Հեշտոցի միկրովնասվածքներ

13.02.20191842

Հեշտոցի մաշկի և լորձաթաղանթի ամբողջականության խախտումը դառնում է ինտիմ հատվածում անհարմարավետության և տհաճ զգացողությունների (քոր, այրոց, գրգռվածություն) պատճառ և նպաստավոր պայմաններ ստեղծում ինֆեկցիոն ու բորբոքային հիվանդությունների առաջացման համար՝ կանդիդոզ, ցիստիտ և այլն։

Միկրովնասվածքների առաջացման պատճառները

Հեշտոցի լորձաթաղանթի միկրովնասվածքները կարող են առաջանալ երկարատև, հաճախակի կամ կոպիտ սեռական ակտերի արդյունքում։

Հաճախ հեշտոցի պատերը վնասվում են սեռական ակտի ժամանակ բնական քսուքի պակասի պատճառով։

Ինտիմ հիգիենայի կանոնների խախտումը կարող է հանգեցնել հեշտոցի դիսբիոզի։ Լորձաթաղանթի պաշտպանական ֆունկցիան թուլանում է և հետևանքներից մեկն էլ հենց փոքրիկ վնասվածքներն են դառնում։

Միկրովնասվածքների առաջացման այլ պատճառներից են՝

  • ալերգիկ ռեակցիաները, 
  • էստրոգեն հորմոնի պակասը, 
  • իմունիտետի անկումը, 
  • հակաբիոտիկների երկարատև օգտագործում և այլն։ 

Օրգանիզմի բնական պաշտպանությունն ամեն օր ենթարկվում է փորձությունների։ Հորմոնային փոփոխությունները, դեղամիջոցների գտագործումը և անվնաս թվացող, բայց վնասակար սովորություններն ու նախընտրությունները՝ նեղ ներքնաշոր, ամենօրյա միջադիրների օգտագործում, բացասաբար են ազդում հեշտոցի միկրոֆլորայի վրա, նպաստում են ախտածին բակտերիաների զարգացմանը և լորձաթաղանթի վնասմանը։

Անցանկալի հետևանքերից խուսափելու համար անհրաժեշտ է ուշադիր լինել սեփական առողջության հանդեպ և պարբերաբար դիմել գինեկոլոգիական խորհրդատվության։

Հարկավոր է օգտվել ինտիմ լվացման միջոցներից, ամեն օր փոխել ներքնաշորը, երկուսից չորս ժամը մեկ փոխել տամպոնն ու միջադիրը: