Իսթմիկացերվիկալային անբավարարության շտկում

19.06.2019573

Հղիության ընթացքում կնոջ և պտղի վիճակի գրագետ վերահսկումը մանկաբարձագինեկոլոգիական օգնության կարևորագույն ուղղությունն է։ Ծագած բազմաթիվ խնդիրներ հենց գրագետ վարման արդյունքում չեն հասցնում բարդանալ և վտանգել մոր և պտղի առողջությունը։

Իսթմիկացերվիկալային անբավարարությունն արգանդի պարանոցի պաթոլոգիա է, որի դեպքում այն ժամանակից շուտ կարճանում է, պարանոցի ներքին և արտաքին օղը բացվում է, ինչի արդյունքում արգանդն ի զորու չի լինում այլևս իր ներսում պահել պտղին։ Այդ վիճակը կարող է հանգեցնել վաղաժամ ծննդաբերության հղիության 2-րդ և 3-րդ եռամսյակներում, երբ պտուղն ավելի ու ավելի է մեծանում՝ բնականորեն ճնշելով արգանդի պարանոցը։

Իսթմիկացերվիկալային անբավարարությունը հղիության 16-36-րդ շաբաթներում հղիության կրելախախտի ամենատարածված պատճառներից է։ ԻՑԱ-ն կարող է լինել օրգանական (տարած վնասվածքների և վիրահատությունների պատճառով) և ֆունկցիոնալ (հորմոնային խանգարումների, արգանդի պարանոցի կառուցվածքային խանգարումներ)։

Իմ փորձում ԻՑԱ-ով ընթացող հղիության դեպքերը շատ են եղել, և վաղ ախտորոշման շնորհիվ հնարավոր է եղել պահպանել ապահով հղիությունն ու մոր և երեխայի առողջությունը։

Ախտորոշումն իրականացվում է հետևայլ միջոցներով՝

  • արգանդի պարանոցի զննում հայելիներով և հեշտոցի հետազոտմամբ, 
  • ՈւՁՀ, 
  • վաղաժամ ծննդաբերության վտանգի աստիճանի որոշում հատուկ թեստերի միջոցով։

Մանրակրկիտ հետազոտությունից հետո կազմվում է ԻՑԱ-ի շտկման անհատական պլան։ Կախված հղիության ժամկետից ու օրգանիզմի անհատական առանձնահատկություններից՝ կոնսերվատիվ, վիրահատական կամ համակցված բուժում է նշանակվում։

Կոնսերվատիվ բուժման դեպքում մանաբարձական պեսարիում է տեղադրվում, որի մասին մանրամասն խոսել ենք ստորև դրված հոդվածում։

Կարդացեք՝ Մանկաբարձական պեսարիում

Վիրահատական բուժման դեպքում արգանդի պարանոցը կարվում է համակողմանի, մանրակրկիտ հետազոտություններից հետո և հակացուցումների բացակայության դեպքում։ Վերականգնումը ստացիոնարում կարող է խլել մի քանի օրից մինչև 1 շաբաթ։ Հետագա վերահսկումն իրականացվում է ամբուլատոր սկզբունքով պլանային ռեժիմով։