Երեխային քնացնելու մեթոդները

Երեխային քնացնելու մեթոդները

Գոյություն ունեն բազմաթիվ եղանակներ, որոնք օգնում են փոքրիկներին հանգստանալ ու քնել, բայց յուրաքանչյուր երեխա ունի իր համար ամենաարդյունավետ մեթոդը: Ամեն ինչ կախված է այն բանից, թե ինչու երեխան չի քնում: Պատճառները բազմազան են: Հնարավոր է, որ եղանակն է խնդիրը՝ շատ տաք է կամ ցուրտ, անձրևոտ, դա կարող է ազդել երեխայի վրա: Նա կարող է պարզապես ցանկություն չունենալ քնելու: Շատ տարածված պատճառ է փորիկի ցավը, որ անհանգստացնում է գրեթե բոլոր նորածիններին: Պատճառ կարող է լինել նաև նրա գերհոգնածությունը, օրինակ՝ եթե տանը շատ մարդիկ կան, ովքեր շարունակ մոտենում են և ցանկություն հայտնում տեսնել փոքրիկին: Այսպիսով՝ ի՞նչ մեթոդների կարելի է դիմել փոքրիկին քնեցնելիս: Քննարկենք բոլոր ծանոթ եղանակները:

Օրորել։ Ամենապարզ և հասանելի մեթոդն է՝ հայտնի դեռ վաղ ժամանակներից: Ընդ որում՝ այն բավականին ֆիզիոլոգիական է, ինչ էլ որ ասեն դրան դեմ արտահայտվողները․ չէ՞ որ փոքրիկը դեռ արգանդում զգում է տատանումները, քանի որ մայրիկը մշտապես շարժման մեջ է: Օրորել փոքրիկին կարելի է ձեռքերի վրա կամ օրորոցում, մանկասայլակում, ում ինչպես հարմար է: Այս մեթոդը գուցե առանձին այնքան էլ արդյունավետ չլինի: Կարելի է դրա հետ մեկտեղ երգել օրորոցային:

Սա մեր տատիկների մեթոդն է: Եթե մայրիկը երգելու ցանկություն չունի, կարելի է պարզապես հաճելի, հանդարտ երաժշտություն միացնել: Մայրիկներից ոմանք նշում են, որ կարելի է կերակրելուց հետո մի փոքր քայլել տանը, քանի որ շատ փոքրիկներ նախընտրում են, որ մայրիկը շարժման մեջ լինի, մինչ իրենք կհոգնեն ու կքնեն նրա գրկում:

Լսեք՝ Հայկական և այլ ժողովուրդների օրորոցային երգեր

Փոքրիկին հանգստացնելու համար արդյունավետ է ջրի ձայնը: Դա բնական է ու կապված է այն բանի հետ, որ մայրիկի արգանդում փոքրիկը մշտապես աղմուկի մեջ է՝ սրտի, արյան հոսքի, արտաքին աշխարհի ձայների: Սա օգնում է դադարեցնել փոքրիկի լացը, հանգստացնում է նրան: Ամեն ինչ շատ հեշտ է, անհրաժեշտ է պարզապես փոքրիկին գրկել ու գնալ լոգարան: Սա իհարկե ոչ բոլոր դեպքերում է արդյունավետ:

Կարելի է վերոնշյալ մեթոդների հետ համատեղել նաև փոքրիկին ամուր բարուրելը: Սա հարմար է հատկապես գիշերը, քանի որ երեխան ավելի երկար կքնի: Սակայն ոչ բոլոր բալիկներն են սիրում բարուրի մեջ մնալ: Եթե նրանք այդպես անհանգիստ են լինում, կարելի է այնպես բարուրել, որ թաթիկները ազատ մնան կամ էլ ոտքերը կարողանա շարժել:

Երաժշտական մոբիլ: Ովքեր չգիտեն, ասենք, որ սա մանկական երաժշտական սարք է, որ ամրացվում է անկողնու վրա՝ փոքրիկի գլխավերևում: Սակայն այս մեթոդը նույնպես կարող է արդյունավետ չլինել բոլոր փոքրիկների համար, քանի որ պտտվող խաղալիքները գուցե ուրախացնեն նրան և քնելու փոխարեն նա ավելի աշխուժանա: Սա կարող է օգնել այն դեպքում, երբ մայրիկը գործ ունի խոհանոցում, և անհրաժեշտ է փոքրիկին զբաղեցնել:

Ծծակը նույնպես կարող է օգնել փոքրիկին հանգստանալ, հատկապես, եթե շարունակեք նրան օրորել և երգել օրորոցային: Որոշ երեխաներ սովոր են այդպես քնելուն: Ծծակի փոխարեն կարելի է փորձել քնեցնել երեխային կուրծք տալով, քանի որ նա ուտելիս հանգստանում է, դա կարող է նպաստել նաև քնելուն: 

Շատ արդյունավետ միջոց է նաև մաքուր օդում զբոսանքը: Սա շատ օգտակար է ինչպես փոքրիկի, այնպես էլ մայրիկի համար, ով ծննդաբերությունից հետո ֆիզիկական ակտիվության կարիք ունի: Զբոսանքը կարելի է նաև վստահել հայրիկին կամ տատիկին:

Ավելի մեծ տարիքի երեխաների համար կարելի է հեքիաթներ կարդալ:

Դիտեք՝ Երեխային քնեցնելու 7 յուրահատուկ միջոց

Ինչ է էպիզիոտոմիան և ինչպես վերականգնվել դրանից հետո

Ինչ է էպիզիոտոմիան և ինչպես վերականգնվել դրանից հետո

Ծննդաբերության ժամանակ հեշտոցը լայնանում է, բայց երբեմն դա կարող է բավարար չլինել երեխայի գլուխը տեղավորելու համար

Ի՞նչ անել, եթե առանց որևէ պատճառի կապտուկներ են առաջանում

Ի՞նչ անել, եթե առանց որևէ պատճառի կապտուկներ են առաջանում

Կապտուկը անոթների վնասվածքի պատճառով մաշկի վրա առաջացած արյունազեղումն է

Ստամոքսի քաղցկեղ

Ստամոքսի քաղցկեղ

Ընթացակարգի ժամանակ ստամոքսի մեջ մտցվում է հատուկ սարք, որի միջոցով բժիշկն ուսումնասիրում է ստամոքսի բոլոր հատվածները, ինչպես նաև 12-մատնյա աղին։

Ինչպե՞ս է գործում հղի կանանց դիմադրողականությունը

Ինչպե՞ս է գործում հղի կանանց դիմադրողականությունը

Գենի և դիմադրողականության տեսանկյունից՝ պտուղը օտար օրգանիզմ է կնոջ համար