Կոլպոլևատորոպլաստիկա

Կոլպոլևատորոպլաստիկան կոնքի մկանների վերականգնման և ամրացման վիրահատությունն է։ Դրա կարիքն զգացվում է կոնքի հատակի մկանների թուլացման՝ գենիտալ պրոլապսի դեպքում։ Այդ խնդիրը հաճախ ի հայտ է գալիս պատռվածքներով ավարտված ծննդաբերության դեպքում։

Վնասված լևատորները՝ կոնքի մկանները, հարակից օրգանների (արգանդ, միզապարկ և այլն) արտանկման, իջեցման և փոփոխման պատճառ են դառնում։ Վիրահատությունը կատարվում է ընդհանուր կամ ողնուղեղային անզգայացմամբ։

Ցուցումները

Հեշտոցի կոլպոլևատորոպլաստիկայի հիմնական ցուցումը լևատորների ֆունկցիայի խաթարումն է, ինչն ուղեկցվում է հետևյալ ախտանշաններով՝

• հեշտոցի պատերի իջեցում, 
• արգանդի արտանկում, 
• անմիզապահություն, 
• անկղապահություն, 
• անհարմարություն և ցավ սեռական ակտի ժամանակ և այլն։ 

Վերականգնումը վիրահատությունից հետո Սովորաբար հնարավոր է լինում վիրահատությունից երկու օր անց դուրս գրվել հիվանդանոցից։ Առաջին օրերի ընթաքում հարկավոր է անկողնային ռեժիմ պահել։

Ֆիզիկական ցանկացած ծանրաբեռնվածություն կարող է դանդաղեցնել օրգանիզմի հետվիրահատական վերականգնումը։ Դեֆեկացիան հեշտացնելու համար հատուկ դիետա է նշանակվում, անհրաժեշտության դեպքում՝ լուծողական։

Մոտ մեկ ամիս պետք է խուսափել սեռական ակտից, ֆիզիկական ծանրաբեռնվածությունից, սաունայից և առհասարակ տաք վաննայից։ Տհաճ զգացողությունների դեպքում պետք է դիմել բժշկի։ Բժշկի ցուցումները ճիշտ կատարելու դեպքում կնոջ օրգանիզմը մի քանի շաբաթ անց լիովին վերականգնվում է, և կարող է վերադառնալ սովորական կյանքին;