Ինչ անել շան կծածի դեպքում

Ինչ անել շատ կծածի դեպքում

Մարդիկ հազվադեպ են մահանում շան կծածից, բայց լուրջ վերքերը կամ վարակի տարածումը կարող են երկար ժամանակ վնասել առողջությանը: Ինչպես դադարեցնել արյունահոսությունը Արյունահոսող վերքը սեղմեք վիրակապով, մաքուր սրբիչով կամ ցանկացած կտորով: Եթե 15 րոպե անց արյունահոսությունը չի դադարում, շտապօգնություն կանչեք: Եթե արյունը կանգ է առնում, օճառով մանրակրկիտ լվացեք կծած հատվածը հոսող ջրի տակ և ծածկեք մաքուր վիրակապով: Ձեռքը կամ ոտքը պահեք սրտի մակարդակից վեր: Այսպիսով դուք կնվազեցնեք այտուցը և վարակի տարածման հավանականությունը: Ինչ քննարկել շան տիրոջ հետ, ինչ անել... Գրանցեք անունը և հեռախոսահամարը: Անհրաժեշտ է պարզել՝ արդյոք շունը հիվանդացել է կատաղությամբ, թե ոչ: Պարզեք նաև, թե երբ և ինչ պատվաստումներ են արել կենդանուն: Եթե պատվաստումներն արվել են վերջերս, ապա ավելի հանգիստ կլինեք, իսկ շան տերը չի փնտրի համաճարակաբաններ կամ անասնաբուժական ծառայություններ: Ինչ կարող եք առաջարկել Առաջարկեք տիրոջը տանել շանը ստուգման անասնաբույժի մոտ և 10 օր հետևել նրան: Եթե կենդանու հետ ամեն ինչ լավ է, ավելի քիչ պատվաստումներ կկատարեք: Ինչի մասին է պետք նախազգուշացնել Եթե շան տերը հրաժարվում է համագործակցելուց, նրան բացատրեք, որ տեղեկատվությունն ինքնաբերաբար կփոխանցվի համաճարակաբանության, անասնաբուժական ծառայություններին և ոստիկանության կենտրոն: Շան տերը կարող է մեղադրվել ընտանի կենդանի պահելու կանոնների խախտման համար և տուգանվել: Երբ է պետք գնալ հիվանդանոց Միշտ և որքան հնարավոր է շուտ: Նույնիսկ եթե ձեր ընտանի կենդանին է ձեզ կծել: Նույնիսկ եթե շունը հարձակվել է ձեզ վրա, բայց չի կծել: Եթե չգիտեք, թե որտեղ է գտնվում մոտակա հիվանդանոցը, ապա զանգահարեք շտապօգնություն: Հիվանդանոցում պատվաստումներ են անում կատաղության և փայտացման դեմ: Այս ճակատագրական հիվանդություններով կարող են հիվանդանալ՝ վարակվելով վերքերի, քերծվածքների և նույնիսկ լորձաթաղանթների միջոցով, եթե թափանցի կենդանու թուքը: Բացի այդ, շունը կարող է վնասել ներքին օրգանները, ջիլերը, մկանները կամ հոդերը: Նրա ատամներն առաջացնում են պատռված վերքեր, որոնք այնուհետև վերածվում են կոպիտ սպիների: Նման վերքերի վրա կարերը դրվում են առաջին 12 ժամվա ընթացքում, իսկ եթե դեմքն է վնասված, ապա մինչև 24 ժամ: Ինչ են անում հիվանդանոցում Բժիշկը զննում և վիրակապում է վերքերը, անհրաժեշտության դեպքում ստուգում է ոսկորներն ու հոդերը, կատարում ռենտգեն և ուլտրաձայնային հետազոտություններ: Դե, իհարկե, նաև իրականացնում է կատաղության և փայտացման դեմ պատվաստումներ։ Երբ և ինչպես են անում կատաղության դեմ պատվաստումները Ցանկացած պարագայում կատաղության դեմ պատվաստում են բոլորին։ Մի քանի ներարկումները ոչ մի բան են՝ սպառնացող մահվան համեմատությամբ: Առաջին ներարկումը կատարվում է անմիջապես, իսկ մյուսները՝ վնասվածքից հետո 3-րդ, 7-րդ, 14-րդ, 30-րդ և 90-րդ օրերին։ Ամբողջ ընթացակարգը ներառում է վեց պատվաստում: Բայց եթե հարձակվելուց 10 օր հետո շունը չի հիվանդանում, հնարավոր է սահմանափակվել երեք ներարկումներով: Մոռացեք փորին արվող 40 ներարկումների մասին․ դրանք արդեն 20 տարի է չեն արվում: Այժմ օգտագործվում են նոր պատվաստանյութեր, որոնք հակացուցումներ չունեն: Պատվաստանյութը նույն սխեմայով ներարկում են և՛ երեխաներին, և՛ հղի կանանց, և՛ մեծահասակներին: Մեծահասակներին ուսից են ներարկում, երեխաներին՝ ազդրից: Պատվաստումները կատարվում են անվճար և՛ հանգստյան օրերին, և՛ արձակուրդներին: Երբ և ինչպես պատվաստվել փայտացման դեմ Փայտացման հարուցիչները վերքի մեջ են փոխանցվում կեղտի միջոցով: Հիվանդների 80 %-ը մահանում է: Հետևաբար, մենք բոլորս մանուկ հասակում պատվաստվում ենք փայտացման դեմ, այնուհետև կրկնում ենք յուրաքանչյուր 10 տարին մեկ: Համենայն դեպս այս սխեմայով պետք է պատվաստվենք: Վնասվածքաբանության կենտրոնում խորհուրդ է տրվում ներկայացնել պատվաստման վկայականը կամ տեղեկացնել, թե երբ և քանի պատվաստում եք կատարել: Ինչ անել հաջորդիվ Ընդունեք դեղամիջոցները և գնացեք պատվաստումների Շան կծած վերքերը դանդաղ են ապաքինվում և պահանջում են լրացուցիչ բուժում: Ամենայն հավանականությամբ, բժիշկը առաջին իսկ օրվանից հակաբիոտիկներ կնշանակի վարակը կանխելու համար: Կարևոր է անհապաղ սկսել բուժումը և ճշգրիտ հետևել ցուցումներին:

• բաց մի՛ թողեք պատվաստումները, հակառակ դեպքում նրանք չեն օգնի,

• հետևե՛ք վերքի վիճակին,

• կարիք11:56
չկա վերքերին դիպչելու, Պարզապես հետևեք բորբոքման նշաններին: Բուժկենտրոնում կմշակեն վերքերը և կվիրակապեն։ Վարակման հետևանքով առաջացած նշանները հայտնվում են արդեն վերքերի վերամշակման և կարերի կիրառման առաջին իսկ օրվանից: Ախտանիշներն են

• վերքի շուրջը կարմրություն,

• թարախի առաջացում,

• մարմնի ջերմաստիճանի բարձրացում,

• վերքի շրջակա հոդերի շարժունակության սահմանափակում։ Հատկապես ուշադիր պետք է լինեն ցածր դիմադրողականություն ունեցող մարդիկ, նրանք, ովքեր ունեն շաքարախտ, լյարդի հիվանդություն, չարորակ նորագոյացություններ, ՄԻԱՎ և նրանք, ովքեր դեղամիջոցներ են ընդունում՝ դիմադրողականության բարձրացման համար։ Նման հիվանդությունների դեպքում վերքերը շատ արագ են թարախակալում: Երբ այցելել վիրաբույժի Վերը նկարագրված ախտանիշները նկատելուն պես գնացեք մոտակա բուժկենտրոն: Նույնիսկ եթե թվում է, որ ամեն ինչ կարգին է, համոզվելու համար այցելեք վիրաբույժին՝ շան կծելուց 48-72 ժամ հետո: Մասնագետը կստուգի ձեզ, վերքերը և կտեղեկացնի, թե ինչ պետք է անեք հետագայում: Հետևեք շան վիճակին 10 օր հետո անասնաբույժները նոր եզրակացնում են՝ շունը հիվանդ է կատաղությամբ, թե ոչ: Եթե ամեն ինչ կարգին է, կարող եք դադարեցնել պատվաստումներ կատարելը: Ինչպես կանխել շների հարձակումը Հարձակվել կարող են ցանկացած ցեղատեսակի և տարիքի շներ, ընտանի և թափառող: Հարձակումների մեծ մասը հնարավոր է կանխել, եթե դիտարկեք պարզ կանոններ.

• մի չարացրեք շներին

• մի պայքարեք նրանց դեմ

• մի փորձեք առանձնացնել կռվող շներին

• մի վազեք կենդանիների կողքով և նրանց հետևից: Այսպիսով, դուք կարող եք ենթարկվել հարձակման

• մի խանգարեք շներին, որոնք իրենց ձագերի հետ են, քնած են կամ ուտում են

• մի փորձեք մտնել շան տարածք

• մի մոտեցեք շանը, եթե նրա տերը մոտակայքում չէ

• մի հետևեք շանը, եթե նա փորձում է թաքնվել

• եթե շունը ցանկանում է հոտոտել ձեզ՝ հանգիստ կանգնեք. նա փորձում է համոզվել, որ դուք անվտանգ եք

• եթե շունը կրճտացնում է ատամները, գռմռում է, մի՛ բղավեք, մի՛ նայեք շան աչքերի մեջ։ Ինչ անել, եթե շունն այնուամենայնիվ հարձակվել է

• պաշտպանվեք պայուսակով կամ ձեռքի տակ եղած որևէ իրով,

• եթե ընկել եք գետնին, պառկեք փորի վրա, կռացրեք գլուխը, ձեռքերով ծածկեք ականջները և վիզը։ Ինչ չի կարելի անել

• մի՛ փորձեք փախչել, շները կարող են կտոր-կտոր անել փախչող զոհին,

• մի՛ խփեք շանը, նա ավելի ագրեսիվ կդառնա։

 

Աղբյուրը
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

Նմանատիպ նյութեր

Առաջին օգնության կանոններ, որոնք յուրաքանչյուրը պետք է իմանա

Առաջին օգնության կանոններ, որոնք յուրաքանչյուրը պետք է իմանա

Ի՞նչ անել նախքան օգնություն ցուցաբերելը

Ինչպե՞ս նվազեցնել շաքարի մակարդակն արյան մեջ

Ինչպե՞ս նվազեցնել շաքարի մակարդակն արյան մեջ

Առողջ մարդիկ և նրանք, ովքեր ունեն նախաշաքարախտային վիճակ պետք է հետևեն արյան մեջ շաքարի մակարդակի ցուցիչներին, որպեսզի չզարգանա շաքարախտ, իսկ դիաբետիկները պետք է հետևեն, որպեսզի բարդություններ չառաջանան

Ալերգիայի 7 ախտանիշներ, որոնք կարող են դրսևորվել ողջ տարվա ընթացքում

Ալերգիայի 7 ախտանիշներ, որոնք կարող են դրսևորվել ողջ տարվա ընթացքում

Չոր հազ Եթե հազը շարունակվում է ավելի քան երեք շաբաթ, դա կարող է վկայել ալերգիայի մասին

8 միջոց՝ փռշտոցը դադարեցնելու համար

8 միջոց՝ փռշտոցը դադարեցնելու համար

Փռշտոցը ռեֆլեքս է, որը տեղի է ունենում քթի լորձաթաղանթի գրգռման արդյունքում