Ինչպես են ապրում Դաունի համախտանիշով մարդիկ

Ինչպես են ապրում Դաունի համախտանիշով մարդիկ

Դաունի համախտանիշը բնածին է և ցմահ: Այն կարող է առաջացնել ուսուցման հետ կապված խնդիրներ, ինչպես նաև առողջության՝ սրտի, արյան, մարսողական համակարգի և այլն։ Այս խնդիրները կարող են լինել ինչպես թեթև, այնպես էլ բավականին ծանր: Մարդու քրոմոսոմային կազմը նորմայի սահմաններում պարունակում են 23 զույգ քրոմոսոմ, իսկ Դաունի համախտանիշ ունեցող մարդիկ ունեն լրացուցիչ (մասնակի կամ ամբողջական) 47-րդ քրոմոսոմ: Սա է պատճառը, որ նրանք արտաքնապես տարբերվում են: Բժիշկները չգիտեն, թե ինչու են որոշ երեխաներ ծնվում այս սինդրոմով:


Ռիսկի գործոններ.
- Դաունի համախտանիշով երեխա ծննդաբերելու հավանակությունը մեծանում է մոր տարիքի հետ (35 տարեկանից հետո), քանի որ տարիների ընթացքում ձվաբջիջները քրոմոսոմների բաժանման ավելի մեծ ռիսկ ունեն:
Այնուամենայնիվ, այս սինդրոմով երեխաների մեծ մասը ծնվում է մինչև 35 տարեկան կանանց մոտ, քանի որ այդ տարիքում, ըստ վիճակագրության, ավելի շատ են ծննդաբերում:
- Գենետիկ փոխանցում: Բայց այս սինդրոմ ունեցող երեխաների ընդամենը 3-4 %-ն է կազմում այդ գենի կրող, քանի որ ժառանգել են ծնողներից մեկից:
Ծնողները, ովքեր ունեն Դաունի սինդրոմ ունեցող երեխա, ունեն
կրկին այդ համախտանիշով երեխա ունենալու մեծ ռիսկ։ Բժիշկ-գենետիկները կօգնեն գնահատել ռիսկերը:


Ինչպես է բուժվում Դաունի համախտանիշը
Հնարավոր չէ բուժել այս սինդրոմը: Բայց բժիշկները կարող են օգնել երեխային հաղթահարելու սինդրոմի բժշկական դրսևորումները: Օրինակ, կարելի է վիրահատություն կատարել սրտի անբավարարության դեպքում կամ կրել ակնոցներ՝ տեսողության շտկման համար:


Ինչ խնդիրներ կարող են առաջանալ ուսուցման հետ կապված:
Դաունի սինդրոմով երեխաները կարող են ավելի շատ ժամանակ տրամադրել, որպեսզի սովորեն նստել, քայլել, խոսել («զարգացման հապաղում»): Այս համախտանիշով գրեթե բոլոր երեխաները խնդիրներ ունեն ինտելեկտի հետ կապված: Ի թիվս այլ բաների, նման երեխաները կարող են խնդիրներ ունենալ նաև կապված վարքի հետ:


Դաունի սինդրոմով շատ մարդիկ ապրում են երջանիկ և լիարժեք կյանքով: Բայց նրանք սովորաբար օգնության կարիք ունեն՝ որոշ ամենօրյա առաջադրանքների հետ կապված, իսկ խնամող մարդկանց անհրաժեշտ է ռեսուրս, հաղորդակցություն և ուժ՝ օգնելու համար:

 

 Աղբյուրը
 
 Բաժանորդագրվեք նաև մեր․ Տելեգրամյան ալիքին , Ֆեսբուքյան էջին, Ինստագրամյան էջին , Յութուբյան ալիքին

 

Գրիպը քրոնիկ հիվանդությունների ժամանակ

Գրիպը քրոնիկ հիվանդությունների ժամանակ

Գրիպի ֆոնի վրա գրեթե ցանկացած քրոնիկ հիվանդություն ակտիվանում է՝ վատթարացնելով անձի առողջական վիճակը, որը կարող է հանգեցնել մինչև իսկ մահվան

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Ե՞րբ է անհրաժեշտ այցելել ուրոլոգի, ինչպե՞ս խուսափել շագանակագեղձի ադենոմայի առաջացումից

Տղամարդն ուրոլոգիական առաջին զննումն անցնում է կյանքի առաջին ամիսներին, երբ մանկաբույժը զննում է իրականացնում՝ ամորձապարկի զարգացման պաթոլոգիաները բացառելու նպատակով։

Հարբեցողություն

Հարբեցողություն

Ալկոհոլի անվտանգ չափաբաժնի մասին ուսումնասիրությունները վկայում են, որ ֆիզիոլոգիայի տեսանկյունից այն գոյություն չունի: Սակայն հարկ է նշել, որ ալկոհոլն ազդում է նաև հոգեվիճակի վրա

Սրտի հիվանդությունները մեծացնում են դեմենցիայի առաջացման վտանգը

Սրտի հիվանդությունները մեծացնում են դեմենցիայի առաջացման վտանգը

Ձախ նախասրտի կառուցվածքային փոփոխությունները մեծացնում են դեմենցիայի առաջացման հավանականությունը, նույնիսկ եթե հիվանդները չունեն սրտի գործառույթի խանգարումներ