Միզուղիների ինֆեկցիաները հղիության ընթացքում

Միզային համակարգի ինֆեկցիոն հիվանդությունները տարածված են հղիության ընթացքում, ինչը պայմանավորված է հորմոնների և արգանդի կողմից ճնշվելու հետևանքով միզուղիների լայնացմամբ, դրանց գալարակծկանքի թուլացմամբ։

Անախտանիշ բակտերիուրիան հաճախ է հանդիպում և երբեմն զարգանալով դառնում է ցիստիտ կամ պիելոնեֆրիտ։ Այն ոչ բոլոր ՄՀԻՀ-ին է նախորդում։

Անախտանշան բակտերիուրիան, միզային համակարգի ինֆեկցիոն հիվանդությունները և պիելոնեֆրիտը մեծացնում են վաղաժամ ծննդաբերության և պտղապարկի վաղաժամ պատռման վտանգը։

Ախտորոշումը

Առաջնային հետազոտումը ներառում է մեզի հետազոտություն և ցանքս, նպատակը անախտանշան բակտերիուրիայի հայտնաբերումն է։ Ախտանշաններով ընթացքող ՄՀԻՀ-ի ախտորոշումը չի փոխվում հղիության պատճառով։

Բուժումը

Բուժումը ենթադրում է հակաբիոտիկային թերապիա, ստուգիչ ցանքս և երբեմն՝ սուպրեսիվ թերապիա։ Հակաբիոտիկների ընտրությունը կատարվում է ըստ անհատական և տեղային ընկալունակության և ռեզիստենտության։

Պիելոնեֆրիտ ունեցող կամ միզային համակարգի մեկից ավել ինֆեկցիոն հիվանդություն տարած կանանց դեպքում հնարավոր է, որ սուպրեսիվ թերապիայի անհրաժեշտություն առաջանա։