Օզոնաթերապիան գինեկոլոգիայում

20.05.2019354

Ախտածին միկրոօրգանիզմների հարուցած գինեկոլոգիական հիվանդությունների բուժման ամենաարդյունավետ միջոցը հակաբիոտիկներն են, սակայն չնայած դրանց ուժեղ ազդեցությանը՝ հաբերը կարող են ալերգիկ ռեակցիա և կողմնակի էֆֆեկտ առաջացնել, ինչը բացասաբար է անդրադառնում կնոջ օրգանիզմի վրա։ Այդ պատճառով այսօր գինեկոլոգներն ավելի հաճախ են դիմում օզոնաթերապիայի, որն արդյունավետ է, անվնաս, անցավ և մատչելի։

Ինչպես և երբ է կատարվում

Օզոնային թերապիան գինեկոլոգիայում նշանակվում է պտղի անկրելիության, ներքին սեռական օրգանների բորբոքային հիվանդությունների, վուլվայի դիստրոֆիկ հիվանդությունների, միկրոֆլորայի կարգավորման և այլ դեպքերում։

Որոշ հիվանդությունների դեպքում արտաքին բուժում է նշանակվում, ինչպես նաև հեշտոցային կամ ռեկտալ, սակայն գինեկոլոգիայում ամենատարածվածը ներերակային օզոնաթերապիան է։

Բուժման տևողությունը կազմված է 10 սեանսից (ամեն օր կամ շաբաթական 2-3 անգամ՝ ըստ օրգանիզմի անհատական առանձնահատկությունների)։

Արդյունավետությունը

Բուժման արդյունավետությունը պայմանավորված է օզոնի դրական հատկություններով՝

  • օժտված է մանրէասպան, վիրուլիցիդ և ֆունգիցիդ ազդեցություններով, 
  • ակտիվածնում է թթվածնակախյալ պրոցեսները, 
  • բարձրացնում է բջիջների իմունիտետը և մետաբոլիզմը, 
  • թողնում հակաբորբոքային, ցավազրկող, դեզինտոկսիկացնող և հեմոստատիկ ազդեցություն։ 

Օզոնային թերապիան երբեմն կիրառվում է նաև ներարգանդային միջամտությամբ սուր, ենթասուր և քրոնիկ էնդոմետրիտի, էնդոմիոմետրիտի դեպքում և այլ ցուցումներով։