Արգանդի սուբինվոլյուցիա

Արգանդի սուբինվոլյուցիա

Արգանդի սուբինվոլյուցիան հետծննդյան շրջանում արգանդի կրճատման գործընթացի ուշացումն է՝ վարակների կամ մեխանիկական վնասվածքների պատճառով։ Այդ պաթոլոգիական վիճակում արգանդը չի կարողանում կրճատվել և վերադառնալ մինչծննդաբերական բնական չափսերին։ Այդ երևույթը դասվում է հետծննդյան բարդությունների շարքին։

Պատճառները

  • Արգանդում ընկերքի կամ պտղի թաղանթի մասերի պահպանում, 
  • Շատ ծննդաբերություններ կամ մեծ պտուղ, 
  • Գերջրություն, 
  • Դժվար ծննդաբերություն, 
  • Կեսարյան հատում,
  • Արգանդի միոմա, 
  • Հղիության ընթացքում բորբոքային երևույթներ և այլն։ 

Ախտանշաններ

Ախտանշաններից ամենացայտունը անդադար, մուգ արյունահոսությունն է։ Արգանդը մեծացած է լինում, առաձգականությունը կորցրած և դանդաղ է կրճատվում։ Երբեմն նկատվում է մարմնի ջերմաստիճանի բարձրացում մինչև 37-37,5 աստիճան, ինչը խոսում է օրգանիզմում բորբոքային երևույթի առկայության մասին։

Եվս մեկ ախտանշան է որովայնի ներքևի հատվածում հետծննդյան բնորոշ ցավի բացակայությունը։

Հիվանդության տեսակները

Կախված արգանդի սուբինվոլյուցիայի առաջացման պատճառից՝ տարանջատվում են հիվանդության ինֆեկցիոն բնույթի և իրական տեսակները։ Սուբինվոլյուցիայի ինֆեկցիոն տեսակը առաջանում է հետծննդյան շրջանում բորբոքային երևույթների հետևանքով, ըստ որում, կինը կարող է վարակված լինել ծննդաբերության ժամանակ։

Իրական սուբինվոլյուցիան առաջանում է արգանդի մեխանիկական չափազանց ձգման կամ ադենոմինոզի արդյունքում։

Բուժումը

Արգանդի սուբինվոլյուցիայի բուժումը կախված է դրա տեսակից և տևականությունից։ Եթե այն ուղեկցվում է բորբոքային երևույթներով, ապա հանդիսանում է ինքնուրույն հիվանդություն, որի բուժման համար օգտագործվում են անտիբիոտիկներ, եթե ընկերքի մնացորդային կտոր՝ ապա մաքրում են արգանդի խոռոչը։ Բուժումը սովորաբար տևում է 7-10 օր։

Բարդությունները

Արգանդի սուբինվոլյուցիայի արդյունքում կարող են առաջանալ հետվիրահատական էնդոմետիտ, վարակի զարգացում և այլն:

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում