Թուզ․ օգտակար և վնասակար հատկությունները

12.08.20193730

Թուզը մեծ քանակությամբ միկրոտարրեր է պարունակում՝ պղինձ, երկաթ, մագնիում, կալցիում, կալիում, А և В վիտամիններ։ Թարմ պտուղներում մոտ 24% շաքար կա, իսկ չրում՝ 37%: Կալորիականությունը Թարմ թզի կալորիականությունը 74 կկալ է (100 գր․), չրինը՝ 257 կկալ։

Օգտակար հատկությունները

Թզի չրի թուրմը քրտնամուղ և ջերմիջեցնող հրաշալի միջոց է, այն սարքում են կաթով կամ էլ ջրով։ Թուզն զգալիորեն լավացնում է երիկամների և ստամոսքի աշխատանքը։

Օգտակար է սրտանոթային համակարգի հիվանդություններ ունեցողների համար, քանի որ մեծ քանակությամբ կալիում է պարունակում։ Հանգստացնում է արագ սրտխփոցը։

Ի զորու է թուլացնել անոթների լարվածությունը և լայնացնել դրանք։ Մեծ դեր է խաղում հիպերտոնիայի և անոթային անբավարարության դեմ պայքարում։

Ֆիցին ֆերմենտի առկայության շնորհիվ թուզը նվազեցնում է արյան մակարդելիությունը, և անոթային թրոմբները ներծծվում են։

Հրաշալի միջոց է ավելորդ քաշի, խումարի, սթրեսի և հազի դեմ։ Կանխում է շաքարի վերածումը ճարպի։

Օրգանիզմից հեռացնում է վնասակար խոլեստերինը և համարվում է աթերոսկլերոզի կանխման հրաշալի միջոց։

Ցուցված է հղիության ընթացքում, եթե կինը չունի գեստացիոն շաքարային դիաբետ։

Վնասակար հատկությունները

Թուզը հակացուցված է շաքարային դիաբետ, հոդատապ և ստամոքսի սուր բորբոքային հիվանդություն ունեցող մարդկանց։ Այդ պայմանավորված է նրանում բջջանյութի և թրթնջակաթթվի պարունակությամբ։

Թզի չիրը հակացուցված է պանկրեատիտի և ճարպակալման դեպքում, քան որ կարող է սրլ վիճակը։ Օժտված է լուծողական հատկությամբ։