Բուլղարական պղպեղ․ օգտակարությունը և հակացուցումները

21.01.20191248

Բուլղարական պղպեղը հանդիպում է մի քանի գույնով՝ կանաչ, կարմիր, նարնջագույն, շագանակագույն կամ դեղին։ Հարուստ է վիտամիններով՝ А, Е, К, Р, С, ինչպես նաև В խմբի վիտամիններով (В1, В3, В2, В6, В5, В9)։

Վիտամին C-ի քանակով այն զիջում է միայն կիտրոնին և սև հաղարջին, իսկ վիտամին A-ի քանակով՝ գազարին։ Բացի այդ, պարունակում է նաև մագնիում, յոդ, ցինկ, կալցիում, կալիում, ֆոսֆոր, երկաթ, նատրիում և կարևոր այլ հանքանյութեր։

Կալորիականությունը

100 գր պղպեղի կալորիականությունը 25 կկալ է։

Օգտակար հատկությունները

Ամրացնում է օրգանիզմը, բարձրացնում իմունիտետը, օրգանիզմը պաշտպանում մրսածության հետևանքով առաջացող հիվանդություններից։

Կարգավորում է մարսողությունը, լավացնում ախորժակը։

Շատ օգտակար է տեսողության համար։

Բարենպաստ ազդեցություն է թողնում նյարդային համակարգի վրա, օգնում հանգստանալ, բարելավել քունը։

Ցուցված է շաքարային դիաբետ ունեցող մարդկանց։

Լավացնում է հիշողությունը, ուստի ցուցված է մտավոր աշխատանք կատարող մարդկանց և մեծահասակներին։

Նվազեցնում է ծխախոտի վնասակար ազդեցությունը։

Լավացնում է ոսկորների, մազերի, եղունգների ու մաշկի վիճակը։

Բուլղարական պղպեղն օգտագործվում է նաև կոսմետոլոգիայում։

Դրանից տարատեսակ դիմակներ են պատրաստում, որոնք օգնում են պահպանել մաշկի երիտասարդությունը։

Հակացուցումները

Լյարդի և երիկամների հիվանդությունների, սրտի իշեմիկ հիվանդության, սրտի ռիթմի խանգարման, հիպերտոնիայի, էպիլեպսիայի, թութքի, խոցային հիանդության և բարձր թթվայնությամբ գաստրիտի դեպքում բուլղարական պղպեղը կարող է վնասել, հետևաբար պետք է կանխավ խորհրդակցել բժշկի հետ։