Ինչո՞ւ է անհրաժեշտ օրալ սեքսի ժամանակ պաշտպանվել․ 6 վարակ
23715
Օրալ սեքսի ժամանակ սեռական ճանապարհով փոխանցվող հիվանդություններով վարակվելու հավանականությունը շատ մեծ է։ Շատ մարդիկ օրալ սեքսն անվնաս են համարում, բայց այդ այդպես չէ։
Օրալ սեքսի ժամանակ կարելի է հիվանդանալ այնպիսի հիվանդություններով, ինչպիսիք են՝
- սիֆիլիս,
- գոնորեա,
- քլամիդիոզ,
- հերպես,
- պապիլոմավիրուս,
- հեպատիտ և այլն։
Հեշտոցից բերան հարաբերության դեպքում հանդիպում են նաև ՄԻԱՎ-ով վարակվելու դեպքեր։ Առավել վտանգավոր է օրալ սեքսով զբաղվելը, եթե բերանում արյունահոսող վերքեր, խոցեր կան։
Հիվանդությունները կարող են փոխանցվել սերմնահեղուկի կամ հեշտոցային արտադրության միջոցով։
Ինչպե՞ս պաշտպանվել
Օրալ սեքսի ժամանակ խորհուրդ է տրվում օգտագործել պահպանակ կամ կանանց սեռական օրգանների համար նախատեսված լատեքսային անձեռոցիկներ։ Խուսափեք օրալ սեքսից, եթե զուգընկերոջ սեռական օրգաններին առկա են՝
- բշտիկներ,
- կտրվածքներ,
- խոցեր,
- կանանց դեպքում՝ մենստրուալ կամ հեշտոցային այլ արտադրություն։
Նշենք, որ մշտական սեռական զուգընկեր ունենալը նույնպես փոքրացնում է տարատեսակ հիվանդություններ ձեռք բերելու հավանականությունը։
Նմանատիպ նյութեր
Ճի՞շտ է, որ եթե սերմնահեղուկը թափվում է հեշտոցից, ապա նվազում է հղիանալու հավանականությունը
Ճի՞շտ է, որ եթե կինը հեշտոցային օրգազմ չի ապրում, ուրեմն հիվանդ է
Ցավ սեռական հարաբերության ժամանակ. ինչի մասին է վկայում
Հղիությունը մեծացնո՞ւմ է սեռական ցանկությունը
Ինչպես ճիշտ օգտագործել պահպանակը և ինչ անել, եթե պատռվել է
