Օգտակար հանձնարարականներ ԱՄԲ-ից առաջ

ԱՄԲ դիմող զույգերը հուսով են, որ կհայտնվեն այն 35%-ի շարքում, ում առաջին իսկ փորձից հաջողվել է հղիանալ: Խելամիտ կլինի լրջորեն նախապատրաստվել միջամտությանը՝ հղիանալու հավանականությունը մեծացնելու նպատակով: Կարևոր է հիշել, որ ձվաբջիջների հասունացման ցիկլը 90 օր է, սերմնաբջիջներինը՝ մոտ 76 օր: Հետևաբար նախապատրաստվել պետք է «X» ցիկլից 3 ամիս առաջ: Ի՞նչ է ցանկալի անել ծրագրին դիմելուց առաջ:

1. Սկսեք ֆոլաթթու ընդունել: Վաղուց է հայտնի, որ B խմբի այս վիտամիններն ազդում են սաղմի նյարդային խողովակի ձևավորման և զարգացման վրա: Հետազատություններն ապացուցել են, որ ֆոլաթթուն մեծ դեր է խաղում ֆոլիկուլի աճի, ինչպես նաև վատորակ սերմնաբջիջների քանակի նվազմանը, որոնք հանգեցնում են պտղի զանազան արատների: Հաճախ ֆոլաթթուն համակցվում է յոդով: Այսպիսի դեղահաբերը չի կարելի ընդունել, եթե վահանագեղձի խնդիր կա:

2. Ստուգեք կարմրախտի դեմ հակամարմինների առկայությունը: Եթե վերջիններս բացակայում են, հարկավոր է պատվաստվել: Կարմրախտի ի հայտ գալն առաջին եռամսյակում լի է պտղի լուրջ պաթոլոգիաներով և հղիության ընդհատման ցուցում է համարվում: Պատվաստումը կատարվում է ԱՄԲ-ի դիմելուց 2-3 ամիս առաջ:

3. Արգանդի պարանոցի ՊԱՊ (օնկոցիտոլոգիայի հայտնաբերման քսուք) թեստ կատարեք: Ատիպիկ բջիջների առկայության դեպքում հարկավոր է հետազոտություններ անցնել և բուժում ստանալ: Դրական ՊԱՊ թեստը կարող է վկայել բորբոքման, մարդու պապիլլոմավիրուսով վարակման կամ քաղցկեղի մասին:

4. Կատարեք ԱՄԲ-ի համար անհրաժեշտ բոլոր հետազոտությունները:

5. Եթե անգամ բժիշկները չեն առաջարկել, արգանդի հիստերոսկոպիա արեք, քանի որ ՈւՁՀ-ի միջոցով պտղաձվի ամրացման և զարգացման վրա ազդող ոչ բոլոր պաթոլոգիաներն են տեսանելի:

6. Ճիշտ սնվեք: Ամենօրյա սնունդը պետք է ներառի բանջարեղեն, մրգեր և մթերքներ, որոնք հարուստ են պրոտեիններով՝ կարմիր միս, ձու, ձուկ, լոբեղեն և այլն: Ձկան յուղը լավացնում է ֆերտիլությունը և օգնում հաղթահարել հետծննդաբերական դեպրեսիան:

7. Կարգավորեք քաշը: Ավելորդ կամ պակաս քաշը կարող է նվազեցնել հղիանալու հավանականությունը:

8. Թողեք ծխելը: Ոգելից խմիչքների քանակը ևս նվազեցրեք կամ առհասարակ հրաժարվեք: Կոֆեինի ամենօրյա չափաբաժինն էլ պետք է լինի առավելագույնը 200 մգ:

9. Ֆիտնեսով զբաղվեք: Օրվա ընթացքում 15-20 րոպեանոց զբոսանքն էլ բավական է: Կատարեք նաև հատուկ վարժություններ, որոնք կբարելավեն արյան շրջանառությունը փոքր կոնքի օրգաններում:

10. Խուսափեք շոգեբաղնիք այցելելուց: Շոգը և տաք գոլորշին անդրադառնում են ֆերտիլության և սրմնաբջիջների որակի վրա:

11. Խուսափեք դեղամիջոցներից: Ընդունումից առաջ խորհրդակցեք բժշկի հետ:

12. Մի շարք հետազոտություններ պարզել են, վիտամինների ընդունումը ծրագրին դիմելուց առաջ 3 ամիսների ընթացքում բարելավում է հղիության ընթացքը:

13. Ամեն օր 16գրամ L-արգինին օգտագործեք, որը կբարելավի օօցիտների քանակը և արգանդի լորձաթաղանթի որակը:

14. Հեմոստազի համակարգը հետազոտման նպատակով արյուն հանձնեք: Խնդիրների դեպքում լուծեք դրանք նախքան ծրագրին դիմելը:

15. Հավատացեք հաջողությանը:

Եղեք առողջ: