Հեշտոցի պլաստիկա (կոլպորաֆիա և կոլպոպերինեոպլաստիկա)

Հեշտոցի պլաստիկա (կոլպորաֆիա և կոլպոպերինեոպլաստիկա)

Հեշտոցի պատերի պլաստիկան կատարվում է դրանց անատոմիական փոփոխությունների դեպքում, օրինակ՝ արտանկման կամ իջնելու (սեռական օրգանների պրոլապս): Պատճառ կարող է դառնալ դժվար ծննդաբերությունը, խոշոր պտուղը, հորմոնների պակասը, ֆիզիկական ծանրաբեռնվածությունը, քրոնիկ փորկապությունը և գինեկոլոգիական մի շարք հիվանդություններ։

Կոլպորաֆիան կատարվում է հեշտոցի առջևի և հետևի պատերի իջնելու, դիրքի փոփոխության դեպքում, իսկ կոլպոպերինեոպլաստիկան՝ հեշտոցի հետին պատի և փոքր կոնքի մկանների (լևատորների) պլաստիկան և ֆիքսումն է:

Ցուցումները

Վիրահատությունը ցուցված է պրոլապսի երկրորդ և երրորդ աստիճանների, անմիզապահության, ցիստոցելեի կամ ռեկտոցելեի դեպքում, իսկ սկզբնական փուլերում արդյունավետ կարող է լինել նաև կոնսերվատիվ բուժումը։

Առաջնային կոլպորաֆիայի և հետին կոլպոպերինոպլաստիկայի ցուցումներն են՝

  • անմիզապահություն և անկղապահություն, 
  • տհաճ զգացողություններ սեռական հարաբերության ընթացքում՝ պայմանավորված սեռական օրգանների դիրքի փոփոխությամբ և այլն։ 

Նախապատրաստումը

Վիրահատությունից առաջ հարկավոր է խորհրդակցել թերապևտի և անեսթեզիոլոգի հետ, ինչպես նաև մի շարք հետազոտություններ կատարել՝

  • էլեկտրասրտագրություն, 
  • ֆլյուորոգրաֆիա, 
  • մեզի ընդհանուր հետազոտություն, 
  • այան ընդհանուր և կենսաքիմիական հետազոտություն, մակարդելիության որոշման հետազոտություն և այլն։ 

Վերականգնումը

Վիրահատությունից հետո բուժառուն շարունակում է մնալ բժշկի հսկողության ներքո և ստացիոնարում անցկացնում է առավելագույնը 2-4 օր։

Խորհուրդ է տրվում առաջիկա մեկ ամսվա ընթացքում զերծ մնալ սեռական ակտից, ֆիզիկական ծանրաբեռնվածությունից, սաունա գնալուց և տաք վաննայից։ Վարակումից խուսափելու համար հարկավոր է խստորեն հետևել հիգիենայի կանոններին։

Բժշկի բոլոր ցուցումները ճիշտ կատարելու դեպքում մի քանի շաբաթ անց օրգանիզմը լիովին վերականգնվում է։

 

Աղբյուրը

Ինչպե՞ս պաշտպանվել վարակներից օրալ սեռական հարաբերության ընթացքում

Ինչպե՞ս պաշտպանվել վարակներից օրալ սեռական հարաբերության ընթացքում

Սեռական վարակներով հնարավոր է վարակվել նաև օրալ սեռական հարաբերության ժամանակ, ուստի պաշտպանությունը միշտ անհրաժեշտ է

Սխալ պատկերացումներ դաշտանի մասին, որոնցից ազատվելու ժամանակն է

Սխալ պատկերացումներ դաշտանի մասին, որոնցից ազատվելու ժամանակն է

Դաշտանը օրգանիզմը մաքրելու միջոց է Իրականում օրգանիզմը ոչ մի մաքրման կարիք չունի, և ոչ մի տոքսին չի հեռացվում դաշտանի միջոցով

Ամեն ինչ դաշտանի մասին. տարածված հարցերի պատասխաններ

Ամեն ինչ դաշտանի մասին. տարածված հարցերի պատասխաններ

Եթե որովայնը ցավում է դաշտանի ժամանակ, դա նորմա՞լ է

Ցածր լիբիդո. պատճառները

Ցածր լիբիդո. պատճառները

Լիբիդոյի կորուստը տարածված խնդիր է, որին բախվում է յուրաքանչյուր հինգերորդ տղամարդ և շատ կանայք՝ կյանքի ինչ-որ փուլում