Իսթմիկոցերվիկալային անբավարարության շտկում

Իսթմիկոցերվիկալային անբավարարության շտկում

Երկրորդ և երրորդ եռամսյակում հղիության վաղաժամ ընդհատման ամենատարածված պատճառներից մեկն իսթմիկոցերվիկալային անբավարարությունն է։ ԻՑԱ-ն արգանդի պարանոցի անախտանշան կարճացումն է, ներքին օղի լայնացումը, որը հանգեցնում է պտղապարկի պատռվածքի, հղիության ընդհատման կամ վաղաժամ ծննդաբերության։

Դասակարգումը

Տարբերում են հետևյալ տեսակները՝

  • բնածին (գենիտալ ինֆանտիլիզմի, արգանդի զարգացման արատների դեպքում), 
  • ձեռքբերովի, 
  • օրգանական (երկրորդային, հետտրավմատիկ)՝ առաջանում է արգանդի պարանոցի բուժախտորոշիչ միջամտությունների, ինչպես նաև տրավմատիկ ծննդաբերության հետևանքով, 
  • ֆունկցիոնալ՝ դիտվում է էնդոկրին խանգարումների դեպքում (հիպերանդրոգենիա, ձվարանների հիպոֆունկցիա)։

Ախտորոշումը

Ախտորոշման չափորոշիչները հղիության ընթացքում՝

  • անամնեստիկ տվյալներ (անամնեզում ինքնաբեր վիժման և վաղաժամ ծննդաբերության առկայություն),
  • հեշտոցի զննման տվյալներ (դիրքը, երկարությունը, ցերվիկալ կանալի վիճակը և այլն)։

ԻՑԱ-ի արտահայտվածության աստիճանը որոշվում է Շտեմբերի բալային սանդղակով։ ԻՑԱ-ի ախտորոշման հարցում կարևոր նշանակություն ունի ՈւՁՀ-ն (տրանսվագինալ էխոգրաֆիա)․ գնահատում են արգանդի պարանոցի երկարությունը, ներքին օղի և ցերվիկալ կանալի վիճակը։

Վիրաբուժական շտկման ցուցումները

  • Անամնեզում ինքնաբեր վիժման և վաղաժամ ծննդաբերության առկայություն։
  • Զարգացող ԻՑԱ՝ ըստ հետազոտման կլինիկական և ֆունկցիոնալ մեթոդների տվյալների։ 
  • ԻՑԱ-ի նշաններ՝ ըստ հեշտոցի զննման։ 
  • ԻՑԱ-ի էխո-նշաններ՝ ըստ տրանսվագինալ սոնոգրաֆիայի տվյալների։

Վիրաբուժական շտկման հակացուցումները

  • Հիվանդություններ և ախտաբանական վիճակներ, որոնք հակացուցում են հղիության պահպանման համար։ 
  • Արնահոսություն հղիության ընթացքում։ 
  • Արգանդի բարձր տոնուս, որը չի ենթարկվում բուժման։ 
  • Պտղի զարգացման բնածին արատներ։ 
  • Փոքր կոնքի օրգանների սուր բորբոքային հիվանդություններ։

Բարդությունները

  • Հղիության ինքնաբեր ընդհատում 
  • Արնահոսություն 
  • Պտղապարկի պատռում 
  • Նեկրոզ 
  • Խորիոամնիոտիտ, սեպսիս և այլն

Հետվիրահատական շրջան

  • Վիրահատությունից անմիջապես հետո թույլատրվում է վեր կենալ և քայլել։ 
  • Բուժականխարգելիչ նպատակով նշանակվում են մի շարք դեղամիջոցներ։ 
  • Բորբոքային բարդությունների բարձր վտանգի դեպքում նշանակվում է հակամանրէային թերապիա։ 
  • Ամբուլատոր պայմաններում երկու շաբաթը մեկ անգամ կատարվում է արգանդի պարանոցի զննում։ 
  • Արգանդի պարանոցի կարերը հանվում են հղիության 37-38-րդ շաբաթում։

Տեղեկություններ հղի կնոջ համար

Հղիության ընդհատման սպառնալիքի դեպքում բժիշկը պետք է ՈւՁՀ-ի միջոցով հետևի արգանդի պարանոցի վիճակին։ ԻՑԱ-ի վիրաբուժական բուժման արդյունավետությունը և հղիության պահպանումը կազմում է 85–95%։

Նմանատիպ նյութեր

Սեքսը կրծքով կերակրման շրջանում

Սեքսը կրծքով կերակրման շրջանում

Մի շարք կանայք ԿԿ ֆոնին բախվում են լիբիդոյի նվազման խնդրին․․․

Օրգազմը հղիության դեպքում

Օրգազմը հղիության դեպքում

Հղիությունը չի նվազեցնում սեռական ցանկությունը, սակայն շատերը խուսափում են օրգազմից՝ մտածելով, որ այն կարող է վիժում առաջացնել...

Վարիկոզի կանխարգելումը հղիության ընթացքում

Վարիկոզի կանխարգելումը հղիության ընթացքում

Հղիության ընթացքում վարիկոզի առաջացման հիմնական պատճառն արգանդի մեծացումն է, ինչը հանգեցնում է փոքր կոնքի երակի...

Կրծքով կերակրումը ջերմության բարձրացման պայմաններում

Կրծքով կերակրումը ջերմության բարձրացման պայմաններում

Կրծքով կերակրող մայրերը, երբ ջերմություն են ունենում, սկսում են մտահոգվել, թե արդյոք կարելի է շարունակել կրծքով կերակրումն այդ վիճակում, արդյոք կաթը վնասակար չի լինի երեխայի համար․․․