Հեշտոցամուտքի նեղացում

Այսօր պլաստիկ վիրաբուժության ամենապահանջված տեսակներից է ինտիմ պլաստիկան, որը թույլ է տալիս ազատվելու սեռական օրգանների ինչպես էսթետիկ, այնպես էլ ֆունկցիոնալ խնդիրներից:

Հեշտոցը կնոջ ներքին սեռական օրգանների հատվածն է, որը ծառայում է սեռական հարաբերության և երեխայի լույս աշխարհ գալու համար: Նորմայում այն նեղ է լինում, պատերը գրեթե դիպչում են իրար: Սակայն հիմնականում ծննդաբերության արդյունքում կամ կախված տարիքից հեշտոցի մուտքը կարող է լայնանալ:

Հեշտոցի մուտքի նեղացումը վիրաբուժական միջամտություն է, որը կատարվում է հեշտոցի վերին կամ ստորին շերտում` վերականգնելով կնոջ սեռական օրգանի ֆունկցիոնալությունը:

Վիրահատության ցուցումներն են՝

• կազմվածքի բնածին անոմալիաներ,
• ծննդաբերությունից հետո հեշտոցի լայնացում, 
• հեշտոցի պատերի իջեցում,  
• ներքին պատերի բացվածք, 
• ծննդաբերությունից հետո սպիներ, որոնք սեռական հարաբերության ժամանակ ցավ են առաջացնում, 
• հեշտոցի մեծացում տարիքային փոփոխությունների կամ հորմոնային խանգարումների պատճառով, 
• արգանդի իջեցում կամ արտանկում, 
• միզասեռական համակարգի խանգարումներ (անմիզապահություն), որովայնի ներքևի հատվածում ցավ, 
• սեռական անբավարարության պատճառով հոգեբանական խնդիրներ, այդ թվում` օրգազմի դժվար հասանելիություն և զգացողությունների քանակի նվազում սեռական հարաբերության ժամանակ: 

Նախապատրաստումը վիրահատության

Գինեկոլոգի կողմից նշանակվում է հեշտոցի ընդհանուր հետազոտություն, ինչպես նաև մեզի ընդհանուր, արյան կլինիկական և բիոքիմիական, ՄԻԱՎ և հեպատիտ B, C հետազոտություններ, քսուքի անալիզ ինֆեկցիաների առկայությունը ստուգելու նպատակով, կոագուլոգրամա, ֆլյուորոգրաֆիա, ԷՍԳ, անեսթեզիոլոգի խորհրդատվություն և այլն:

Հակացուցումներն են՝

• սիրտ-անոթային համակարգի խանգարումներ, 
• սուր թրոմբոֆլեբիտ, 
• սեռական օրգանների վեներական կամ բորբոքային հիվանդություններ, 
• ներքին օրգանների քրոնիկ հիվադություններ սրացման փուլում, 
• կոնքի օրգանների զարգացման պաթոլոգիաներ, 
• շաքարային դիաբետ, 
• արյան մակարդելիության խանգարումներ, 
•  կոնքի օրգանների իջեցում, 
• օնկոլոգիական հիվանդություններ, 
• հոգեկան խանգարումներ: 

Վիրահատությունը կատարվում է ողնուղեղային կամ ընդհանուր անզգայացմամբ։ Հետվիրահատական շրջանը Այս վիրահատության ժամանակ սովորաբար ներծծվող կարեր են դրվում և դրանք հանելու կարիք չի լինում: Սպիներ չեն մնում, և կտրվածքները շատ արագ ապաքինվում են:

Այնուամենայնիվ, բարդություններից խուսափելու համար անհրաժեշտ է հետևել հետևյալ ցուցումներին՝

• վիրահատությունից հետո մեկ շաբաթ, հատկապես առաջին 3 օրը, անկողնային ռեժիմ պահպանել, 
• հետևել նշանակված սննդակարգին, 
• ընդունել բժշկի նշանակած ցավազրկող և անտիբիոտիկ հաբերը, 
• պրոցեդուրայից հետո 1-2 շաբաթ չվարելնստակյաց կյանք, որպեսզի կարերը չբացվեն, 
• 1,5-2 ամիս հրաժարվել վագինալ սեռական հարաբերություններից, 
• սահմանափակել ծանր ֆիզիկական աշխատանքը, սպորտը, քանի որ այդ կարող է հանգեցնել մկանների լարման և կարերի դեֆորմացիայի (1-2 ամիս), 
• պարբերաբար հետազոտվել բուժող բժշկի մոտ: