Առաջին սեռական փորձ
30920
Շատերի համար առաջին սեռական փորձը հուզումնալից և մտահոգիչ է: Սովորաբար աղջիկը վախենում է սպասվող ենթադրյալ ցավից և արյունահոսությունից, ինչի պատճառով ավելորդ լարվածություն է առաջանում:
Առաջին սեռական հարաբերության ժամանակ առաջացող արյունը կուսաթաղանթի պատռման հետևանք է, ինչը բնական է, որ ուղեկցվում է ցավային զգացումով: Սակայն դրանից վախենալ պետք չէ: Ցավի ուժգնությունը կախված է կնոջ անհատական ցավային շեմից, անատոմիական առանձնահատկություններից, ինչպես նաև հոգեբանական տրամադրվածությունից:
Կնոջ էմոցիոնալ տրամադրվածությունն ու ցանկության ուժն են պայմանավորում առաջին սեռական ակտի ընթացքը: Վախի պատճառով ցավն ավելի ուժգին կարող է թվալ, բացի այդ, վախից հնարավոր չի լինի թուլանալ, իսկ լարվածությունը կարող է սպազմ առաջացնել: Թուլանալու դեպքում ցավը և տհաճ զգացողությունները կանհետանան:
Մեծամասամբ, առաջին սեռական հարաբերությունը հարթ է ընթանում՝ առանց ուժգին ցավային զգացողության, հնարավոր է նաև արյունահոսություն ընդհանրապես չդիտվի, ինչը կուսաթաղանթի լավ առաձգականության և անոթների տեղակայման առանձնահատկություննների արդյունք է: Լինում է նաև այնպես, որ արյունահոսություն առաջանում է առաջին մի քանի անգամների ժամանակ, որի պատճառը կուսաթաղանթի ոչ ամբողջական պատռվելն է:
Նորմայում, արյունահոսությունը առատ չէ, վերանում է մի քանի րոպեում: Գինեկոլոգին դիմելու կարիք կլինի, եթե արյունահոսությունը չդադարի, այլ սկսի նմանվել դաշտանային ցիկլի և ուղեկցվի ուժգնացող ցավով:
Ցանկալի է հաջորդ անգամ սիրով զբաղվել 3-7 օր անց, որպեսզի այս ընթացքում կուսաթաղանթի պատռվածքները վերականգնվեն: Պետք չէ մոռանալ հիգիենայի և բեղմնականխման միջոցների մասին, քանի որ հղիանալու հավանականությունը ցածր չէ հենց առաջին անգամից:
Կարդացեք՝ Հղիանալու հավանականությունը առաջին սեռական հարաբերությունից հետո
