում՝ շարունակելով զարգանալ ամբողջ ներարգանդային կյանքի ընթացքում:

Ինսուլինը կանոնակարգում է նյութափոխանակության բոլոր տեսակները, գլխավորապես՝ պտղի բջջաթաղանթների թափանցելիությունն ամինաթթուների հանդեպ: Պտղի էրիթրոցիտներում ի հայտ են գալիս արյան խումբը պայմանավորող տարբեր ագլյուտինոգեններ: Սկսվում է կաթնատամների զարգացումը:

Կնոջ օրգանիզմը

Արգանդն աստիճանաբար մեծանում է։ Տեղակայված է ցայլքային ոսկորից փոքր-ինչ վեր։ Հնարավոր է, որ մաշկի վրա պիգմենտներ ի հայտ գան։ Զգալիորեն խթանվում է մազերի աճը ( որովայնի, կրծքի, դեմքի վրա), ինչը բնական է համարվում, քանի որ հորմոնային վերակառուցման հետևանքն է։ Մազերն ինքնուրույն կանհետանան ծննդաբերությունից հետո առաջին 2-4 ամսվա ընթացքում։

Կարդացեք՝ Պիգմենտային բծերի առաջացման պատճառները հղիության ընթացքում

Զգացողությունները

Տասներորդ շաբաթում սրտխառնոցը գուցե շարունակվի, նույնիսկ՝ ավելի սրվի, ուստի պետք է համբերությամբ զինվել և հետևել բժշկի խորհուրդներին։ Սրտխառնոցին և փսխմանը կարող է միանալ նաև այրոցը, որն առաջանում է, երբ կերակրափողը որովայնից բաժանող մկանները կրճատվում են՝ ստամոքսի պարունակությանը թույլ տալով բարձրանալ կերակրափող։ Ստամոքսահյութն սկում է գրգռել կերակրափողի զգայուն լորձաթաղանթը, և կինն այդ զգում է որպես այրոց (երբեմն էլ ցավ)։

Հաճախաի է դառնում միզարձակումը, քանի որ մեծացող արգանդն սկսում է ճնշել միզապարկը։

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար