Վախ ծննդաբերությունից

29.04.20146725

Հարց

Վախենում եմ ծննդաբերությունից: Կարո՞ղ են ինձ կեսարյան հատում անել իմ ցանկությամբ:

 

Պատասխան

Ծննդաբերական ցավերից պետք չէ վախենալ: Դա բնական ֆիզիոլոգիական գործընթաց է, որով անցնում է ցանկացած կին: Գոյություն ունի ցավային շեմ հասկացություն. մի կնոջ մոտ այն ցածր է, և նա հեշտությամբ է կարողանում դիմակայել ծննդաբերական ցավերին, իսկ մյուսի մոտ բարձր է: Իրականում չկա այնպիսի ցավ, որին ծննդկանը չկարողանա դիմանալ:

Ինչպես նշել եմ ծննդաբերության ցավազրկման մեթոդների մասին հարց ու պատասխանում, այսօր կան ցավազրկման բազմաթիվ միջոցներ, որոնք կարելի է կիրառել ծննդաբերության տարբեր փուլերում: Ինչ վերաբերում է կեսարյան հատմանը, ապա ասեմ, որ չի կարելի դիմել այդ վիրահատությանը միայն այն պատճառով, որ վախենում եք ծննդաբերական ցավերից:

Կեսարյան հատումը կատարվում է միայն ցուցման դեպքում, օրինակ՝ ընկերքի վաղաժամ շերտազատում, պտղի սուր հիպոկսիա և այլն: Պետք է հիշել, որ կեսարյան հատումը վիրահատություն է, իսկ յուրաքանչյուր վիրահատություն, որքան էլ որ լավ է կատարվում, ռիսկեր է պարունակում և պետք է անել միայն անհրաժեշտության դեպքում:

 

 

Հարցին պատասխանվել է blognews.am կայքում: