Կակաո․ օգտակար և վնասակար հատկությունները

18.06.2019412

Կակաոն տոնուսավորող և բուրումնավետ ըմպելիք է, պատրաստվում է կաթի, կակաոյի փոշու և շաքարի համադրումից։

Օգտակար հատկությունները

Պարունակում է կալցիում, մագնիում, երկաթ, կալիում, պղինձ, ցինկ, մանգան և այլ միկրոտարրեր, ինչպես նաև վիտամիններ՝ В1-В3, А, Е, С և այլն։

Օգնում է թոթափել լարվածությունը, թուլացնել մկանները, հանգստանալ, խթանում է արյունաստեղծումը, ամրացնում է ոսկրային հյուսվածքները, անանդամիդը խթանում է էնդորֆինների արտադրությունը, էներգիա է տալիս օրգանիզմին և կանխում օնկոլոգիական հիվանդությունների զարգացումը։

Կակաոն պարունակում է եզակի քիմիական մի նյութ՝ էպիկատեխին, որը նվազեցնում է զարկերակային ճնշումը, լավացնում է ուղեղի արյունամատակարարումը և կարճաժամկետ հիշողությունը։

Կանխում է դիաբետը և սրտի հիվադություններ, իսկ առանց շաքարավազի կակաոն օգտագործվում է մաշկի խնամքի համար՝ երիտասարդացնելով այն։

Որպես դիմակ օգտագործելու դեպքում լավացնում է նաև մազերի որակը։ Նիհարել ցանկացողներին ցուցված է կակաոն խմել առանց շաքարավազի և սերուցք ավելացնելու։

Վնասակար հատկությունները

Հակացուցված է մինչև երկու տարեկան երեխաներին և այն մեծահասակներին, որոնք ստամոքսահյութի մեծաքանակ արտազատման խնդիր ունեն։

Դաբաղանյութերը, որոնց քանակությունը մեծ է կակաոյում, չարաշահման դեպքում կարող են հանգեցնել փորկապության։

Չի կարելի խմել նաև քնելուց առաջ, քանի որ կարող է անքնություն առաջացնել։

Միգրենի հակվածություն ունեցող մարդկանց դեպքում հնարավոր է, որ գլխացավը սաստիկ ուժգնանա կակաոյում պարունակվող թեոբրոմինի, ֆենիլէթիլամինի և կոֆեինի պատճառով։